പണ്ഡിതനും എഴുത്തുകാരനുമായ പിണങ്ങോട് അബൂബക്കര് സുന്നിമഹല്ല് ഫെഡറേഷന് സംസ്ഥാന സെക്രട്ടറിയാണ്. നാല് പതിറ്റാണ്ടിലധികമായി സുന്നിസാഹിത്യ രംഗത്ത് നിറസാന്നിധ്യമാണ്. സുന്നി അഫ്കാര് വാരിക, സന്തുഷ്ട കുടുംബം മാസിക, പത്രാധിപ സമിതി അംഗമായ പിണങ്ങോട് ഏഴ് ചരിത്രപുസ്തകങ്ങള് ഉള്പ്പെടെ ഇരുപത്തിരണ്ട് പുസ്തകങ്ങള് ഇതിനകം പ്രസിദ്ധീകരിച്ചിട്ടുണ്ട്.
സുന്നിയുവജന സംഘം, സുന്നി മഹല്ല് ഫെഡറേഷന് സംസ്ഥാന സെക്രട്ടറി, സമസ്ത കേരള ഇസ്ലാം മത വിദ്യാഭ്യാസ ബോര്ഡ് മാനേജര്, ദാറുല്ഹുദാ ഇസ്ലാമിക് യൂണിവേഴ്സിറ്റി സെനറ്റ് സിണ്ടിക്കറ്റ് മാനേജിംഗ് കമ്മിറ്റി അംഗം, വയനാട് മുസ്ലിം ഓര്ഫനേജ് ജനറല്ബോഡി അംഗം, പിണങ്ങോട് മഹല്ല് പ്രസിഡണ്ട് തുടങ്ങിയ സംഘടനാ-സ്ഥാപന രംഗങ്ങളിലും പ്രവര്ത്തിക്കുന്നു. പ്രമുഖ പ്രഭാഷകന്കൂടിയായ പിണങ്ങോട് അബൂബക്കര് കഴിഞ്ഞ ഒരു വ്യാഴഘട്ടമായി മുടങ്ങാതെ വിചാരപഥം പക്തി സുന്നിഅഫ്കാറില് കൈകാര്യം ചെയ്തുവരുന്നു. സന്തുഷ്ടകുടുംബം മാസികയില് വര്ത്തമാനം പംക്തിയും, അല്മുഅല്ലിം മാസികയില് അകത്തളം പംക്തിയും വര്ഷങ്ങളായി കൈകാര്യം ചെയ്യുന്നു.