സ്റ്റോക്ക്ഹോം: ഇസ്ലാമിക അക്കാദമിക് സ്ഥാപനങ്ങള് അടച്ചുപൂട്ടാനൊരുങ്ങി സ്വീഡിഷ് ഭരണകൂടം. രാജ്യത്തെ മികച്ച സ്ഥാപനങ്ങളില് ഇടംപിടിച്ച ഇസ്ലാമിക വിദ്യാലയങ്ങള് ഉണ്ടായിരിക്കെയാണ് സ്വീഡിഷ് ഭരണകൂടത്തിന്റെ നടപടി. ഈ വര്ഷത്തിന്റെ തുടക്കത്തില്, സ്വതന്ത്ര മതവിദ്യാലയങ്ങള് എന്ന് വിളിക്കപ്പെടുന്ന സ്ഥാപനങ്ങള് സ്ഥാപിക്കുന്നത് നിരോധിക്കുകയെന്ന ലക്ഷ്യത്തോടെ സര്ക്കാര് ബില് അവതരിപ്പിച്ചതായി സ്വീഡിഷ് മുന് വിദ്യാഭ്യാസ മന്ത്രി ലിന അക്സല്സണ് കില്ബ്ലോം വാര്ത്താ സമ്മേളനത്തില് വ്യക്തമാക്കിയിരുന്നു. വിദ്യാര്ഥികളുടെ എണ്ണം വര്ധിപ്പിക്കുകയോ 2024 മുതല് പുതിയ ശാഖകള് തുറക്കുകയോ ചെയ്യുന്നതില് നിന്ന് സ്വതന്ത്ര മതവിദ്യാലയങ്ങളെ ഈ ബില് തടയുന്നു. കരട് നിയമം ഇതുവരെ നോട്ടമിടുന്നത് ഇസ്ലാമിക അക്കാദമിക് സ്ഥാപനങ്ങളെ മാത്രമാണ് -അല്ജസീറ വെള്ളിയാഴ്ച റിപ്പോര്ട്ട് ചെയ്തു.
ഇസ്ലാമിക മതവിദ്യാലയങ്ങളോ മുസ്ലിംകളുടെ ഉടമസ്ഥതയിലുള്ള 20ഓളം വിദ്യാലയങ്ങളോ അടച്ചുപൂട്ടിയതായ സ്വീഡിഷ് തലസ്ഥാനത്തെ റാഗസ്വിഡ് പ്രദേശത്തെ ഇസ്ലാമിക അക്കാദമിക് സ്ഥാപനമായ ഫ്രംസ്റ്റീങ് സ്കോളന് ഡയറക്ടര് മുഹമ്മദ് അമീന് പറഞ്ഞു. അതേസമയം, മൂന്ന് മതവിദ്യാലയങ്ങള് കൂടി അടച്ചുപൂട്ടാനിരിക്കുകയാണെന്ന് അദ്ദേഹം കൂട്ടിച്ചേര്ത്തു.
ഭരണകൂട നടപടിക്കെതിരെ വിമര്ശനുവമായി ഇസ്ലാമിക വിദ്യാലയങ്ങളും സംഘടനകളും ഗവേഷകരും രംഗത്തെത്തി. അടച്ചുപൂട്ടാനുള്ള തീരുമാനം മോശം അക്കാദമിക് പ്രകടനങ്ങളോ മറ്റ് വിദ്യാഭ്യാസ ന്യൂനതങ്ങളോ കൊണ്ടല്ല, രാജ്യത്ത് നിലനില്ക്കുന്ന ഇസ്ലാം വിരുദ്ധ രാഷ്ട്രീയമാണെന്ന് വിമര്ശകര് ചൂണ്ടിക്കാട്ടി.
???? വാട്സാപ് ഗ്രൂപ്പില് അംഗമാകാന്????: https://chat.whatsapp.com/CtdeYjAfwas90JeGabX9H0