തെഹ്റാൻ: എതിരാളികളോടും സഖ്യക്ഷികളോടും ഒരുപോലെ പെരുമാറുന്ന അമേരിക്കക്കെതിരെ നിർണായകമായ പ്രതികരണമാണ് ഉണ്ടാവുകയെന്ന് ഇറാൻ വ്യക്തമാക്കി. വീണ്ടും ഇറാനുമേൽ ഉപരോധം ഏർപ്പെടത്തമണമെന്ന് യു.എസിന്റെ തീരുമാനത്തെ തുടർന്നാണ് ഇറാൻ പ്രസ്താവനയിറക്കിയിരിക്കുന്നത്. ഉപരോധം പുന:സ്ഥാപിക്കുന്നതിന് യു.എന്നിന്റെ അംഗീകാരമില്ല.
ഇറാൻ പ്രസിഡന്റെ ഹസൻ റൂഹാനി ഞായറാഴ്ച തത്സമയ ടെലിവിഷൻ കാബിനറ്റ് യോഗത്തിൽ രാജ്യത്തെ അഭിസംബോധന ചെയ്യകയും, ഇറാനുമേൽ ഉപരോധം ഏർപ്പെടുത്താനുള്ള യു.എസ് സമ്മർദത്തെ ചെറുത്ത ലോകശക്തികളെ അഭിനന്ദിക്കുകയും ചെയ്തു. നമ്മുടെ രാജ്യത്തിന്റെ നയതന്ത്രബന്ധ ചരിത്രത്തിലെ സ്മരണീയ ദിനമായിരിക്കും ഇന്നത്തെ ദിവസമെന്ന് ഹസൻ റൂഹാനി പറഞ്ഞു.