Women

പൂജാലാമയെ മാറ്റിമറിച്ച ഖുര്‍ആന്‍

ഖുര്‍ആനിന്റെ കൂടെ-8

പൂജാലാമ ലോകത്തിലെ ഏക ഹിന്ദു രാഷ്ട്രമായ നേപ്പാള്‍ സ്വദേശിനിയായിരുന്നു. പ്രമുഖ നടിയും നര്‍ത്തകിയുമായ അവര്‍ മദ്യത്തിന് അടിമയായിരുന്നു. ഒരിക്കല്‍ ഖത്തര്‍ യാത്രക്കായി വിമാനത്താവളത്തിലെത്തിയ അവര്‍ അവിടെ വെച്ച് അഹമ്മദ് മുനീര്‍ എന്ന ചെറുപ്പക്കാരനുമായി ദീര്‍ഘ നേരം സംസാരിക്കാനിടയായി. സംസാരത്തിനിടക്ക് ഖുര്‍ആനെയും ഏകദൈവവിശ്വാസത്തെയും പ്രപഞ്ചനാഥനെയും അദ്ദേഹം പൂജാ ലാമക്ക് പരിജയപ്പെടുത്തി കൊടുത്തു.

ഇത് അവര്‍ക്ക് ഖുര്‍ആന്‍ പഠിക്കാനുള്ള പ്രചോദനമായി. പിന്നീട് അവര്‍ ഖുര്‍ആന്റെ പരിഭാഷ പഠിച്ച് ഇസ്‌ലാം സ്വീകരിച്ച അവരുടെ ഇപ്പോഴത്തെ പേര് അംന ഫാറൂഖി എന്നാണ്. നേപ്പാളില്‍ നിന്ന് പ്രസിദ്ധീകരിക്കുന്ന ഏക ഇസ്‌ലാമിക വനിത മാസികയുടെ എഡിറ്റര്‍ ആണ് ഇന്നവര്‍. ലോകത്ത് വിമോചനം കൊതിക്കുന്ന പല സ്ത്രീകളും ആകൃഷ്ടരാകുന്നത് വിശുദ്ധ ഖുര്‍ആനിലാണ്.

Facebook Comments
Show More

ശൈഖ് മുഹമ്മദ് കാരകുന്ന്

1950 ജൂലൈ 15 മഞ്ചേരിക്കടുത്ത കാരകുന്നിലെ പുലത്ത് ഗ്രാമത്തില്‍ ജനിച്ചു. പിതാവ് പുലത്ത് മുഹമ്മദ് ഹാജി . മാതാവ് ആമിന. പുലത്ത് ഗവണ്‍മെന്റ് ലോവര്‍ പ്രൈമറി സ്‌കൂള്‍, കാരകുന്ന് അപ്പര്‍ പ്രൈമറി സ്‌കൂള്‍, മഞ്ചേരി ഗവണ്‍മെന്റ് ഹൈസ്‌കൂള്‍, ഫറോക്ക് റൗദത്തുല്‍ ഉലൂം അറബിക് കോളേജ്, കോഴിക്കോട് എല്‍.ടി.ടി. സെന്റര്‍ എന്നിവിടങ്ങളില്‍ വിദ്യാഭ്യാസം. മൊറയൂര്‍ വി.എച്ച്.എം.ഹൈസ്‌കൂള്‍, എടവണ്ണ ഇസ്ലാഹിയാ ഓറിയന്റല്‍ ഹൈസ്‌കൂള്‍ എന്നിവിടങ്ങളില്‍ അദ്ധ്യാപകനായി ജോലി ചെയ്തു. 1982 മുതല്‍ 2007 വരെ ഇസ്ലാമിക് പബ്ലിഷിംഗ് ഹൗസ് ഡയരക്ടറായി സേവനമനുഷ്ഠിച്ചു. ഇപ്പോള്‍ ജമാഅത്തെ ഇസ്ലാമി കേന്ദ്ര പ്രതിനിധി സഭാംഗം, കേരള സംസ്ഥാന കൂടിയാലോചനാ സമിതി അംഗം ,എന്നീ ചുമതലകള്‍ക്കൊപ്പം സംസ്ഥാന അസിസ്റ്റന്റ് അമീര്‍ കൂടിയാണ്. പ്രബോധനം വാരിക ചീഫ് എഡിറ്റര്‍, ഇസ്ലാമിക് പബ്ലിഷിങ് ഹൗസ് ഡയറക്ടര്‍, ഡി ഫോര്‍ മീഡിയ ചെയര്‍മാന്‍, ഡയലോഗ് സെന്റര്‍ കേരള ഡയറക്ടര്‍, കേരള മുസ്ലിം ഹെറിറ്റേജ് ഫൗണ്ടേഷന്‍ ചെയര്‍മാന്‍ എന്നീ ചുമതലകള്‍ വഹിക്കുന്നു പതിനാല് വിവര്‍ത്തന കൃതികള്‍ ഉള്‍പ്പെടെ എഴുപതിലേറെ ഗ്രന്ഥങ്ങളുടെ കര്‍ത്താവാണ്. അവയില്‍ ആറെണ്ണം ഇംഗ്ലീഷിലേക്കും പതിനൊന്നെണ്ണം കന്നടയിലേക്കും നാലെണ്ണം തമിഴിലേക്കും ഒന്ന് ഗുജറാത്തിയിലേക്കും മൊഴിമാറ്റം ചെയ്യപ്പെട്ടിട്ടുണ്ട് . അഞ്ച് ഗ്രന്ഥങ്ങള്‍ക്ക് വിവിധ പുരസ്‌കാരങ്ങള്‍ ലഭിച്ചു. സാമൂഹിക പ്രവര്‍ത്തകര്‍ക്കുള്ള 2018 ലെ കെ . കരുണാകരന്‍ അവാര്‍ഡിന് അര്‍ഹനായി. സുഊദി അറേബ്യ , യു.എ.ഇ ,ഒമാന്‍ , കുവൈത്ത്, ഖത്തര്‍ , ബഹ്‌റൈന്‍ , സിംഗപ്പൂര്‍, ശ്രീലങ്ക, മലേഷ്യ എന്നീ നാളുകള്‍ സന്ദര്‍ശിച്ചു. ആമിന ഉമ്മു അയ്മനാണ് കുടുംബിനി. അനീസ് മുഹമ്മദ് , ഡോക്ടര്‍ അലീഫ് മുഹമ്മദ് , ഡോക്ടര്‍ ബാസിമ , അയമന്‍ മുഹമ്മദ് എന്നിവര്‍ മക്കളും ഡോക്ടര്‍ അബ്ദുറഹമാന്‍ ദാനി, ഷമിയ്യത് , ആയിഷ നസീബ, ഇബ്തിസാം എന്നിവര്‍ ജാമാതാക്കളുമാണ്.

Related Articles

Back to top button
Close
Close