Vazhivilakk

ഇമാം ഗസ്സാലി പഠിപ്പിച്ചത്

മണ്‍മറഞ്ഞ മഹാന്മാരായ ഇമാമുകളെ പറ്റി, ദുഷിച്ചു പറയുകയും, അവരെ ളാല്ലും, മുളില്ലും, കാഫിറും മുശിരിക്കുമൊക്കെയാക്കുകയും ചെയ്യുന്നവര്‍ക്ക് വേണ്ടി ഇമാം ഗസ്സാലി റഹിമഹുല്ലാഹ് പഠിപ്പിച്ച മഹത്തായ പാഠം ഇവിടെ പ്രസക്തമാകുമെന്ന് തോന്നുന്നു.

മഹാനവര്‍കള്‍ പറഞ്ഞു.

وَقَالَ الإِمَامُ الْغَزَّالِيُّ:

وَاعْلَمْ أَنَّكَ فِي هَذَا المَقَامِ بَينَ أَنْ تُسِيءَ الظَّنَّ بِمُسْلِمٍ وَتَطْعَنُ عَلَيْهِ وَتَكَونُ كَاذِبًا، أَوْ تُحْسِنُ الظَّنَّ بِهِ وتَكُفَّ لِسَانَكَ عَنْ الطَّعْنِ وَأَنْتَ مُخْطِئٌ مَثَلًا، وَالخَطَأُ فِي حُسْنِ الظَّنِّ بِالمُسْلِمِ أَسْلَمُ مِنَ الصَّوَابِ بِالطَّعْنِ فِيهِمْ. فَلَوْ سَكَتَ إِنْسَانٌ مَثَلًا عَنِ لَعْنِ إِبْلِيسٍ أَوْ لَعْنِ أَبِي جَهْلِ أَوْ أَبِي لَهَبٍ أَوْ مَنْ شِئْتَ مِنَ الأَشْرَارِ طُولَ عُمْرِهِ لَمْ يَضُرَّهُ السُّكُوتُ، وَلَوْ هَفَا هَفْوَةً بِالطَّعْنِ فِي مُسْلِمٍ بِمَا هُوَ بَرِيءٌ عِنْدَ اللَّهِ تَعَالَى مِنْهُ فَقَدْ تَعَرَّضَ لِلهَلَاكِ.- الاِقْتِصَادُ فِي الاِعْتِقَادِ. – بَابُ الْإِمَامَةُ.

ആശയം: ഈ സന്ദര്‍ഭത്തില്‍ നിന്നെ സംബന്ധിച്ചിടത്തോളം (രണ്ട് നിലപാട് വെച്ചു പുലര്‍ത്താം) ഒന്നുകില്‍ നിനക്ക് ഒരു മുസ്ലിമിനെ കുറിച്ച് മോശമായ വിചാരം വെച്ചു പുലര്‍ത്തുകയും എന്നിട്ടദ്ദേഹത്തെ അധിക്ഷേപിക്കുകയും ചെയ്തുകൊണ്ട് കളവ് പറയുന്നവനാകാം. അല്ലെങ്കില്‍, അദ്ദേഹത്തെ സംബന്ധിച്ച് സദ് വിചാരം വെച്ചു പുലര്‍ത്തുകയും, അങ്ങനെ അദ്ദേഹത്തെ അധിക്ഷേപിക്കുന്നതില്‍ നിന്ന് നാവിനെ സൂക്ഷിക്കുകയും ചെയ്യുക. അക്കാര്യത്തില്‍ ഒരു പക്ഷെ താങ്കള്‍ തെറ്റുകാരനായിരിക്കാം. എന്തായാലും ഒരു മുസ്ലീമിനെ സംബന്ധിച്ച് സദ് വിചാരം വെച്ചു പുലര്‍ത്തുന്നതാണ് അദ്ദേഹത്തെ ആക്ഷേപിച്ച് കുറ്റപ്പെടുത്തുന്നതിനേക്കാള്‍ ശരിയോടു ഏറ്റവും അടുത്തു നില്‍ക്കുന്ന നിലപാട്. ഒരാള്‍ തന്റെ ആയുഷ്‌ക്കാലം മുഴുവന്‍ ഇബ് ലീസിനെയോ അബൂജഹലിനെയോ, അബൂലഹബിനെയോ എന്നുവേണ്ട തിന്മയുടെ ദുര്‍മ്മൂര്‍ത്തികളെപോലും ശപിക്കാതെ കഴിഞ്ഞെന്നിരിക്കട്ടെ, അതു വഴി അയാള്‍ക്കു യാതൊരു ദോഷവും സംഭവിക്കുകയില്ല. എന്നാല്‍ അല്ലാഹുവിന്റെയടുത്ത് തികച്ചും നിരപരാധിയായ ഒരു മുസ്ലിമിനെ സംബന്ധിച്ച് തെറ്റായ നിഗമനത്തിലെത്തുകയാണങ്കിലോ അവന്‍ നാശത്തിലെത്തിച്ചതു തന്നെ.-* (ഇമാം ഗസ്സാലിയുടെ അല്‍ ഇഖ്തിസ്വാദ് എന്ന ഗ്രന്ഥം).

മഹാന്മാരായ ഉലമാക്കളുടെ മാംസം വിഷലിപ്തമാണെന്നും, അവരെ ദുഷിച്ചു പറഞ്ഞാല്‍, അത്തരക്കാര്‍ മരിക്കുന്നതിന് മുമ്പ് അല്ലാഹു അവരുടെ ഹൃദയത്തെ മരിപ്പിച്ചു കൊണ്ട് പരീക്ഷിക്കുമെന്നും, ഇമാം ഇബ്‌നു അസാക്കിര്‍ പറഞ്ഞതായി, ഇമാം ഇബ്‌നു ഹജര്‍ രേഖപ്പെടുത്തിയിട്ടുണ്ട്. അതിനാല്‍ അറിയാതെ എന്തെങ്കിലുമൊക്കെ പറയുന്നവര്‍ സൂക്ഷിച്ചു കൊള്ളുക, ചീത്ത മരണം വരിക്കേണ്ടി വരും.

وَقَالَ الْحَافِظَ الْإِمَامَ ابْنُ عَسَاكِرَ:

اعْلَمْ يَا أَخِي وَفَّقَكَ اللَّهُ وَإِيَّانَا، وَهَدَاكَ سَبِيلَ الْخَيْرِ وَهَدَانَا أَنَّ لُحُومَ الْعُلَمَاءِ مَسْمُومَةٌ، وَعَادَةُ اللَّهِ فِي هَتْكِ مُنْتَقِصِهِمْ مَعْلُومَةٌ، وَمَنْ أَطْلَقَ لِسَانَهُ فِي الْعُلَمَاءِ بِالثَّلْبِ بَلَاهُ اللَّهُ قَبْلَ مَوْتِهِ بِمَوْتِ الْقَلْبِ { فَلْيَحْذَرْ الَّذِينَ يُخَالِفُونَ عَنْ أَمْرِهِ أَنْ تُصِيبَهُمْ فِتْنَةٌ أَوْ يُصِيبَهُمْ عَذَابٌ أَلِيمٌ }.- الزَّوَاجِرُ عَنْ اِقْتِرَافِ الْكَبَائِرِ لِلْإِمَامِ أَحْمَدَ بْنِ حَجَرٍ الْهَيْتَمِيِّ.

അതേ സമയം പണ്ഡിത വേഷം കെട്ടി, സാധാരണക്കാരെ വഴിതെറ്റിക്കുകയും, അവരെ നരകത്തിലേക്ക് നയിക്കുകയും ചെയ്യുന്ന വിരുതന്മാരെ തുറന്നു കാട്ടുകയും, അവരുണ്ടാക്കുന്ന അപകടത്തെയും, ഫിത്‌നയെയും പ്പറ്റി പൊതുജനങ്ങള ബോധവല്‍ക്കരിക്കുകയും ചെയ്യല്‍ ഈ പറഞ്ഞതിന് എതിരാവുകയില്ല.

Facebook Comments
Related Articles
Show More

ഇല്‍യാസ് മൗലവി

1972 മാര്‍ച്ച്4 ന് വയനാട് ജില്ലയിലെ പിണങ്ങോട് ജനനം. പിതാവ്: കുന്നത്ത് കുഞ്ഞബ്ദുല്ല. മതാവ്: പിലാശ്ശേരി ഖദീജ. പിണങ്ങോട് ഗവ: യു.പി. സ്‌കൂള്‍, വയനാട് മുസ്‌ലിം ഓര്‍ഫനേജ് ഹൈസ്‌കൂള്‍, തിരൂര്‍ക്കാട് ഇലാഹിയ്യ കോളേജ്, ഖത്തര്‍ റിലീജിയന്‍സ് ഇന്‍സ്റ്റിറ്റിയൂട്ട്, ഖത്തര്‍ യൂനിവേഴ്‌സിറ്റി എന്നിവിടങ്ങളില്‍ പഠനം. ഇസ്‌ലാമിക ശരീഅത്തിലും ഫിഖ്ഹിലും ഉസ്വൂലുല്‍ ഫിഖ്ഹിലും ബിരുദം. മദ്രാസ് യൂണിവേഴ്സിറ്റിയിൽ നിന്ന് മോഡേൺ അറബിക്കിൽ ബിരുദാനന്തര ബുരുദം- PHD ചെയ്തു കൊണ്ടിരിക്കുന്നു. ഖത്തര്‍ ഔഖാഫ് മന്ത്രാലയത്തിന്റെ കീഴില്‍ ഖുര്‍ആന്‍ തജ്‌വീദില്‍ പ്രത്യേക കോഴ്‌സ് റാങ്കോടെ പാസായി. ഖത്തര്‍ ശരീഅത്ത് കോടതി, ഡോ. യൂസുഫുല്‍ ഖറദാവിയുടെ സെക്രട്ടറിയായി മര്‍കസ് ബുഹൂസുസുന്ന വസ്സീറ, ഖത്തര്‍ റേഡിയോ എന്നിവിടങ്ങളില്‍ ജോലി ചെയ്തു. അല്‍ജാമിഅ അല്‍ഇസ്‌ലാമിയ്യ അസിസ്റ്റന്റ് മുദീര്‍, ഇത്തിഹാദുൽ ഉലമ കേരളയുടെ ഉപാധ്യക്ഷൻ, മജ്‌ലിസുത്തഅ്‌ലീമില്‍ ഇസ്‌ലാമി കമ്മിറ്റിയംഗം, ബൈത്തുസ്സകാത്ത് കേരള അംഗം എന്നീ സ്ഥാനങ്ങള്‍ വഹിക്കുന്നു. ആനുകാലിക പ്രസിദ്ധീകരണങ്ങളില്‍ കര്‍മശാസ്ത്രവിഷയങ്ങള്‍ കൈകാര്യം ചെയ്യുന്നു. കൃതികള്‍: ഇമാം മാലിക്, മയ്യിത്ത് സംസ്‌കരണ മുറകള്‍. ഭാര്യ: സുമയ്യ അബ്ദുര്‍റഹ്മാന്‍ തര്‍വായി. മക്കള്‍: അമ്മാര്‍ സലാമ, ഫൈറൂസ് സലാമ, നവാര്‍ സലാമ.
Close
Close

Adblock Detected

Please consider supporting us by disabling your ad blocker