1. നന്ദി ഗാസ ! യഥാർത്ഥ സൈനികർ ബിരുദം നേടുന്നത് സൂറത്ത് അൽ-അൻഫലിൽ നിന്നും വിശുദ്ധ ഖുർആൻ മനഃപാഠ ക്ലാസുകളിൽ നിന്നും ആണെന്ന് നിന്നിൽ നിന്ന് ഞങ്ങൾ മനസ്സിലാക്കി.സൈനിക കോളേജുകളിൽ നിന്നല്ല! ഗംഭീരമായ സ്യൂട്ടുകളില്ലാതെ, തോളിൽ നക്ഷത്രങ്ങളില്ലാതെ, നെഞ്ചിൽ മെഡലുകളില്ലാതെ ഞങ്ങൾ നിങ്ങളുടെ സൈനികരെ കണ്ടു, പക്ഷേ അവർ ജനറൽമാരായിരുന്നു!

2. നന്ദി ഗാസ!നിശ്ചയദാർഢ്യമുള്ള വർക്ക് എന്തും സാധിക്കും.കാര്യം ഭൗതിക വിഭങ്ങളുമായി ബന്ധപ്പെട്ടതല്ല. മറിച്ച് ഇച്ഛാശക്തികൊണ്ട് അത്ഭുതങ്ങൾ സംഭവിക്കുമെന്ന് ഞങ്ങൾ നിന്നിൽ നിന്നു് മനസ്സിലാക്കി. നീ ഈ കാലഘട്ടത്തിലെ ഒരു മഹാത്ഭുതം തന്നെ!

3. നന്ദി ഗാസ ! കുട്ടികളുടെ അവകാശങ്ങളെക്കുറിച്ച് വാചോടാപം നടത്തുന്നവരാൽ വഞ്ചിതരാകരുതെന്ന് നിന്നിൽ നിന്ന് ഞങ്ങൾ പഠിച്ചു. നിങ്ങളുടെ കുട്ടികളെ കൊല്ലുന്നതിനെ അവർ അഭിനന്ദിച്ചു.അവർ ഇനി സ്ത്രീകളുടെ അവകാശങ്ങൾ പറഞ്ഞു ഞങ്ങളുടെ വീടുകളിൽ പ്രവേശിക്കില്ല. കാരണം നിങ്ങളുടെ സ്ത്രീകളെ കൊല്ലുന്നതിനെ കുറിച്ച് അവർ മൗനം പാലിച്ചു.. അവസാനത്തേ കോട്ടയായ നമ്മുട കുടുംബസംവിധാനത്തെ നശിപ്പിക്കാനുള്ള മുഖംമൂടികളായിരുന്നു ഇതെല്ലാം.

4. നന്ദി ഗാസാ ! തേനിൽ വിഷം ചേർക്കാമെന്ന് നിന്നിൽ നിന്നാണ് ഞങ്ങൾ പഠിച്ചത്.അഭിപ്രായ സ്വാതന്ത്ര്യത്തിന്റെ മറവിൽ നമ്മുടെ പ്രവാചകനെ അധിക്ഷേപിച്ചവർ ഞങ്ങളുടെ അക്കൗണ്ടുകൾ നിയന്ത്രിച്ചു. നിന്നെ പിന്തുണച്ചും പ്രതിരോധിച്ചുമുള്ള പോസ്റ്റുകൾ ഡിലീറ്റ് ചെയ്തു. മനുഷ്യത്വവും കാരുണ്യവുമുള്ള ഏക മതത്തിലേക്ക് ക്ഷണിച്ചവർ, നിങ്ങളെ കൊല്ലുന്നത് കണ്ടപ്പോൾ അവരുടെ മനുഷ്യത്വം അഴിച്ചുമാറ്റി. തൽമൂദും വികലമായ സുവിശേഷവും ഉപയോഗിച്ച് നിങ്ങളെ കൊല്ലുന്നതിനെ ന്യായീകരിച്ചു.ഉച്ചത്തിലുള്ള ശബ്ദത്തിൽ ഞങ്ങൾ പ്രഖ്യാപിക്കുന്നു: നിങ്ങൾക്ക് നിങ്ങളുടെ മതം; എനിക്ക് എന്റേതും.

5. നന്ദി ഗാസ ! ഈ ​​ലോകം ഒരു കാടാണെന്നും അതിൽ ശക്തരായവർ മാത്രമേ ബഹുമാനിക്കപ്പെടുകയുള്ളൂ എന്നും നിന്നിൽ നിന്ന് ഞങ്ങൾ മനസ്സിലാക്കി. സുരക്ഷാ സമിതിയും ഐക്യരാഷ്ട്രസഭയും മനുഷ്യാവകാശ ചാർട്ടറും അവരെ നിങ്ങളുടെ പടിവാതിൽക്കൽ തടഞ്ഞില്ല. അൽ-യാസീന്റെ മിസൈലുകൾ ആണ് അവരെ തടഞ്ഞത്!

6. നന്ദി ഗാസാ ! ധീരമനുഷ്യരുടെ നെഞ്ചിൽ സിംഹങ്ങൾ പതുങ്ങിയിരിപ്പുണ്ടെന്നും, സാഹചര്യങ്ങൾ ഒത്തു വന്നാൽ അവർ സഹാബികളുടെ മഹത്വം പുനരാവർത്തിക്കുമെന്നും ഞങ്ങൾ നിന്നിൽ നിന്ന് പഠിച്ചു..അതിനാൽ സഅദിന് നന്ദി.അവൻ ഷൂട്ടിംഗിൽ അതിനിപുണൻ തന്നെ. സമർത്ഥരും വിദഗ്ദരുമായ പട്ടാളക്കാർക്ക് നന്ദി. അവരുടെ ധീരതയും സാഹസികതയും ഞങ്ങളെ ഉഹ്ദ് രണാങ്കണത്തെ ഓർമ്മിപ്പിച്ചു.അന്ന് പ്രവാചകൻ ചോദിച്ചു വല്ലൊ- ആരാണ് തന്നെത്തന്നെ നമുക്കു വിൽക്കാൻ തയ്യാറുളളത്? അപ്പോൾ സിയാദ് ബിൻ അസ്സകൻ ചാടിയെഴുന്നേറ്റു സ്വന്തത്തെ വിറ്റു. അഥവാ ദൈവമാർഗ്ഗത്തിൽ രക്ത സാക്ഷ്യം വഹിച്ചു.

7. നന്ദി ഗാസ ! നിന്നിൽ നിന്ന് ഞങ്ങൾ പഠിച്ചു, പ്രതികൂല സാഹചര്യങ്ങൾ ശിക്ഷണം നൽകുകയും പ്രയാസകരമായ ദിവസങ്ങൾ കടഞ്ഞെടുക്കൂകകയും ചെയ്യുന്നുവെന്ന്. നിങ്ങളുടെ കുട്ടികൾ അവരുടെ സമയത്തിന് മുമ്പ് വളർന്നു വലുതായി.അവരിൽ നിന്ന് ആണത്തമുള്ള വാക്കുകൾ ഞങ്ങൾ കേട്ടു.നിങ്ങളുടെ സ്ത്രീകൾ ധീര സഹാബിണിയായ ഖൻസയാേട് സാമ്യമുള്ളവരാണ് – ക്ഷമയിലും ത്യാഗത്തിലും ദൈവത്തോടുള്ള വിധേയത്വത്തിലും. നിങ്ങളുടെ പുരുഷന്മാർ പർവതങ്ങളാണ്.. ആർക്കാണ് പർവ്വതങ്ങൾ തകർക്കാൻ കഴിയുക!

8. നന്ദി ഗാസ ! പോരാളികൾ ജനങ്ങൾക്ക് വേണ്ടി നിലകൊള്ളുമ്പോൾ ജനങ്ങൾ അവരോടൊപ്പം നിൽക്കുമെന്ന് നിന്നിൽ നിന്ന് ഞങ്ങൾ മനസ്സിലാക്കി. സ്വന്തം കുട്ടികൾ ക്രുരമായി കൊല്ലപ്പെട്ടുപ്പോഴും അവരുടെ കുടുംബങ്ങൾ ക്ഷമയോടെ പറഞ്ഞു: ചെറുത്തുനിൽപ്പിന് വേണ്ടി സമർപ്പിതരാ ണ് ഞങ്ങൾ! അവരുടെ വീടുകൾ തകർക്കപ്പെട്ടപ്പോൾ അവർ പറഞ്ഞു: അന്തസ്സിനും അഭിമാനത്തിന് ഉയർന്ന വിലയുണ്ട്!പോരാളികളിൽ നിന്ന് പിരിഞ്ഞുപോകാൻ വേണ്ടി നിങ്ങൾ അതിക്രമിക്കപ്പെട്ടു. യുദ്ധത്തിലും സമാധാനത്തിലുള്ള അവസ്ഥ പോലെ പോരാളികളുടെ തലയിൽ കിരീടങ്ങൾ അണിയിച്ചു… ആ ശിരസ്സുകൾ ചുംബിക്കാൻ യോഗ്യമായവ തന്നെ !

9. നന്ദി ഗാസ ! രക്തം സമൂഹങ്ങൾക്ക് ജീവൻ പകരുമെന്ന് നിന്നിൽ നിന്ന് ഞങ്ങൾ മനസ്സിലാക്കി. ദരിദ്രരായ ദശലക്ഷക്കണക്കിന് ആളുകൾ വരുന്നതും പോകുന്നതും ഞങ്ങൾ നോക്കിക്കൊണ്ടിരുന്നു, പക്ഷേ അവരിൽ ഒരു ആത്മാവ് കാണുന്നില്ല. അപ്പോൾ നിങ്ങളുടെ രക്തം അവരിലേക്ക് ആത്മാവിനെ സന്നിവേശിപ്പിച്ചു! നിങ്ങളുടെ പിന്നിൽ തിളച്ചുമറിയുന്ന ഒരു സമൂഹമുണ്ട്‌. ബന്ധനത്തിലായ ഒരു അതികായനുണ്ട്.അത് ബന്ധനത്തിൽ നിന്നും മോചിതമാകാൻ സമയം അടുത്തിരിക്കുന്നു.

10. നന്ദി ഗാസ ! പ്രതിസന്ധികൾ മുഖംമൂടികൾ നീക്കം ചെയ്തു മുഖങ്ങളുടെ യഥാർത്ഥ്യം വെളിപ്പെടുത്തി തരുമെന്ന് നിന്നിൽ നിന്ന് ഞങ്ങൾ മനസ്സിലാക്കി. വാക്കുകളിൽ ധീരരായ എത്രയോ പേർ കർമ്മ രംഗത്ത് ഭീരുക്കളായി! എത്രയോ പണ്ഡിതരെ നാം ദൈവഭക്തരായി കണക്കാക്കി.പക്ഷേ അവർ വില്പനച്ചന്തയിൽ വിപണനം ചെയ്യപ്പെടുന്നവരായിത്തീർന്നു!

നിങ്ങൾ ഇത് ഒരു യുദ്ധമായി തീരുമാനിച്ചു. അത് മുഖേന ചിലരെ അപകീർത്തിപ്പെടുത്താനും ശുദ്ധീകരിക്കാനും ദൈവം ആഗഹിച്ചു. അതിനാൽ നിരവധി ആളുകൾ ആദ്യ ഘട്ടത്തിൽ തന്നെ വീണുപോയതും വിട്ടു പോയതും ഏറെ ഗുണകരമായിരിക്കുന്നു – യുദ്ധത്തിൻ്റെ നിർണ്ണായക ദശാസന്ധിയിൽ പിൻവലിയുന്നതിനേക്കാൾ !

 

വിവ: എം.ബി അബ്ദുർ റഷീദ് അന്തമാൻ