04-11-23- ശനി
- സ്കൂളുകള്, അഭയാര്ത്ഥി കേന്ദ്രങ്ങള്, ആശുപത്രികള്, ആംബുലന്സുകള് എന്നിവ ലക്ഷ്യമാക്കി ഗസ്സയില് ഇസ്രായേലിന്റെ കനത്ത ബോംബാക്രമണം ശനിയാഴ്ചയും ശക്തമായി തുടരുകയാണ്.
- ജബലിയ അഭയാര്ത്ഥി ക്യാമ്പിലെ സ്കൂളില് നടന്ന ആക്രമണത്തില് 15 പേര് കൊല്ലപ്പെട്ടതായി ഫലസ്തീന് ആരോഗ്യ മന്ത്രാലയം അറിയിച്ചു.
- ആംബുലന്സ് തകര്ത്തതായി ഇസ്രായേല് സ്ഥിരീകരിച്ചിരുന്നു. എന്നാല് ഹമാസിനെയാണ് ലക്ഷ്യമിട്ടതെന്ന് തെളിവുകള് ഇല്ലാതെ ഇസ്രായേല് ന്യായീകരിക്കുകയാണ്.
- ഇസ്രായേല് സന്ദര്ശനം പൂര്ത്തിയാക്കി അറബ് നേതാക്കളുമായുള്ള കൂടിക്കാഴ്ചക്കായി യു.എസ് സ്റ്റേറ്റ് സെക്രട്ടറി ആന്റണി ബ്ലിങ്കന് ജോര്ദാനിലേക്ക് പുറപ്പെട്ടു.
- ഒക്ടോബര് 7 മുതല് ഗസ്സയില് ഇസ്രായേല് നടത്തുന്ന ആക്രമണങ്ങളില് 9,488 ഫലസ്തീനികള് കൊല്ലപ്പെട്ടു.
- ഇസ്രായേല് സ്ഥാപനങ്ങളുമായുള്ള ബന്ധം താല്ക്കാലികമായി നിര്ത്തിവയ്ക്കാന് ഐയര്ലാന്റ് അക്കാദമിക് വിദഗ്ധര് ഐറിഷ് സര്വകലാശാലകളോട് അഭ്യര്ത്ഥിച്ചു.
- വടക്കന് ഗസ്സ മുനമ്പിലെ കമല് അദ്വാന് ആശുപത്രിയിലെ ജനറേറ്ററുകള് ഇന്ധനക്ഷാമം കാരണം ‘പൂര്ണ്ണമായി’ അടച്ചുപൂട്ടിയതായി ആഭ്യന്തര മന്ത്രാലയം അറിയിച്ചു.
- ഗസ്സയിലെ തകര്ന്ന കെട്ടിടങ്ങളുടെ അവശിഷ്ടങ്ങള്ക്കിടയില് 1,250 കുട്ടികള് ഉള്പ്പെടെ 2,200 പേര് കുഴിച്ചുമൂടപ്പെട്ട നിലയിലാണെന്ന് ആരോഗ്യ മന്ത്രാലയ വക്താവ് പറഞ്ഞു.
- ഇതുവരെയായി 150 പാരാമെഡിക്കല് ജീവനക്കാര് കൊല്ലപ്പെട്ടു.
- വെള്ളിയാഴ്ച റഫയിലേക്ക് പരുക്കേറ്റവരുമായി പോയ വാഹനവ്യൂഹം ഉള്പ്പെടെ 27 ആംബുലന്സ് വാഹനങ്ങള് പൂര്ണമായും തകര്ത്തു.
- 105 മെഡിക്കല് കേന്ദ്രങ്ങളെ ഇസ്രായേല് ബോധപൂര്വം ലക്ഷ്യമിടുകയാണ്. അതില് 16 എണ്ണം ഇപ്പോള് പ്രവര്ത്തനരഹിതമാണ്. 32 പ്രാഥമിക ശുശ്രൂഷാ കേന്ദ്രങ്ങള് ഇന്ധനത്തിന്റെ അഭാവത്തില് പൂര്ണ്ണമായ ഭാഗികമായോ പ്രവര്ത്തനരഹിതമാണ്.
- ശനിയാഴ്ച അല്-ഫഖൂറ സ്കൂളില് ഇസ്രായേല് നടത്തിയ ബോംബാക്രമണത്തില് 15 പേര് കൊല്ലപ്പെടുകയും 54 പേര്ക്ക് പരിക്കേല്ക്കുകയും ചെയ്തു.
- കഴിഞ്ഞ 24 മണിക്കൂറിനുള്ളില് മാത്രം 231 പേര് ഇസ്രായേല് ആക്രമണത്തില് കൊല്ലപ്പെട്ടു.
- ആകെ മരണസംഖ്യ 3,900 കുട്ടികള് ഉള്പ്പെടെ 9,488 ആയി.
- ഇസ്രയേലിന്റെ നടപടികള് കാരണം ഇസ്രായേല് പ്രധാനമന്ത്രിയുമായുള്ള ബന്ധം വിച്ഛേദിക്കുകയാണെന്ന് തുര്ക്കി പ്രസിഡന്റ് ഉര്ദുഗാന് പറഞ്ഞു.
- ‘നെതന്യാഹു നമുക്ക് സംസാരിക്കാന് പറ്റുന്ന ആളല്ല. ഞങ്ങള് അദ്ദേഹത്തെ എഴുതിത്തള്ളിയിരിക്കുകയാണ്,” റജബ് ത്വയ്യിബ് ഉര്ദുഗാന് പറഞ്ഞു.
- ഇസ്രായേലിലെ തങ്ങളുടെ സ്ഥാനപതിയെ തിരിച്ചുവിളിച്ചതായി തുര്ക്കി വിദേശകാര്യ മന്ത്രാലയം അറിയിച്ചു.
- ഗസ്സയില് ഇസ്രായേല് നടത്തിയ യുദ്ധക്കുറ്റങ്ങള് അന്വേഷിക്കാന് അന്താരാഷ്ട്ര കോടതി രൂപീകരിക്കണമെന്ന് ഒമാന് വിദേശകാര്യ മന്ത്രാലയം ആവശ്യപ്പെട്ടു.
- തെക്കന് ഗസ്സ സിറ്റിയിലെ രണ്ട് പള്ളികളില് ഇസ്രായേല് സൈന്യം ബോംബാക്രമണം നടത്തി.
- പള്ളിയും മത്സ്യബന്ധന ബോട്ടുകളും ലക്ഷ്യമിട്ടാണ് ഇസ്രായേലിന്റെ ആക്രമണം.
- ഹമാസ് നേതാവ് ഇസ്മാഈല് ഹനിയ്യയുടെ വീട് ബോംബിട്ടതായും റിപ്പോര്ട്ടുണ്ട്. എന്നാല് അദ്ദേഹം 2019 മുതല് വിദേശത്താണ് കഴിയുന്നത്. അദ്ദേഹത്തിന്റെ ബന്ധുക്കള്ക്ക് ബോംബിങ്ങില് പരുക്കേറ്റിട്ടുണ്ടോ എന്നത് വ്യക്തമല്ലെന്നും അല്ജസീറ റിപ്പോര്ട്ട് ചെയ്തു.
- ഗസ്സയെക്കുറിച്ച് ഒരേ സ്വരത്തില് സംസാരിക്കണമെന്ന് ജോര്ദാന് രാജാവ് അബ്ദുല്ല രണ്ടാമന് അറബ് വിദേശകാര്യ മന്ത്രിമാരോട് ആവശ്യപ്പെട്ടു.
- അന്താരാഷ്ട്ര സമൂഹത്തിന്റെ ‘ഇരട്ടത്താപ്പ്’ അവസാനിപ്പിക്കണമെന്ന് ഫലസ്തീന് ആരോഗ്യമന്ത്രി.
- അമേരിക്കയെയും ഇസ്രായേലിനെയും അപലപിച്ചും 1979ലെ തെഹ്റാനിലെ യു.എസ് എംബസി പിടിച്ചെടുത്തതിനെയും അപലപിച്ച് ഇറാനിലുടനീളം വലിയ പ്രകടനങ്ങള് നടന്നു.
- ഉപരോധിക്കപ്പെട്ട എന്ക്ലേവിലെ യുദ്ധം അവസാനിപ്പിക്കാന് അന്താരാഷ്ട്ര സമൂഹത്തില് സമ്മര്ദ്ദം ചെലുത്തേണ്ടത് അറബ് രാജ്യങ്ങളുടെ കടമയാണെന്നും അദ്ദേഹം കൂട്ടിച്ചേര്ത്തു.
02-11-23 – വ്യാഴം
ഗസ്സ
കൊല്ലപ്പെട്ടവര്: 9,061
പരിക്കേറ്റവര്: 32,000
വെസ്റ്റ് ബാങ്ക്
കൊല്ലപ്പെട്ടവര്: 132
പരിക്കേറ്റവര്: 2,000
ഇസ്രായേല്
കൊല്ലപ്പെട്ടവര്: 1,405
പരിക്കേറ്റവര്: 5,431
- ഗസ്സയില് ഇസ്രായേല് ബോംബാക്രമണം ശക്തമാകുന്നതിനിടെ വടക്കന് ഗസ്സയിലും ഗസ്സ സിറ്റിയിലും ഇസ്രായേല് സേനയും ഫലസ്തീന് പോരാളികളും തമ്മില് രൂക്ഷമായ ഏറ്റുമുട്ടല് നടക്കുന്നതായി അല്ജസീറ റിപ്പോര്ട്ട് ചെയ്തു.
- ജബലിയ്യ അഭയാര്ത്ഥി ക്യാമ്പിന് നേരെ ഇസ്രായേല് നടത്തിയ ബോംബാക്രമണത്തില് ഇതുവരെ 195 പേര് കൊല്ലപ്പെടുകയും 120 പേര് കാണാതാവുകയും ചെയ്തിട്ടുണ്ട്. ഇത് ‘യുദ്ധക്കുറ്റങ്ങള്ക്ക് കാരണമാവുന്ന ആനുപാതികമല്ലാത്ത ആക്രമണങ്ങള്’ ആയിരിക്കുമെന്ന് യു.എന്.
- കാന്സര് രോഗികള്ക്ക് സേവനം നല്കുന്ന ഗസ്സയിലെ ഏക ആശുപത്രിയായ ടര്ക്കിഷ്-ഫലസ്തീന് ഫ്രണ്ട്ഷിപ്പ് ആശുപത്രി ഇന്ധനം തീര്ന്നതിനെ തുടര്ന്ന് അടച്ചുപൂട്ടാന് നിര്ബന്ധിതരായി. ആശുപത്രി സംരക്ഷിക്കണമെന്ന് ഫലസ്തീന് വക്താവ് തുര്ക്കി പ്രസിഡന്റ് ഉര്ദുഗാനോട് ആവശ്യപ്പെട്ടു.
- ഇന്തോനേഷ്യന് ആശുപത്രി ബാക്കപ്പ് ജനറേറ്ററിലാണ്് പ്രവര്ത്തിക്കുന്നത്.
- ഒക്ടോബര് 7 മുതല് ഗസ്സയില് ഇസ്രായേല് നടത്തിയ ആക്രമണങ്ങളില് 9,061 ഫലസ്തീനികള് കൊല്ലപ്പെട്ടു. 3,760 പേര് കുട്ടികളാണ്.
- ഇസ്രായേലിലെ തങ്ങളുടെ അംബാസഡറെ തിരിച്ചുവിളിച്ചതായും ഇസ്രായേലുമായുള്ള എല്ലാ സാമ്പത്തിക ബന്ധങ്ങളും അവസാനിപ്പിച്ചതായും ബഹ്റൈന് അറിയിച്ചു.
- 2020ല് ഇസ്രായേലുമായി നയതന്ത്ര ബന്ധം സ്ഥാപിച്ച അറബ് രാഷ്ട്രങ്ങളില് ഒരാളായിരുന്നു ബഹ്റൈന്. മനാമയിലെ ഇസ്രായേല് അംബാസഡറെ തിരിച്ചയച്ചു.
- ഗസ്സയിലെ 35 ആശുപത്രികളില് 16 എണ്ണവും പ്രവര്ത്തനരഹിതമാണെന്ന് ഫലസ്തീന് ആരോഗ്യ മന്ത്രാലയം അറിയിച്ചു.
- ആശുപത്രിക്കുള്ളിലെ 70 കാന്സര് രോഗികളുടെ ജീവന് ഗുരുതരമായ ഭീഷണിയിലാണെന്ന് ഫലസ്തീന് ആരോഗ്യമന്ത്രി മെയ് അല് കൈല പറഞ്ഞു.
- വെസ്റ്റ് ബാങ്കില് വ്യാഴാഴ്ച ഇസ്രായേല് കുടിയേറ്റക്കാരുടെ ആക്രമണത്തിനിടെ കാറുകള്ക്കും കടകള്ക്കും തീയിട്ടു
- ഇന്ന് ഇസ്രായേല് നടത്തിയ വ്യോമാക്രമണത്തില് 256 സാധാരണക്കാര് കൊല്ലപ്പെട്ടു. 1,150 കുട്ടികളെ കാണാതാവുകയോ അവശിഷ്ടങ്ങള്ക്കടിയില് കുടുങ്ങുകയോ ചെയ്തതുള്പ്പെടെ 2,600 ആളുകളെ കാണാതായതായി അല്-ഷിഫ ആശുപത്രി.
- ഇതുവരെയായി 135 മെഡിക്കല് സ്റ്റാഫുകള് കൊല്ലപ്പെടുകയും 25 ആംബുലന്സുകള് തകര്ക്കപ്പെടുകയും ചെയ്തു. ഗസ്സയില് 16 ആശുപത്രികള് പ്രവര്ത്തനരഹിതമാണ്, 32 മെഡിക്കല് കെയര് സൗകര്യങ്ങള് പ്രവര്ത്തനരഹിതമാണ്.
- ഇസ്രായേല് കര ആക്രമണം ആരംഭിച്ചതിന് ശേഷം 18 ഇസ്രായേലി സൈനികര് കൊല്ലപ്പെട്ടു.
- വടക്കന് ഗസ്സയില് പോരാട്ടം തുടരുകയാണെന്നും യുദ്ധം ആരംഭിച്ചതിന് ശേഷം 12,000 ലധികം കേന്ദ്രങ്ങള് തകര്ത്തെന്ന് ഇസ്രായേല് സൈനിക വക്താവ് ഡാനിയല് ഹഗാരി പറഞ്ഞു.
- ലെബനനില് നിന്ന് തൊടുത്തുവിട്ട മിസൈല് തങ്ങളുടെ ഡ്രോണുകളില് ഒന്ന് വെടിവച്ചെന്ന് ഇസ്രായേല് സൈന്യം സ്ഥിരീകരിച്ചു.
- ഗസ്സയില് നിന്ന് ‘ഏകദേശം 7,000’ വിദേശികളെയും ഇരട്ട പൗരത്വമുള്ളവരെയും ഒഴിപ്പിക്കാന് സഹായിക്കുമെന്ന് ഈജിപ്ത് പറഞ്ഞു.
Reporting from the middle area where a residential tower was bombed. Many of the dead and injured were taken to the hospital. Volunteers search under the rubble for survivors and victims pic.twitter.com/UozGzZqRDq
— MoTaz (@azaizamotaz9) November 1, 2023
01-11-23 ബുധന്
- ജബലിയ്യ അഭയാര്ത്ഥി ക്യാംപിന് നേരെ ഇസ്രായേല് നടത്തിയ വ്യോമാക്രമണത്തില് ഡസന് കണക്കിന് ആളുകളെ കൊല്ലപ്പെടുകയും വ്യാപകമായ അപലപനത്തിന് കാരണമാവുകയും ചെയ്തതിന് തൊട്ടുപിന്നാലെ ബുധനാഴ്ചയും ജബാലിയ അഭയാര്ത്ഥി ക്യാമ്പ് വീണ്ടും ആക്രമിക്കപ്പെട്ടു.
- ഒക്ടോബര് 7ന് ശേഷം ആദ്യമായി റഫ അതിര്ത്തി ഗസ്സയില് നിന്നും തുറന്നു. ക്രോസിംഗ് വഴി പരിക്കേറ്റ ഫലസ്തീനികളെ വഹിച്ചുള്ള ആംബുലന്സുകള് ഗസ്സയില് നിന്ന് ഈജിപ്തിലേക്ക് പ്രവേശിച്ചു.
- ചില വിദേശ പൗരന്മാര്ക്കും ഇരട്ട പാസ്പോര്ട്ട് ഉടമകള്ക്കും പോകാന് അനുമതിയുണ്ട്.
- ഗസ്സയിലുടനീളം ആശയവിനിമയങ്ങളും ഇന്റര്നെറ്റ് സേവനങ്ങളും വീണ്ടും വെട്ടിക്കുറച്ചതായി ഫലസ്തീന് ടെലികമ്മ്യൂണിക്കേഷന് കമ്പനിയായ പാല്ടെല് അറിയിച്ചു.
- വടക്കന് ഗസ്സയിലെ ബെയ്ത് ഹനൂനില് തങ്ങളുടെ പോരാളികള് കവച വിരുദ്ധ ഷെല്ലുകള് ഉപയോഗിച്ച് നാല് ഇസ്രായേല് സൈനിക വാഹനങ്ങള് നശിപ്പിച്ചതായി ഹമാസ് പറഞ്ഞു.
- ഗസ്സയില് ഇസ്രായേലിന്റെ ആക്രമണത്തില് മരിച്ചവരുടെ എണ്ണം 8,500 കവിഞ്ഞു.
- ജനറേറ്റര് നിലയ്ക്കാന് ഇനി മണിക്കൂറുകള് മാത്രുള്ളൂവെന്ന് ഫലസ്തീന് അറിയിച്ചു.
- ജനറേറ്ററുകളില് ഇന്ധനം തീര്ന്നാല് ഓക്സിജന് ഉപകരണങ്ങളില് നിന്നുള്ള വൈദ്യുതി വിച്ഛേദിക്കപ്പെടുമെന്ന് ആരോഗ്യ മന്ത്രാലയം.
- 57 കിഡ്നി ഡയാലിസിസ് മെഷീനുകള് പ്രവര്ത്തനം നിര്ത്തും, ഓക്സിജന് ഉല്പ്പാദന യന്ത്രങ്ങളും നിര്ത്തും.
- കഴിഞ്ഞ 24 മണിക്കൂറിനിടെ ഗസ്സയില് കൊല്ലപ്പെട്ട ഇസ്രായേല് സൈനികരുടെ എണ്ണം 13 ആയി.
- 3,648 കുട്ടികളും 2,290 സ്ത്രീകളും ഉള്പ്പെടെ ഗസ്സയില് ഇസ്രായേല് നടത്തിയ ആക്രമണത്തില് കൊല്ലപ്പെട്ടവരുടെ എണ്ണം 8,796 ആയി ഉയര്ന്നു.
22,219 പേര്ക്ക് പരിക്കേറ്റിട്ടുണ്ട്. - 130 പാരാമെഡിക്കുകളും കൊല്ലപ്പെട്ടു, 28 ആംബുലന്സുകള് തകര്ക്കപ്പെട്ടു. 35 ആശുപത്രികളില് 16 എണ്ണം പ്രവര്ത്തനരഹിതമാണ്, 72 പ്രാഥമികാരോഗ്യ കേന്ദ്രങ്ങളില് 51 എണ്ണം അടച്ചുപൂട്ടി.
- അധിനിവേശ വെസ്റ്റ് ബാങ്കില് 128 ഫലസ്തീനികള് കൊല്ലപ്പെടുകയും 1,980 പേര്ക്ക് പരിക്കേല്ക്കുകയും ചെയ്തിട്ടുണ്ട്.
Video shows scenes of destruction in the Jabalia refugee camp in Gaza, which has been hit by Israeli air strikes for a second straight day.
Palestinian officials say dozens of Palestinians were killed in a series of bombings there on Tuesday ⤵️ pic.twitter.com/N95J1xBEMb
— Al Jazeera English (@AJEnglish) November 1, 2023
31-10-23
- വടക്കുപടിഞ്ഞാറന് ഗസ്സയിലേക്ക് അതിക്രമിച്ചു കടന്ന ഇസ്രായേലി ടാങ്കുകള് ആക്രമിക്കുകയും ഒരു കെട്ടിടത്തിനുള്ളില് വെച്ച് ‘ഇസ്രായേല് സേനയുടെ നീക്കം തകര്ത്തെന്നും ഹമാസിന്റെ സായുധ വിഭാഗം പറഞ്ഞു.
- വെടിനിര്ത്തലിനുള്ള ആഹ്വാനങ്ങള് പ്രധാനമന്ത്രി നെതന്യാഹു തള്ളിയതിനാല് ഉപരോധിക്കപ്പെട്ട പ്രദേശത്തുടനീളം ചൊവ്വാഴ്ചയും ബോംബാക്രമണങ്ങള് റിപ്പോര്ട്ട് ചെയ്തു.
- ഇസ്രായേല് ആക്രമണം മൂലം നാശനഷ്ടങ്ങള്ക്കും പരുക്കുകളും ഉണ്ടായെന്ന് തുര്ക്കി-ഫലസ്തീന് ഫ്രണ്ട്ഷിപ്പ് ആശുപത്രി അധികൃതര് പറഞ്ഞു. മണിക്കൂറുകള്ക്ക് ശേഷം ഗസ്സയിലെ ഇന്തോനേഷ്യ ആശുപത്രിയുടെ പ്രവര്ത്തനം വീണ്ടും തടസ്സപ്പെട്ടു.
- ഇതുവരെയായി ഗസ്സയില് 8,525 ഫലസ്തീനികള് കൊല്ലപ്പെട്ടു. ഇതില് 3,542 കുട്ടികളും ഉള്പ്പെടുന്നു.
ഇസ്രായേലില് 1,400-ലധികം ആളുകളാണ് കൊല്ലപ്പെട്ടത്. - ഗസ്സയുടെ വടക്ക് ഭാഗത്തെ തെക്ക് ഭാഗത്ത് നിന്നും വേര്പ്പെടുത്താന് ഇസ്രായേല് ശ്രമിക്കുന്നതായി ഗസ്സ ആഭ്യന്തര മന്ത്രാലയ.
- ഇസ്രായേല് സൈന്യം സലാ അല്-ദിന് സ്ട്രീറ്റില് ഉണ്ടെന്നും അവര് ല്-റഷീദ് സ്ട്രീറ്റിലേക്ക് കടക്കാന് ശ്രമിക്കുന്നുണ്ടെന്നും ആഭ്യന്തര മന്ത്രാലയ വക്താവ് ഇയാദ് അല്-ബസും അല് ജസീറയോട് പറഞ്ഞു.
- കഴിഞ്ഞ ദിവസം ഗസ്സ നഗരത്തിലെ സാംസ്കാരിക കേന്ദ്രത്തില് ബോംബാക്രമണം നടത്തിയതിന് ജറുസലേമിലെ ഓര്ത്തഡോക്സ് പാത്രിയാര്ക്കേറ്റ്, ഇസ്രായേലിനെ കുറ്റപ്പെടുത്തി.
- ഇസ്രായേല് ആശുപത്രികളെ ലക്ഷ്യമിടുന്നത് അന്താരാഷ്ട്ര മാനുഷിക നിയമങ്ങളുടെ ലംഘനമാണെന്ന് യു.എന്.
- ചെങ്കടല് മേഖലയില് നിന്ന് ഇസ്രായേലിലേക്ക് ഡ്രോണ് വന്നതായും അത് തകര്ത്തെന്നും ഇസ്രായേല് സൈന്യം. യെമനിലെ ഇറാന് പിന്തുണയുള്ള ഹൂതി വിമതര് ഡ്രോണ് വിക്ഷേപിച്ചതിന്റെ ഉത്തരവാദിത്തം ഏറ്റെടുത്തു.
- ഇറാന് വിദേശകാര്യ മന്ത്രിയും ഖത്തര് അമീര് ഷെയ്ഖ് തമീം ബിന് ഹമദ് അല്താനിയുമായി ദോഹയില് കൂടിക്കാഴ്ച നടത്തി. ഉഭയകക്ഷി ബന്ധങ്ങളും പൊതുതാല്പ്പര്യമുള്ള വിഷയങ്ങളും ചര്ച്ച ചെയ്തതായി ഖത്തര് അമീരി ദിവാന് സ്ഥിരീകരിച്ചു.
- ടെക് ഭീമന്മാരായ ബൈഡുവിന്റെയും ആലിബാബയുടെയും ഡിജിറ്റല് മാപ്പിംഗ് പ്ലാറ്റ്ഫോമുകളില് നിന്ന് ‘ഇസ്രായേല്’ എന്ന വാക്കും മാപ്പും നീക്കം ചെയ്ചചായി വാള് സ്ട്രീറ്റ് ജേണല് റിപ്പോര്ട്ട് ചെയ്തു.
- ഉപരോധിക്കപ്പെട്ട മുനമ്പിലെ ആശുപത്രികളെയും മെഡിക്കല് സെന്ററുകളെയും ഇസ്രായേല് ലക്ഷ്യമിടുന്നത് തുടരുകയാണെന്ന് ഗസ്സ ആരോഗ്യ മന്ത്രാലയം അറിയിച്ചു.
- ഗസ്സയിലെ ‘മാനുഷിക ദുരന്തം’ ഉടന് നിര്ത്തണമെന്ന് ജോര്ദാന് ആഹ്വാനം ചെയ്തു.
- ഗസ്സയില് 940 കുട്ടികളെയെങ്കിലും കാണാതായിട്ടുണ്ടെന്ന് യുണിസെഫ് പറയുന്നു. ശിശു നിര്ജ്ജലീകരണം വര്ദ്ധിച്ചുവരുന്ന ഭീഷണിയാണെന്നും അവര് കൂട്ടിച്ചേര്ത്തു.
- ഒരു ബുള്ഡോസറും സൈനികരെ കൊണ്ടുപോകുന്ന വാഹനവും തകര്ത്തെന്ന് ഖസ്സാം ബ്രിഗേഡ് പറഞ്ഞു.
- ഒക്ടോബര് ഏഴിലെ ആക്രമണത്തിന് പിന്നില് ആരോപിക്കപ്പെടുന്ന മറ്റൊരു ഹമാസ് കമാന്ഡറെ വധിച്ചതായി ഇസ്രായേല് സൈന്യം അറിയിച്ചു.
- നബ്ലസിനടുത്തുള്ള സവാത ഗ്രാമത്തില് ഇസ്രായേല് സൈന്യത്തിന്റെ വെടിയേറ്റ് പരിക്കേറ്റ 14കാരനായ ഫലസ്തീന് ബാലന് മരിച്ചു.
- ഇസ്രായേല്-ഹമാസ് യുദ്ധം സിറിയയിലേക്കും വ്യാപിക്കുകയാണെന്ന് യു.എന് പ്രത്യേക പ്രതിനിധി പറയുന്നു.
- ഗസ്സ മുനമ്പില് പ്രവര്ത്തിക്കുന്ന ആശുപത്രികള്, ആരോഗ്യ കേന്ദ്രങ്ങള്, ആംബുലന്സുകള്, മെഡിക്കല്, ഫസ്റ്റ് എയ്ഡ് ടീമുകള് എന്നിവയെ ഇസ്രായേല് ബോധപൂര്വം ലക്ഷ്യമിടുന്നതിനെ ഫലസ്തീന് വിദേശകാര്യ മന്ത്രാലയം അപലപിച്ചു.