ന്യൂയോര്ക്ക്: ആഗോള സമാധാനത്തിന് ആഹ്വാനം ചെയ്ത് പോപ് ഫ്രാന്സിസ് മാര്പാപ്പയും ഈജിപ്ത് ഗ്രാന്റ് ഇമാമും. ‘മനുഷ്യ സാഹോദര്യത്തിന്റെ’ പ്രാധാന്യത്തെക്കുറിച്ച് ചര്ച്ച ചെയ്യുന്ന ന്യൂയോര്ക്കിലെ ഐക്യരാഷ്ട്ര സുരക്ഷാ കൗണ്സിലിലാണ് ഫ്രാന്സിസ് മാര്പാപ്പയും ഈജിപ്തിലെ പ്രമുഖ സുന്നി ഇമാമും സമാധാനത്തിനായി ആഹ്വാനം ചെയ്തത്.
ഉദരശസ്ത്രക്രിയ കഴിഞ്ഞ് ആശുപത്രിയില് കഴിയുന്ന പോപ്പ് യോഗത്തില് പ്രസ്താവന അയക്കുകയായിരുന്നു. മൂന്നാം ലോക മഹായുദ്ധം ‘ഒരു കഷണത്തിനായി’ പോരാടുകയാണെന്നും മനുഷ്യരാശിക്ക് ‘സാഹോദര്യത്തിന്റെ ക്ഷാമം’ അനുഭവപ്പെടുകയാണെന്നും പ്രസ്താവനയില് പറഞ്ഞു.
മനുഷ്യ സാഹോദര്യമാണ് ആഗോള സമാധാനത്തിന്റെ താക്കോലെന്ന് കെയ്റോയിലെ വിശ്വപ്രസിദ്ധമായ അല്-അസ്ഹറിന്റെ ഗ്രാന്ഡ് ഇമാം ഷെയ്ഖ് അഹമ്മദ് അല്-ത്വയ്യിബ് പറഞ്ഞു.
‘ഇന്ന്, ആണവായുധങ്ങളും കൂട്ട നശീകരണവും ഉപയോഗിച്ചുള്ള യുദ്ധങ്ങള് പരിധിയില്ലാത്തതും അതിന്റെ പ്രത്യാഘാതങ്ങള് വിനാശകരവുമാണെന്നും ഇരുവരും പറഞ്ഞു. ‘യുദ്ധത്തോട് ”നോ” എന്ന് ശക്തമായി പറയേണ്ട സമയം അതിക്രമിച്ചിരിക്കുന്നു, യുദ്ധങ്ങള് ന്യായമല്ല, സമാധാനം മാത്രമാണ് നീതിയെന്ന് പ്രസ്താവിക്കാനുള്ള സമയം അതിക്രമിച്ചിരിക്കുന്നു,” മാര്പാപ്പ പ്രസ്താവനയില് കൂട്ടിച്ചേര്ത്തു.
ബുദ്ധിശൂന്യമായ യുദ്ധങ്ങള് അവസാനിപ്പിക്കാന് പ്രേരിപ്പിക്കുകയാണ് കൗണ്സിലിനോട് സംസാരിക്കുന്നതിന്റെ ഉദ്ദേശ്യമെന്ന് അല് ത്വയിബ് പറഞ്ഞു. ഇറാഖ്, അഫ്ഗാനിസ്ഥാന്, സിറിയ, ലിബിയ, യെമന് എന്നീ രാജ്യങ്ങളെ ഉദ്ധരിച്ച് അദ്ദേഹം പറഞ്ഞു. 75 വര്ഷത്തിന് ശേഷം ഒരു സ്വതന്ത്ര ഫലസ്തീന് രാഷ്ട്രത്തെ അംഗീകരിക്കണമെന്നും ഗ്രാന്ഡ് ഇമാം കൗണ്സിലിനോട് ആവശ്യപ്പെട്ടു.
യൂറോപ്പിന്റെ കിഴക്കന് അതിര്ത്തികളില് നടക്കുന്ന യുദ്ധം ഭീകരത വളര്ത്തിയെന്നും അത് മനുഷ്യരാശിയെ ഒരു പ്രാകൃത യുഗത്തിലേക്ക് തിരിച്ചുവിടുമോ എന്ന ആശങ്കയുണ്ടാക്കിയെന്നും ഗ്രാന്ഡ് ഇമാം റഷ്യയെയോ ഉക്രെയ്നെയോ പേരെടുത്തു പറയാതെ പറഞ്ഞു.