പട്ടിക്കാട്: വളര്‍ന്നു വരുന്ന പണ്ഡിതര്‍ ധര്‍മ്മ നിര്‍വഹകരാവണമെന്നും പ്രബോധന പ്രവര്‍ത്തനങ്ങള്‍ക്ക് പ്രാധാന്യം നല്‍കണമെന്നും സമസ്ത ജനറല്‍ സെക്രട്ടറി ശൈഖുല്‍ ജാമിഅ കെ. ആലിക്കുട്ടി മുസ്‌ലിയാര്‍ പറഞ്ഞു. പട്ടിക്കാട് ജാമിഅഃ നൂരിയ്യയില്‍ സംഘടിപ്പിച്ച ഖത്മുല്‍ ബുഖാരി സദസ്സിന് നേതൃത്വം നല്‍കി സംസാരിക്കുകയായിരുന്നു അദ്ദേഹം. സമസ്ത ജില്ലാ സെക്രട്ടറി പി. മുഹമ്മദ് കുഞ്ഞാണി മുസ്‌ലിയാര്‍ അദ്ധ്യക്ഷത വഹിച്ചു. സമസ്ത കേന്ദ്ര മുശാവറ അംഗം കോട്ടുമല മൊയ്തീന്‍ കുട്ടി മുസ്‌ലിയാര്‍, ഹംസ ഫൈസി അല്‍ ഹൈത്തമി, ളിയാഉദ്ദീന്‍ ഫൈസി മേല്‍മുറി, മുഹമ്മദലി ശിഹാബ് ഫൈസി കൂമണ്ണ സംസാരിച്ചു. നജീബുള്ള പള്ളിപ്പുറം സ്വാഗതവും ഉവൈസ് പതിയാങ്കര നന്ദിയും പറഞ്ഞു.
Menu
