ജറുസലം: പ്രമുഖ പി.എൽ.ഒ (Palestine Liberation Organization) അംഗം ഹനാൻ അശ്റാവി രാജിവെച്ചതായി പി.എൽ.ഒ വൃത്തങ്ങൾ തിങ്കളാഴ്ച അനദോലു ഏജൻസിയെ അറിയിച്ചു. പി.എൽ.ഒ എക്സിക്യൂട്ടീവ് അംഗമായ അശ്റാവി രാജി ഫലസ്തീൻ അതോറിറ്റി പ്രസിഡന്റ് മഹ്മൂദ് അബ്ബാസിന് കൈമാറുകയായിരുന്നു. മഹ്മൂദ് അബ്ബാസ് ഇതുവരെ രാജി സ്വീകരിക്കുകയോ നിരസിക്കുകയോ ചെയ്തിട്ടില്ലെന്ന് വൃത്തങ്ങൾ കൂട്ടിചേർത്തു. രാജിക്ക് പ്രേരിപ്പിച്ചതെന്തെന്ന് വ്യക്തമല്ല.
ഈ റിപ്പോർട്ട് പ്രസിദ്ധീകരിക്കുന്ന സമയത്ത് അശ്റാവിയെ ഫോണിലൂടെ നിരവധി തവണ ബന്ധപ്പെടാൻ ശ്രമിച്ചെങ്കിലും കഴിഞ്ഞില്ല -അൽജസീറ റിപ്പോർട്ട് ചെയ്തു.