ചേളാരി: മഹല്ലുകള് ദീര്ഘവീക്ഷണത്തോടെ കര്മ രംഗത്തിറങ്ങണമെന്നും കൃത്യമായ കാഴ്ചപ്പാടും ലഭ്യമായ വിഭവങ്ങള് പ്രയോജനപ്പെടുത്തിയും തയ്യാറാക്കുന്ന കാലിക പ്രസക്തമായ പദ്ധതികളുമാണ് സമുദായ പുരോഗതിക്കും രാജ്യത്തിന്റെ സാമൂഹികാന്തരീക്ഷം മെച്ചപ്പെടുത്തുന്നതിനും വേണ്ടതെന്നും സുന്നി മഹല്ല് ഫെഡറേഷന് സംസ്ഥാന കമ്മിറ്റി നടപ്പിലാക്കുന്ന സീമാപ് പദ്ധതി ലക്ഷ്യമാക്കുന്നതെന്നും എസ്.എം.എഫ് സംസ്ഥാന ജനറല് സെക്രട്ടറി യു. മുഹമ്മദ് ശാഫി ഹാജി പറഞ്ഞു. എസ്.എം.എഫ് സീ മാപ്പ് കോഓര്ഡിനേറ്റര്മാരുടെ സംസ്ഥാന ശില്പശാല ചേളാരി സമസ്ത ഓഡിറ്റോറിയത്തില് ഉദ്ഘാടനം ചെയ്യുകയായിരുന്നു അദ്ദേഹം.
സംസ്ഥാനത്തെ തെരെഞ്ഞെടുത്ത 100 മഹല്ലുകളിലായി നടത്തുന്ന പദ്ധതിയുടെ കോഓര്ഡിനേറ്റര്മാര്ക്കുള പരിശീലന ശില്പശാലയില് എ.കെ. ആലിപറമ്പ് , സി.ടി അബ്ദുല് ഖാദര് തൃക്കരിപ്പൂര് , ശരീഫ് ദാരിമി കോട്ടയം, പി.സി. ഉമര് മൗലവി എന്നിവര് സംസാരിച്ചു. സംഘാടകന്റെ രീതി ശാസ്ത്രം അബ്ദുറഹീം ചുഴലി വിഷയാവതരണം നടത്തി. െ്രെതമാസ കര്മപദ്ധതി, വിശദമായി ചര്ച്ച ചെയ്തു. എസ്.എം.എഫിനു കീഴില് മഹല്ലുകളുടെ പ്രവര്ത്തനങ്ങള്ക്ക് ഏകോപനവും വിവിധ സര്ക്കാര്, സര്ക്കാരിതര ഏജന്സികളുടെ പദ്ധതികള് പ്രയോജനപ്പെടുത്തുന്നതിനുള്ള പൊതു വേദിയായി സീമാപ് പ്രവര്ത്തിക്കുന്നതിനും അതിനാവശ്യമായ പ്രവര്ത്തന കലണ്ടറും സംഗമം ആസൂത്രണം ചെയ്തു.