കോഴിക്കോട്: കോവിഡ് -19 നിയന്ത്രണം ആരാധനാലയങ്ങള്‍ക്ക് ഇളവ് അനുവദിക്കണമെന്നാവശ്യപ്പെട്ടു സമസ്ത കേരള ജംഇയ്യത്തുല്‍ ഉലമ പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങളും ജനറല്‍ സെക്രട്ടറി പ്രൊ. കെ. ആലിക്കുട്ടി മുസ്ലിയാരും മുഖ്യമന്ത്രി പിണറായി വിജയന് കത്തയച്ചു.
കോവിഡ് -19 നിയന്ത്രണങ്ങളില്‍ പലകാര്യങ്ങള്‍ക്കും ഘട്ടം ഘട്ടമായി ഇളവുകള്‍ ഇളവുകള്‍ അനുവദിച്ചു വരുന്നുണ്ട്. നേരത്തെ ഇളവ് അനുവദിച്ചപ്പോള്‍ സ്വീകരിച്ച മാതൃക പിന്തുടര്‍ന്ന് കോവിഡ് പ്രോട്ടൊക്കോള്‍ പൂര്‍ണ്ണമായും പാലിച്ച് പള്ളികളില്‍ ആരാധന നടത്താന്‍ അനുമതി ഉണ്ടാവണമെന്ന് ഇരുവരും ചേര്‍ന്ന് മുഖ്യമന്ത്രിക്ക് നല്‍കിയ കത്തില്‍ ആവശ്യപ്പെട്ടിട്ടുണ്ട്.
