ന്യൂഡല്ഹി: വര്ഷങ്ങളായി വ്യാജ കുറ്റങ്ങള് ചുമത്തി സംഘ്പരിവാര് ഭരണകൂടം ജയിലിലടച്ച വിവിധ മുസ്ലിം ആക്റ്റിവിസ്റ്റുകളുടെ കുടുംബാംഗങ്ങള് വേദനകള് പങ്കുവെക്കാന് ഒരുമിച്ചു കൂടി. ഡല്ഹിയില് വെച്ച് നടന്ന ഇഫ്താര് സംഗമത്തിലാണ് അവര് പ്രിയപ്പെട്ടവരുമായുള്ള അനുഭവങ്ങള് പങ്കുവെച്ചത്.
‘റമദാനിന് മുമ്പായി ഞാന് വീട്ടിലുണ്ടാകുമെന്ന് അദ്ദേഹം എന്നോട് പറഞ്ഞു, ഇത് വര്ഷത്തിലെ അവന്റെ പ്രിയപ്പെട്ട സമയമാണ്. ‘മൂന്നു വര്ഷമായി അദ്ദേഹം ജയിലിലാണ്. അദ്ദേഹത്തിന്റെ ജാമ്യാപേക്ഷ മാസങ്ങളോളം മാറ്റിവെച്ചിരിക്കുകയാണ്. യു.എ.പി.എ ചുമത്തപ്പെട്ട് ജയിലിലടക്കെപ്പട്ട മനുഷ്യാവകാശ പ്രവര്ത്തകന് ഖാലിദ് സൈഫിയുടെ ഭാര്യ നര്ഗീസ് സൈഫി ഇഫ്താര് സംഗമത്തിന്റെ മുന്നോടിയായ ഒത്തുചേരലില് വിതുമ്പികൊണ്ട് പറഞ്ഞു. രാഷ്ട്രീയ തടവുകാരുടെ കുടുംബങ്ങള്ക്കായി സ്റ്റുഡന്റ്സ് ഇസ്ലാമിക് ഓര്ഗനൈസേഷന് ഓഫ് ഇന്ത്യയാണ് വ്യാഴാഴ്ച ഇഫ്താര് മീറ്റ് സംഘടിപ്പിച്ചത്.
2020 ഫെബ്രുവരിയില് ഡല്ഹിയുടെ വടക്കുകിഴക്കന് മേഖലയില് അക്രമം സംഘടിപ്പിക്കാന് ഗൂഢാലോചന നടത്തിയെന്നാരോപിച്ച് മുസ്ലീം വിദ്യാര്ത്ഥി നേതാക്കളെയും മനുഷ്യാവകാശപ്രവര്ത്തകരെയും യു.എ.പി.എ ചുമത്തി തടവിലാക്കപ്പെട്ട തടവുകാരുടെ ബന്ധുക്കളാണ് സംഗമത്തില് പങ്കെടുത്തവരിലേറെയും. അതിനാല് തന്നെ സംസാരിക്കുമ്പോള് അവരുടെ വാക്കുകള് മുറിയുന്നാണ്ടായിരുന്നു.
തങ്ങളുടെ മകള് ജയിലില് സുഖമായിട്ടല്ല ഇരിക്കുന്നത്. മകള് നിരപരാധിയാണെന്നും യുഎപിഎ പ്രകാരം ജയിലില് കഴിയുന്ന വടക്കുകിഴക്കന് ഡല്ഹിയില് നിന്നുള്ള ആക്ടിവിസ്റ്റായ ഗള്ഫിഷ ഫാത്തിമയുടെ മാതാപിതാക്കള് പറഞ്ഞു.
‘തെറ്റിനെതിരെ നിലകൊള്ളാന് നമുക്കെല്ലാവര്ക്കും കടമയില്ലേ? അവള് ഒരു ധീരയായ പെണ്കുട്ടിയാണ്. ഞങ്ങള് അവളെക്കുറിച്ച് അഭിമാനിക്കുന്നു- ഫാത്തിമയുടെ പിതാവ് തസ്നീഫ് ഹുസൈന് പറഞ്ഞു.
ജയിലിലടക്കപ്പെട്ട ജാമിഅ മില്ലിയ ഇസ്ലാമിയ വിദ്യാര്ത്ഥി നേതാവ് മീരാന് ഹൈദറിന്റെ സഹോദരി തങ്ങളുടെ രോഗിയായ പിതാവിനെക്കുറിച്ചുള്ള ആശങ്കയാണ് പങ്കുവെച്ചത്. ജയിലില് നിന്ന് അവര് വിളിക്കുമ്പോള് ഫോണ് ചിലപ്പോള് പ്രവര്ത്തിക്കില്ല, വീഡിയോ കോളുകള് ചെയ്യുമ്പോള് സെര്വര് പോലും പ്രവര്ത്തനരഹിതമാകും. ആരും അത് ശ്രദ്ധിക്കുന്നതായി തോന്നുന്നില്ല. -അദ്ദേഹം പറഞ്ഞു.
തങ്ങളുടെ ബന്ധുക്കളുടെ ജാമ്യാപേക്ഷ മാസങ്ങളോളം മാറ്റിവച്ചിട്ടുണ്ടെങ്കിലും അത് വേഗത്തില് ട്രാക്കുചെയ്യാനുള്ള ഉത്തരവാദിത്തം ആരും ഏറ്റെടുക്കുന്നില്ലെന്ന് കുടുംബാംഗങ്ങളില് ഭൂരിഭാഗവും പറഞ്ഞു. കേസുകള് തടവുകാരെയും അവരുടെ കുടുംബങ്ങളെയും ബാധിച്ച മാനസിക ആഘാതത്തെക്കുറിച്ചും അവര് ഊന്നിപ്പറഞ്ഞു.
ജയിലിലടക്കപ്പെട്ട ആക്റ്റിവിസ്റ്റ് അതാര് ഖാന്റെ മാതാവ് നൂര്ജഹാന്, മുഹമ്മദ് സലീം മാലികിന്റെ മകള് സൈമ എന്നിവരും എ.പി.സി.ആര് പ്രതിനിധി നദീം ഖാന്, എസ്.ഐ.ഒ അഖിലേന്ത്യ പ്രസിഡന്റ് റമീസ് ഇ.കെ എന്നിവരും പരിപാടിയില് സംസാരിച്ചു.