ദമസ്കസ്: രക്ത സമർദം കുറഞ്ഞതിനെ തുടർന്ന് സിറിയൻ പ്രസിഡന്റ് ബശ്ശാർ അൽഅസദ് പാർലമെന്റ് പ്രസംഗം നിർത്തിവെച്ചു. ഒരു മിനിറ്റ് തനിക്ക് ഇരിക്കേണ്ടതുണ്ടെന്ന് നിയമസഭാംഗങ്ങളോട് അദ്ദേഹം പറയുകയായിരുന്നു. 54 വയസ്സുകാരനായ ബശ്ശാർ അൽഅസദിന്റെ അര മണിക്കൂറോളം നീണ്ടുനിന്ന ബുധനാഴ്ചയിലെ പ്രസംഗത്തിനിടയിൽ ക്ഷീണം അനുഭവപ്പെട്ടതിനാൽ തന്റെ മുന്നിലുണ്ടായിരുന്ന ഗ്ലാസ്സിൽ നിന്ന് രണ്ട് പ്രാവശ്യം വെള്ളം കുടിക്കുകയും, പ്രസംഗം ഒരു മിനിറ്റ് നിർത്തിവെക്കുകയുമായിരുന്നു.
സിറിയക്ക് മേൽ യു.എസ് ഏർപ്പെടുത്തിയ ഉപരോധം, യുദ്ധം ഉഴുതുമറിച്ച രാജ്യത്തെ സാമ്പത്തിക പ്രതിസന്ധി തുടങ്ങിയ വിഷയങ്ങളിൽ അദ്ദേഹം പാർലമെന്റിൽ സംസാരിക്കുകയായിരുന്നു. സംസാരത്തിനിടയിൽ, എന്റെ രകതസമർദം കുറഞ്ഞിരിക്കുന്നുവെന്നും, തനിക്ക് കുടിക്കാൻ വെള്ളം വേണമെന്നും അദ്ദേഹം ആവശ്യപ്പെടുകയായിരുന്നു.