ദോഹ: ഗസ്സയിലെ വംശഹത്യയും സമ്പൂര്‍ണ്ണ തകര്‍ച്ചയും അവസാനിപ്പിക്കാന്‍ അറബ് ഭരണകൂടങ്ങളും ഔദ്യോഗിക സൈന്യങ്ങളും അടിയന്തരമായി ഇടപെടണമെന്ന് അന്താരാഷ്ട്ര മുസ്ലിം പണ്ഡിത സഭയ്ക്ക് കീഴിലെ ഇജ്ദിഹാത് ഫത്‌വ കമ്മിറ്റി.
ചൊവ്വാഴ്ച അന്താരാഷ്ട്ര പണ്ഡിതവേദിയുടെ ആസ്ഥാനമായ ഖത്തറില്‍ വെച്ച് നടന്ന യോഗത്തിന് ശേഷമാണ് സംയുക്ത പ്രസ്താവന പുറത്തിറക്കിയത്.
വംശഹത്യയില്‍ നിന്നും കൂട്ട നാശത്തില്‍ നിന്നും ഗസ്സയെ രക്ഷിക്കാന്‍ ഇസ്ലാമിക ശരീഅത്ത് അടിയന്തരമായി ഇടപെടണമെന്ന് അറബ് ഭരണ ഭരണകൂടങ്ങളും ഔദ്യോഗിക സൈന്യങ്ങളോട് ഞങ്ങള്‍ ആവശ്യപ്പെടുന്നു. ഗസ്സയെയും ഫലസ്തീനിനെയും ഉന്മൂലനം ചെയ്യാനും തകര്‍ക്കാനും വിട്ടു കൊടുക്കുന്നത് അല്ലാഹുവിനോടും അവന്റെ റസൂലിനോടും ചെയ്യുന്ന വഞ്ചനയാണ്, സര്‍വ്വശക്തനായ അല്ലാഹുവിന്റെ മുമ്പാകെയുള്ള ഏറ്റവും വലിയ പാപങ്ങളിലൊന്നാണത്.
ഈജിപ്ത്, ജോര്‍ദാന്‍, സിറിയ, ലെബനന്‍ എന്നിങ്ങനെ ഫലസ്തീന്‍ അതിര്‍ത്തിയോട് ചേര്‍ന്നുള്ള നാല് രാജ്യങ്ങളില്‍ നിന്നുള്ള സൈനിക ഇടപെടല്‍ ശരീഅത്ത് ബാധ്യതയാണ്. തങ്ങളുടെ മതപരവും ചരിത്രപരവും ഭരണഘടനാപരവും തന്ത്രപരവുമായ ഉത്തരവാദിത്തങ്ങളില്‍ അടിയന്തരമായി ഇടപെടാനും പ്രവര്‍ത്തിക്കാനുമുള്ള പണ്ഡിതന്മാരുടെയും ഉന്നതരുടെയും നിയമപരമായ കടമയാണെന്നും പ്രസ്താവനയില്‍ ഊന്നിപ്പറഞ്ഞു.
വിഷയത്തില്‍ ഈ രാജ്യങ്ങള്‍ സൈനികമായി ഇടപെടുകയും സൈനിക ഉപകരണങ്ങളും വിദഗ്ദരെയും നല്‍കുകയും ചെയ്യേണ്ടത് നിയമപരമായ കടമയാണെന്നും പണ്ഡിത സഭ പഖ്യാപിച്ചു.
സൈനിക, സാമ്പത്തിക, മാധ്യമ, നയതന്ത്ര, തന്ത്രപ്രധാനമായ മേഖലകളില്‍ സമഗ്രമായ പാശ്ചാത്യന്‍ പിന്തുണ നല്‍കുന്നത് അന്താരാഷ്ട്ര സന്തുലിതാവസ്ഥ നിലനിര്‍ത്തുന്നതിനും രാജ്യത്തിന്റെയും ലോകത്തിന്റെയും സ്വേച്ഛാധിപത്യം, അശാന്തി, സാധ്യതയുള്ള തകര്‍ച്ച എന്നിവ തടയുന്നതിനും അറബ്, ഇസ്ലാമിക രാജ്യങ്ങള്‍ക്ക് നിര്‍ണായകമാണെന്നും പ്രസ്താവനയില്‍ കൂട്ടിച്ചേര്‍ത്തു.
