ഒക്ടോബര്‍ ഏഴിന് ആരംഭിച്ച ഇസ്രായേലിന്റെ നരനായാട്ടിനെത്തുടര്‍ന്ന് ഗസ്സ ശ്മാശന ഭൂമിയായി മാറുകയാണ്. എങ്ങും മൃതദേഹങ്ങളും കെട്ടിടാവശിഷ്ടങ്ങളും മാത്രം. ബോംബിങില്‍ കൊല്ലപ്പെട്ട് തിരിച്ചറിയാനാകാത്ത നൂറുകണക്കിന് മൃതദേഹങ്ങളാണ് ഗസ്സ മുനമ്പില്‍ ഉള്ളത്.
കണ്ടെടുത്ത മൃതദേഹങ്ങളെ തേടി ബന്ധുക്കള്‍ എത്താത്ത മൃതദേഹങ്ങളെല്ലാം കൂട്ടമായി ഖബറടക്കാന്‍ കൊണ്ടുപോകുന്ന കാഴ്ചകള്‍ ഏവരെയും നൊമ്പരപ്പെടുത്തുന്നതാണ്. ഒരു ഭാഗത്ത് രക്ഷാപ്രവര്‍ത്തനം, ഒരു ഭാഗത്ത് കൊല്ലപ്പെട്ടവരുടെ ഖബറടക്കം, അടിയന്തര സഹായമെത്തിക്കല്‍ തുടങ്ങി വിശ്രമമില്ലാതെ തളരാതെ ഓടുകയാണ് ഗസ്സയില്‍ അവശേഷിക്കുന്ന ഓരോ ഫലസ്തീനിയും.
സ്ത്രീകളുടെയും കുട്ടികളുടെയും അടക്കം 62 മൃതദേഹങ്ങള്‍ കൂട്ടമായി ഒരുമിച്ചാണ് ഖബറടക്കിയത്. യുദ്ധം ആരംഭിച്ചതിന് ശേഷമം ഇത് മൂന്നാം തവണയാണ് ഇങ്ങനെ കൂട്ട ഖബറടക്കം നടത്തുന്നത്.
അന്താരാഷ്ട്ര വാര്‍ത്ത ഏജന്‍സികളും അല്‍ജസീറയും പുറത്തുവിട്ട ഗസ്സയില്‍ നിന്നുള്ള ചിത്രങ്ങള്‍.
