ചേളാരി: സമസ്ത കേരള ജംഇയ്യത്തുല്‍ ഉലമാ സ്ഥാപക ദിനം നാളെ (ജൂണ്‍ 26) വിവിധ പരിപാടികളോടെ ആചരിക്കുന്നു. പോഷക സംഘടനകളുടെ സഹകരണത്തോടെ കോവിഡ് പ്രോട്ടോക്കോള്‍ പാലിച്ചു കൊണ്ട് സമസ്ത ജില്ലാ കമ്മിറ്റികളുടെ നേതൃത്വത്തിലാണ് സ്ഥാപക ദിനാഘോഷം നടക്കുന്നത്.
പതാക ഉയര്‍ത്തല്‍, മഹത്തുക്കളുടെ ഖബര്‍ സിയാറത്ത്, ഓണ്‍ലൈന്‍ പ്രഭാഷണവും പ്രാര്‍ത്ഥനയും എന്നീ പരിപാടികളാണ് പ്രധാനമായും നടക്കുന്നത്. സ്ഥാപകദിനത്തിന്റെ ഭാഗമായി വെള്ളിയാഴ്ച സമസ്ത കേരള ജംഇയ്യത്തുല്‍ ഉലമാ പ്രസിഡണ്ട് സയ്യിദ് മുഹമ്മദ് ജിഫ്രി മുത്തുക്കോയ തങ്ങളുടെയും ജനറല്‍ സെക്രട്ടറി പ്രൊഫ. കെ.ആലിക്കുട്ടി മുസ്ലിയാരുടെയും നേതൃത്വത്തില്‍ വരക്കല്‍ മഖാം സിയാറത്തും പതാക ഉയര്‍ത്തലും നടന്നു.
