ഒരിക്കലുമുണങ്ങാത്ത വിധം
ആഴത്തിലൊരുമുറിവിനെ
ആരുമറിയാതെ നല്കി,
ആ നീറ്റലിലേക്ക്
വീണ്ടും കനലെറിഞ്ഞ്,
സ്വന്തത്തിനുള്ളില് ഇരുള് നിറച്ച്,
ഏതു വെളിച്ചം തേടിയാണ്
നീ പോകുന്നത്?
നിന്റെ ചെയ്തിയാല്
തളര്ന്നു പോയവരുടെ
നോവുകളിലേക്ക് നടത്താത്ത
ഏത് തീര്ഥയാത്രകൊണ്ടാണ്
നിന്റെ മനസ്സ് കുളിരുക?
നീ കൊടുത്ത മുറിവിനുമേല്
ഒഴുക്കാന് കഴിയാത്ത
കണ്ണുനീരെങ്ങനെയാണ്
ദൈവത്തിലേക്കെത്തുക?