Vazhivilakk

കൊടും ക്രൂരതയുടെ പര്യായമായ വംശവെറി

ഇന്നോളമുള്ള മനുഷ്യചരിത്രത്തിൽ ഏറ്റവും കൂടുതൽ അതിക്രമങ്ങളും ക്രൂരതകളും കാണിച്ചത് ജാതി മേധാവികളും വർണ്ണ വെറിയന്മാരുമാണ്. ജാതിക്കോമരങ്ങൾ പൂർണ്ണ ഗർഭിണികളുടെ വയറു കുത്തിക്കീറി കണ്ണ് മിഴിക്കാത്ത കുഞ്ഞുങ്ങളെ പുറത്തെടുത്ത് ചുട്ടുകൊന്ന കഥകേട്ട് നമ്മൾ ഞെട്ടിയിട്ടുണ്ട്. ഇങ്ങനെയും മനുഷ്യരുണ്ടോ എന്ന് ചോദിച്ചു പോയിട്ടുണ്ട്. എന്നാൽ ജാതി മേധാവികളും വർണ വെറിയന്മാരും എന്നും ഇങ്ങനെ തന്നെയായിരുന്നു. നമ്മുടെ നാട്ടിലെ ജാതി മേധാവികൾ മാതൃകയാക്കുന്നവർ കഴിഞ്ഞകാലങ്ങളിൽ ചെയ്തുകൂട്ടിയത് ഇതു തന്നെയാണല്ലോ.

പടിഞ്ഞാറൻ ലോകം യൂറോപ്പിന് പുറത്ത് അധിനിവേശം ആരംഭിച്ചത് 1336 ലാണ്. അന്ന് സ്പെയിൻകാർ കാനറി ദീപിൻറെ വടക്കുഭാഗം കീഴ് പ്പെടുത്തി. അവിടെയുണ്ടായിരുന്ന ഗ്വാഞ്ചെ സമൂഹത്തിലെ എൺപതിനായിരം പേരെയും ക്രൂരമായി കൊന്നൊടുക്കി. 1492 ഒക്ടോബർ 12 ന് കൊളംബസ് ഗ്വാനാ ഹാനി ദീപ് പിടിച്ചടക്കി. അന്നാട്ടുകാരെ മുഴുവൻ നിർബന്ധപൂർവ്വം അടിമകളും ക്രിസ്ത്യാനികളുമാക്കി.

Also read: എന്തുകൊണ്ട് സഞ്ചാര സാഹിത്യം

1498 നും 1533 നുമിടക്ക് കൊളംബസ് ട്രിനിഡാഡും തെക്കേ അമേരിക്കയും പിടിച്ചെടുത്തു.
1776 ലാണ് അമേരിക്കൻ ഐക്യനാടുകൾ  യൂറോപ്പ് പിടിച്ചെടുത്തത്. അതോടെയാണ് ആധുനിക അമേരിക്ക പിറന്നത്. അന്ന് എട്ടു ലക്ഷത്തി നാൽപതിനായിരം ചതുരശ്രകിലോമീറ്ററായിരുന്നു അമേരിക്കയുടെ വിസ്തീർണമെങ്കിൽ പിന്നീട് പലതവണ നടത്തിയ കയ്യേറ്റത്തിലൂടെ അത് 94 ലക്ഷം ചതുരശ്ര കിലോമീറ്ററാക്കി വികസിപ്പിച്ചു. അതിനായി നാട്ടുകാരെ മുഴുവൻ അടിമകളാക്കി. ചെറുത്തുനിന്ന വരെയൊക്കെയും കോടാലി ഉപയോഗിച്ച് കൊത്തി നുറുക്കിയും വെട്ടിയും കുത്തിയും കൊന്നൊടുക്കി. കൊല്ലപ്പെട്ടവരുടെ കണക്കെടുക്കാനായി മൂക്ക് അരിഞ്ഞെടുത്തു. ശരീരത്തിലെ മാംസം മുറിച്ചെടുത്ത് ഉണക്കി കടിഞ്ഞാൺ പട്ടകളുണ്ടാക്കി.

മനുഷ്യമാംസം മാത്രം കൊടുത്തു വളർത്തിയ നായ്ക്കളുടെ മുമ്പിലേക്ക് അന്നാട്ടുകാരെ എറിഞ്ഞുകൊടുത്തു. അവ മനുഷ്യരെ കടിച്ചുകീറി കുടൽമാല പുറത്തെടുത്ത് തിന്നൊടുക്കി. സ്പാനിഷുകാരെ വിഭവസമൃദ്ധമായ സദ്യയൊരുക്കി സ്വീകരിച്ച സുക്കായോ നിവാസികളായ സ്ത്രീകളെയും കുട്ടികളെയും പുരുഷന്മാരെയും അവർ ആയുധങ്ങളുടെ മൂർച്ച പരസ്പരം കാണിക്കാനായി വയറു കുത്തിക്കീറി. ഒരൊറ്റ സംഭവത്തിൽ മാത്രം ഇങ്ങനെ ഇരുപതിനായിരം പേർ വധിക്കപ്പെട്ടു 1492 ൽ യൂറോപ്പ് അമേരിക്കയിൽ അധിനിവേശം നടത്തിയപ്പോൾ അവിടെ എട്ടു കോടിക്കും പത്തുകോടിക്കുമിടയിൽ ആദിവാസികളുണ്ടായിരുന്നു. ഒന്നര നൂറ്റാണ്ടുകൊണ്ട് അവരിൽ 90 ശതമാനത്തെയും കശാപ്പ് ചെയ്തു.

Also read: വ്യക്തിത്വവും വിശാലമനസ്കതയും

ഇങ്ങനെ എത്രയെത്ര കോടികളെയാണ് യൂറോപ്പ്യൻ വംശവെറിയന്മാർ കൊന്നൊടുക്കിയതെന്ന് കണക്കാക്കുക പ്രയാസകരമാണ്. മൃതദേഹങ്ങളോട് യൂറോപ്യരും യൂറോ അമേരിക്കക്കാരും കാണിച്ച ക്രൂരത മനസ്സിലാക്കാൻ ഇരുപതാം നൂറ്റാണ്ടിൽ ജപ്പാൻ കാരോട് ചെയ്തത് മാത്രം പരിശോധിച്ചാൽ മതി. തലയോട്ടികൾ വെട്ടിയെടുത്ത് പുഴുങ്ങി മാംസ ഭാഗം കളഞ്ഞ് കാമിനികൾക്ക് വേണ്ടി ആഭരണങ്ങളുണ്ടാക്കി. എല്ലുകൾ ചെത്തിക്കൂർപ്പിച്ച കത്ത് പൊളിക്കാനുള്ള കോലുകളുണ്ടാക്കി.(വിശദ വിവരങ്ങൾക്ക് വിനിൻ പെരീരയും ജെറമി സീബ്രൂക്കും ചേർന്നെഴുതിയ “സാമ്രാജ്യത്വ ഭീകരത: ചരിത്രം വർത്തമാനം” കാണുക.)

Facebook Comments

ശൈഖ് മുഹമ്മദ് കാരകുന്ന്

കേരളത്തിൻറെ സാഹിത്യ, സാമൂഹ്യ, സാംസ്കാരിക മണ്ഡലങ്ങളിൽ നിറഞ്ഞുനിൽക്കുന്ന വ്യക്തിത്വത്തിൻറെ ഉടമയാണ് ശൈഖ് മുഹമ്മദ് കാരകുന്ന്. പരിശുദ്ധ ഖുർആൻ പരിഭാഷയും 13 വിവർത്തന കൃതികളും ഉൾപ്പെടെ 84 ഗ്രന്ഥങ്ങളുടെ കർത്താവാണ്. പരിഭാഷക്കും രാഷ്ട്രാന്തരീയ പാരസ്പര്യത്തിനുമുള്ള 2019ലെ ഖത്തർ ശൈഖ് ഹമദ് അന്താരാഷ്ട്ര അവാർഡ് ജേതാവാണ്. സാമൂഹ്യ പ്രവർത്തനത്തിനുള്ള കെ. കരുണാകരൻ അവാർഡ് നേടിയ ശൈഖ് മുഹമ്മദിൻറെ അഞ്ച് ഗ്രന്ഥങ്ങൾക്ക് അവാർഡുകൾ ലഭിച്ചിട്ടുണ്ട്. അഞ്ച് ഗ്രന്ഥങ്ങൾ ഇംഗ്ലീഷിലേക്കും പത്തെണ്ണം കന്നഡയിലേക്കും മൂന്നെണ്ണം തമിഴിലേക്കും ഒന്ന് മറാഠിയിലേക്കും വിവർത്തനം ചെയ്യപ്പെട്ടിട്ടുണ്ട്. കൂടാതെ നൂറുക്കണക്ക് ലേഖനങ്ങൾ ആനുകാലികങ്ങളിൽ പ്രസിദ്ധീകരിക്കപ്പെട്ടിട്ടുണ്ട്. 33 വർഷം ഐ. പി. എച്ച്. ഡയറക്ടറും ദീർഘകാലം പ്രബോധനം വാരിക ചീഫ് എഡിറ്ററുമായിരുന്ന ശൈഖ് മുഹമ്മദ് ഇപ്പോൾ ഡയലോഗ് സെൻറർ കേരളയുടെ ഡയറക്ടറും കേരള മുസ്ലിം ഹെറിറ്റേജ് ഫൗണ്ടേഷൻ ചെയർമാനും നിരവധി മത, സാമൂഹ്യ,സാംസ്കാരിക സംവിധാനങ്ങളുടെ ഭാരവാഹിയുമാണ്. ദോഹ ഇന്റർ നാഷണൽ കോൺഫറൻസ്, ദുബായ് ഇൻറർനാഷണൽ ഖുർആൻ കോൺഫ്രൻസ്, ഐ. ഐ. എഫ്. എസ്.ഒ. ഏഷ്യൻ റീജണൽ ക്യാമ്പ് തുടങ്ങിയവയിൽ സംബന്ധിച്ചിട്ടുണ്ട്. മതാന്തര സംവാദ വേദികളിലും സാംസ്കാരിക പരിപാടികളിലും സജീവ സാന്നിധ്യമായ ശൈഖ് മുഹമ്മദ് കാരകുന്ന് അറിയപ്പെടുന്ന പ്രഭാഷകനുമാണ്. 1950 ജൂലൈ 15 മഞ്ചേരിക്കടുത്ത കാരകുന്നിലെ പുലത്ത് ഗ്രാമത്തില്‍ ജനിച്ചു. പിതാവ് പുലത്ത് മുഹമ്മദ് ഹാജി . മാതാവ് ആമിന. പുലത്ത് ഗവണ്‍മെന്റ് ലോവര്‍ പ്രൈമറി സ്‌കൂള്‍, കാരകുന്ന് അപ്പര്‍ പ്രൈമറി സ്‌കൂള്‍, മഞ്ചേരി ഗവണ്‍മെന്റ് ഹൈസ്‌കൂള്‍, ഫറോക്ക് റൗദത്തുല്‍ ഉലൂം അറബിക് കോളേജ്, കോഴിക്കോട് എല്‍.ടി.ടി. സെന്റര്‍ എന്നിവിടങ്ങളില്‍ വിദ്യാഭ്യാസം. മൊറയൂര്‍ വി.എച്ച്.എം.ഹൈസ്‌കൂള്‍, എടവണ്ണ ഇസ്ലാഹിയാ ഓറിയന്റല്‍ ഹൈസ്‌കൂള്‍ എന്നിവിടങ്ങളില്‍ അദ്ധ്യാപകനായി ജോലി ചെയ്തു. ഇപ്പോള്‍ ജമാഅത്തെ ഇസ്ലാമി കേന്ദ്ര പ്രതിനിധി സഭാംഗം, കേരള സംസ്ഥാന കൂടിയാലോചനാ സമിതി അംഗം ,എന്നീ ചുമതലകള്‍ക്കൊപ്പം സംസ്ഥാന സെക്രട്ടറി കൂടിയാണ്.സുഊദി അറേബ്യ , യു.എ.ഇ ,ഒമാന്‍ , കുവൈത്ത്, ഖത്തര്‍ , ബഹ്‌റൈന്‍ , സിംഗപ്പൂര്‍, ശ്രീലങ്ക, മലേഷ്യ എന്നീ നാളുകള്‍ സന്ദര്‍ശിച്ചു. ആമിന ഉമ്മു അയ്മനാണ് കുടുംബിനി. അനീസ് മുഹമ്മദ് , ഡോക്ടര്‍ അലീഫ് മുഹമ്മദ് , ഡോക്ടര്‍ ബാസിമ , അയമന്‍ മുഹമ്മദ് എന്നിവര്‍ മക്കളും ഡോക്ടര്‍ അബ്ദുറഹമാന്‍ ദാനി, ഷമിയ്യത് , ആയിഷ നസീബ, ഇബ്തിസാം എന്നിവര്‍ ജാമാതാക്കളുമാണ്.

Related Articles

Back to top button

Adblock Detected

Please consider supporting us by disabling your ad blocker