Vazhivilakk

ഭഗത് സിംഗ് തൂക്കുമരത്തിലേക്ക്

ഇന്ത്യൻ സ്വാതന്ത്ര്യ സമരത്തിലെ ധീര, വീര വിപ്ലവകാരിയാണ് ഭഗത് സിംഗ്. 1907 സെപ്റ്റംബർ 28 ന് ഇപ്പോൾ പാകിസ്ഥാൻറെ ഭാഗമായ പഞ്ചാബിലെ ലയൽ പൂർ ജില്ലയിലെ ബംഗാ ഗ്രാമത്തിൽ ജനിച്ച ഭഗത് സിംഗ് ഹിന്ദുസ്ഥാൻ സോഷ്യലിസ്റ്റ് റിപ്പബ്ലിക്കൻ അസോസിയേഷൻ സ്ഥാപക നേതാക്കളിൽ ഒരാളാണ്. ലാഹോർ ഗൂഢാലോചന കേസിൽ ബ്രിട്ടീഷ് ഭരണകൂടം അദ്ദേഹത്തെ അറസ്റ്റ് ചെയ്തു. എല്ലാ തടവുകാർക്കും തുല്യ പരിഗണന നൽകണമെന്നാവശ്യപ്പെട്ട് 63 ദിവസം ജയിലിൽ നിരാഹാര സമരം നടത്തി. അവസാനം ബ്രിട്ടീഷ് സർക്കാർ അദ്ദേഹത്തിന് വധശിക്ഷ വിധിച്ചു. 1931 മാർച്ച് 23 ന് വൈകുന്നേരം 7. 30ന് ഇരുപത്തിമൂന്നാമത്തെ വയസ്സിൽ തൂക്കിലേറ്റുകയും ചെയ്തു.

Also read: സ്വഹീഹുല്‍ ബുഖാരി ആപ്പുകള്‍

മരണാനന്തര ജീവിതത്തിൽ വിശ്വാസമില്ലാതിരുന്ന ഭഗത് സിംഗ് അത്യധികം നിരാശയായിരുന്നു. അതുകൊണ്ടുതന്നെ താൻ വിശ്വാസിയായിരുന്നുവെങ്കിൽ തനിക്ക് എത്രമേൽ ആശ്വാസം ലഭിക്കുമായിരുന്നുവെന്ന് വിലപിക്കുകയണ്ടായി.
കൊല മരത്തിൻറെ ചാരത്ത് നിന്ന് ഭഗത് സിംഗ് പറഞ്ഞ വാക്കുകൾ മത വിശ്വാസിയല്ലാത്ത കെ.ഇ.എൻ.ഉദ്ധരിക്കുന്നു.:”വിശ്വാസം വൈഷമ്യത്തിൻറെ കാഠിന്യം കുറയ്ക്കുന്നു. ചിലപ്പോൾ അതിനെ സുഖകരമാക്കിയെന്നും വരാം. ദൈവത്തിൽ മനുഷ്യന് വളരെ ശക്തമായ ആശ്വാസവും ആലംബവും കണ്ടെത്താനാകും. കൊടുങ്കാറ്റുകളുടെയും ചുഴലിക്കാറ്റുകളുടെയും നടുവിൽ സ്വന്തം കാലിൽ നിൽക്കുകയെന്നത് കുട്ടിക്കളിയല്ല… പക്ഷേ എനിക്കെന്താണ് പ്രതീക്ഷിക്കാനുള്ളത്? കൊലക്കയർ കഴുത്തിലിടുകയും കാൽച്ചുവട്ടിൽ നിന്ന് പലക തട്ടി നീക്കുകയും ചെയ്യുന്ന നിമിഷം എൻറെ അന്ത്യനിമിഷമായിരിക്കുമെന്ന്, അതാകും അവസാനനിമിഷമെന്ന് എനിക്കറിയാം.ഞാൻ-കൂടുതൽ കൃത്യമായി ആദ്ധ്യാത്മിക ഭാഷയിൽ പറഞ്ഞാൽ എൻറെ ആത്മാവ്-അതോടെ തീരും. അപ്പുറമൊന്നുമില്ല. അത്ര മഹത്തരമൊന്നുമല്ലാത്ത അന്ത്യത്തോട് കൂടിയ ഹൃസ്വമായ ഒരു സമരജീവിതമായിരിക്കും എനിക്കുള്ള പാരിതോഷികം. അത്രമാത്രം! അതും അതിനെ ആ വെളിച്ചത്തിൽ കാണാനുള്ള ധൈര്യം എനിക്കുണ്ടെങ്കിൽ മാത്രം.!”(ഉദ്ധരണം:കെ.ഇ.എന്നിൻറ തെരഞ്ഞെടുത്ത പ്രബന്ധങ്ങൾ. പുറം:590, 591)

Facebook Comments
Related Articles

ശൈഖ് മുഹമ്മദ് കാരകുന്ന്

കേരളത്തിൻറെ സാഹിത്യ, സാമൂഹ്യ, സാംസ്കാരിക മണ്ഡലങ്ങളിൽ നിറഞ്ഞുനിൽക്കുന്ന വ്യക്തിത്വത്തിൻറെ ഉടമയാണ് ശൈഖ് മുഹമ്മദ് കാരകുന്ന്. പരിശുദ്ധ ഖുർആൻ പരിഭാഷയും 13 വിവർത്തന കൃതികളും ഉൾപ്പെടെ 84 ഗ്രന്ഥങ്ങളുടെ കർത്താവാണ്. പരിഭാഷക്കും രാഷ്ട്രാന്തരീയ പാരസ്പര്യത്തിനുമുള്ള 2019ലെ ഖത്തർ ശൈഖ് ഹമദ് അന്താരാഷ്ട്ര അവാർഡ് ജേതാവാണ്. സാമൂഹ്യ പ്രവർത്തനത്തിനുള്ള കെ. കരുണാകരൻ അവാർഡ് നേടിയ ശൈഖ് മുഹമ്മദിൻറെ അഞ്ച് ഗ്രന്ഥങ്ങൾക്ക് അവാർഡുകൾ ലഭിച്ചിട്ടുണ്ട്. അഞ്ച് ഗ്രന്ഥങ്ങൾ ഇംഗ്ലീഷിലേക്കും പത്തെണ്ണം കന്നഡയിലേക്കും മൂന്നെണ്ണം തമിഴിലേക്കും ഒന്ന് മറാഠിയിലേക്കും വിവർത്തനം ചെയ്യപ്പെട്ടിട്ടുണ്ട്. കൂടാതെ നൂറുക്കണക്ക് ലേഖനങ്ങൾ ആനുകാലികങ്ങളിൽ പ്രസിദ്ധീകരിക്കപ്പെട്ടിട്ടുണ്ട്. 33 വർഷം ഐ. പി. എച്ച്. ഡയറക്ടറും ദീർഘകാലം പ്രബോധനം വാരിക ചീഫ് എഡിറ്ററുമായിരുന്ന ശൈഖ് മുഹമ്മദ് ഇപ്പോൾ ഡയലോഗ് സെൻറർ കേരളയുടെ ഡയറക്ടറും കേരള മുസ്ലിം ഹെറിറ്റേജ് ഫൗണ്ടേഷൻ ചെയർമാനും നിരവധി മത, സാമൂഹ്യ,സാംസ്കാരിക സംവിധാനങ്ങളുടെ ഭാരവാഹിയുമാണ്. ദോഹ ഇന്റർ നാഷണൽ കോൺഫറൻസ്, ദുബായ് ഇൻറർനാഷണൽ ഖുർആൻ കോൺഫ്രൻസ്, ഐ. ഐ. എഫ്. എസ്.ഒ. ഏഷ്യൻ റീജണൽ ക്യാമ്പ് തുടങ്ങിയവയിൽ സംബന്ധിച്ചിട്ടുണ്ട്. മതാന്തര സംവാദ വേദികളിലും സാംസ്കാരിക പരിപാടികളിലും സജീവ സാന്നിധ്യമായ ശൈഖ് മുഹമ്മദ് കാരകുന്ന് അറിയപ്പെടുന്ന പ്രഭാഷകനുമാണ്. 1950 ജൂലൈ 15 മഞ്ചേരിക്കടുത്ത കാരകുന്നിലെ പുലത്ത് ഗ്രാമത്തില്‍ ജനിച്ചു. പിതാവ് പുലത്ത് മുഹമ്മദ് ഹാജി . മാതാവ് ആമിന. പുലത്ത് ഗവണ്‍മെന്റ് ലോവര്‍ പ്രൈമറി സ്‌കൂള്‍, കാരകുന്ന് അപ്പര്‍ പ്രൈമറി സ്‌കൂള്‍, മഞ്ചേരി ഗവണ്‍മെന്റ് ഹൈസ്‌കൂള്‍, ഫറോക്ക് റൗദത്തുല്‍ ഉലൂം അറബിക് കോളേജ്, കോഴിക്കോട് എല്‍.ടി.ടി. സെന്റര്‍ എന്നിവിടങ്ങളില്‍ വിദ്യാഭ്യാസം. മൊറയൂര്‍ വി.എച്ച്.എം.ഹൈസ്‌കൂള്‍, എടവണ്ണ ഇസ്ലാഹിയാ ഓറിയന്റല്‍ ഹൈസ്‌കൂള്‍ എന്നിവിടങ്ങളില്‍ അദ്ധ്യാപകനായി ജോലി ചെയ്തു. ഇപ്പോള്‍ ജമാഅത്തെ ഇസ്ലാമി കേന്ദ്ര പ്രതിനിധി സഭാംഗം, കേരള സംസ്ഥാന കൂടിയാലോചനാ സമിതി അംഗം ,എന്നീ ചുമതലകള്‍ക്കൊപ്പം സംസ്ഥാന സെക്രട്ടറി കൂടിയാണ്.സുഊദി അറേബ്യ , യു.എ.ഇ ,ഒമാന്‍ , കുവൈത്ത്, ഖത്തര്‍ , ബഹ്‌റൈന്‍ , സിംഗപ്പൂര്‍, ശ്രീലങ്ക, മലേഷ്യ എന്നീ നാളുകള്‍ സന്ദര്‍ശിച്ചു. ആമിന ഉമ്മു അയ്മനാണ് കുടുംബിനി. അനീസ് മുഹമ്മദ് , ഡോക്ടര്‍ അലീഫ് മുഹമ്മദ് , ഡോക്ടര്‍ ബാസിമ , അയമന്‍ മുഹമ്മദ് എന്നിവര്‍ മക്കളും ഡോക്ടര്‍ അബ്ദുറഹമാന്‍ ദാനി, ഷമിയ്യത് , ആയിഷ നസീബ, ഇബ്തിസാം എന്നിവര്‍ ജാമാതാക്കളുമാണ്.
Close
Close