വിശ്വസിച്ചേല്‍പിക്കപ്പെട്ട അമാനത്തുകള്‍ അവയുടെ അവകാശികള്‍ക്ക്‌ നിങ്ങള്‍ കൊടുത്തു വീട്ടണമെന്നും, ജനങ്ങള്‍ക്കിടയില്‍ നിങ്ങള്‍ തീര്‍പ്പുകല്‍പിക്കുകയാണെങ്കില്‍ നീതിയോടെ തീര്‍പ്പുകല്‍പിക്കണമെന്നും അല്ലാഹു നിങ്ങളോട്‌ കല്‍പിക്കുന്നു. എത്രയോ നല്ല ഉപദേശമാണ്‌ അവന്‍ നിങ്ങള്‍ക്ക്‌ നല്‍കുന്നത്‌. തീര്‍ച്ചയായും എല്ലാം കേള്‍ക്കുന്നവനും കാണുന്നവനുമാകുന്നു അല്ലാഹു. [വിശുദ്ധ ഖുർആൻ 04:58]

എന്നിട്ട് ഉസ്മാൻ ബ്നു ത്വൽഹയെ അന്വേഷിക്കുകയും അലി (റ) ന്റെ കയ്യിൽ താക്കോൽ ഏല്പിച്ച്‌ അത്‌ ഉസ്മാൻ ബ്നു ത്വൽഹക്ക് തിരിച്ചേൽപ്പിക്കാൻ കൽപ്പിച്ചു. അലി (റ) അദ്ദേഹത്തിനടുത്ത് ചെന്ന് താക്കോൽ നൽകിയിട്ട് പറഞ്ഞു: “ഞങ്ങൾക്ക് തെറ്റ് പറ്റിയതാണ്. ഞങ്ങളോട് ക്ഷമിക്കണം.” ഉസ്മാൻ ബ്നു ത്വൽഹ തെല്ലൊന്നത്ഭുതോടെ അലി (റ) ചോദിച്ചു: “അലി, ഏതാനും സമയത്തിനും മുമ്പ് താങ്കളല്ലേ എന്നോട് പരുഷമായി പെരുമാറുകയും താക്കോൽ തട്ടിയെടുക്കുകയും ചെയ്തത്, ഇപ്പൊ എന്ത് കൊണ്ടിങ്ങനെ സൗമ്യതയിൽ പെരുമാറുന്നു?” അലി (റ) പറഞ്ഞു: “ഉസ്മാനെ അല്ലാഹുവിൽ സത്യം, നിങ്ങൾക്ക് വേണ്ടി (നിങ്ങളുടെ അവകാശത്തിന്) അല്ലാഹു ഖുർആൻ ഇറക്കിയിരിക്കുന്നു. കഅബയുടെ താക്കോൽ അതിന്റെ അവകാശികൾക്ക് തിരിച്ചേൽപ്പിക്കാൻ അല്ലാഹു മുഹമ്മദ് നബി (സ) യോട് നിർദേശിക്കുകയുണ്ടായി. അത്‌ കാരണത്താലാണ് ഞാൻ നിങ്ങൾക്ക് ഇത് തിരിച്ചേൽപ്പിച്ചത്.” ഇത് കേൾക്കണ്ട താമസം ശഹാദത്ത് കലിമ ചൊല്ലി ഉസ്മാൻ ഇസ്‌ലാം സ്വീകരിച്ചു. അങ്ങനെ ജിബ്‌രീൽ (അ) വീണ്ടും ഇറങ്ങി, ഖുർആൻ ആയത്ത് ആയിട്ടല്ല മറിച്ച് നബി (സ)ക്കുള്ള നിർദ്ദേശമായിട്ടാണ്. എന്നിട്ട് പറഞ്ഞു: “മുഹമ്മദേ, എണീക്കുക. എന്നിട്ട് ഉസ്മാനെ അറിയിക്കുക കഅബയുടെ താക്കോൽ അന്ത്യ നാൾ വരേക്കും താങ്കളുടെ തലമുറകളുടെ കയ്യിൽ സുരക്ഷിതവുമായിരിക്കുമെന്ന്.” ഇതാണ് ഇസ്‌ലാം.

ഉസ്മാൻ ബ്‌നു ത്വൽഹക്കും കുടുംബത്തിനും അതൊരു മഹത്തായ പദവിതന്നെയായിരുന്നു. അല്ലാഹുവിന്റെ അനുഗ്രഹത്താൽ ആ പദവി തലമുറകളായി ഇപ്പോഴും തുടർന്നു വരുകയാണ്. അദ്ദേഹത്തിന്റെ 108മത്തെ പൗത്രൻ ശെയ്ഖ് സലാഹ് അൽ ശൈബയുടെ കൈവശമാണ് ഇന്ന് കഅബയുടെ താക്കോൽ‌. കഅബയുടെ താക്കോൽ സൂക്ഷിപ്പുകാരനെ ‘സാദിൻ’ എന്ന് പറയുന്നു. വിശുദ്ധ ഗേഹത്തിന്റെ പരിപാലനത്തിനുള്ള പൂര്‍ണ അവകാശം സാദിനില്‍ നിക്ഷിപ്തമാണ്.

ഇതാണ് ഇസ്‌ലാമിലെ നീതി, മറ്റെന്തിനാണ് ഇതിനോട് കിടപിടിക്കാനാകുക?