Fiqh

സ്ത്രീകളുടെ ഇമാമത്ത്

സാധാരണഗതിയിൽ ജമാഅത്തു നമസ്ക്കാരങ്ങളിൽ ഇമാമായി നിൽക്കുന്നവർ ഒരു സ്വഫ്ഫ് മുന്നിലേക്ക് നിൽക്കുകയാണ് പതിവ്. മഅ്മും ഒന്നിലധികം പേരുണ്ടെങ്കിൽ അതാണ് സുന്നത്തും. എന്നാൽ സ്ത്രീകൾ മാത്രം ജമാഅത്തായി നമസ്ക്കരിക്കുമ്പോൾ, പുരുഷന്മാരിൽ നിന്ന് വ്യത്യസ്തമായി ഇമാം അവരുടെ മധ്യത്തിലാണ് നിൽക്കേണ്ടത്. ഒരു സ്വഫ്ഫ് മുന്നിലേക്ക് കയറി നിൽക്കേണ്ടതില്ല എന്നർഥം.

ഇമാം മാവർദി ഇമാം ശാഫിഈ പറഞ്ഞതായി ഉദ്ധരിക്കുന്നു:

ആയിശാ (റ) സ്ത്രീകൾക്ക് ഇമാമായി നിന്നുകൊണ്ട് അസർ നമസ്ക്കരിക്കുകയുണ്ടായി. അപ്പോൾ അവരുടെ മധ്യത്തിലായിരുന്ന നിന്നത്. അതുപോലെ ഉമ്മു സലമയും സ്ത്രീകൾക്ക് ഇമാമായി നമസ്ക്കരിക്കുകയുണ്ടായി എന്നും അവരും ഒത്ത നടുവിലായിരുന്നു നിന്നിരുന്നത് എന്നും ഇമാം ശാഫിഈ ഉദ്ധരിക്കുന്നു: (അൽ ഹാവി അൽ കബീർ: ).

قَالَ الشَّافِعِيُّ، رَحِمَهُ اللَّهُ تَعَالَى: أَخْبَرَنَا إِبْرَاهِيمُ بْنُ مُحَمَّدٍ، عَنْ لَيْثٍ، عَنْ عَطَاءٍ، عَنْ عَائِشَةَ أَنَّهَا صَلَّتْ بِنِسْوَةٍ الْعَصْرَ، فَقَامَتْ وَسَطَهُنَّ، وَرُوِيَ عَنْ أُمِّ سَلَمَةَ أَنَّهَا أَمَّتْهُنَّ، فَقَامَتْ وَسَطَهُنَّ.-الْحَاوِي الْكَبِيرُ: بَابُ إِمَامَةِ الْمَرْأَةِ.

എന്നാൽ ഇമാമാരാണെന്ന് തിരിച്ചറിയാൻ പാകത്തിൽ ഒരൽപം മുന്നോട്ട് നീങ്ങി നിൽക്കേണ്ടതാണ് എന്നു കൂടി ഫുഖഹാക്കൾ വ്യക്തമാക്കിയിരിക്കുന്നു.

Also read: വ്രതം : സ്ഥൂലവും സൂക്ഷ്മവും

സ്ത്രീ സ്ത്രീകൾക്ക് ഇമാമത്ത് നിൽക്കുമ്പോൾ ഒത്ത നടുവിലാണ് നിൽക്കേണ്ടത് എന്ന ഇമാം നവവിയുടെ പ്രസ്താവന ഇമാം ഇങ്ങനെ റംലിവിശദീകരിക്കുന്നു: അതിൻ്റെ താൽപര്യം, അവരേക്കാൾ മുന്തി നിൽക്കേണ്ടതില്ല എന്നാണ്. അല്ലാതെ ചില അൽപ്പ ജ്ഞാനികൾ ധരിച്ചുവശായ പോലെ ഇടത്തും വലത്തുമുള്ളവർ ഒരേ എണ്ണമാവുക എന്നല്ല. അവരുടെ മധ്യത്തിൽ നിൽക്കുക എന്നതിൻ്റെ താൽപര്യം അവരിൽ നിന്ന് വ്യതിരിക്തമായി ഒരൽപ്പം മുന്നോട്ടു നിൽക്കുക എന്നതാണ്. ഇതാകട്ടെ അവരുടെ മധ്യത്തിലാവുക എന്നതിനെതിരുമല്ല.-(നിഹായത്തുൽ മുഹ്താജ്: 6/121).

قَالَ الْإِمَامُ الرَّمْلِيّ: (قَوْلُهُ: وَتَقِفُ إمَامَتُهُنَّ وَسْطَهُنَّ) الْمُرَادُ أَنْ لَا تَتَقَدَّمَ عَلَيْهِنَّ وَلَيْسَ الْمُرَادُ اسْتِوَاءَ مَنْ عَلَى يَمِينِهَا وَيَسَارِهَا فِي الْعَدَدِ خِلَافًا لِمَا تَوَهَّمَهُ بَعْضُ ضَعَفَةِ الطَّلَبَةِ فَلْيُحَرَّرْ. قَوْلُهُ وَسْطَهُنَّ أَنَّهَا تَتَقَدَّمُ يَسِيرًا بِحَيْثُ تَمْتَازُ عَنْهُنَّ، وَهَذَا لَا يُنَافِي أَنَّهَا وَسْطَهُنَّ.-نِهَايَةُ الْمُحْتَاجِ: 6/121.

അവരുടെ ഒത്ത നടുവിൽ എന്നതുകൊണ്ടുദ്ദേശ്യം അവരിൽ നിന്ന് വ്യതിരിക്തമാവും വിധം ഒരൽപ്പം മുന്തിക്കൊണ്ട് എന്നാണ്.-( ഹാശിയതുൽ ജമൽ).

قَوْلُهُ (وَسْطَهُنَّ): أَيْ مَعَ تَقَدُّمٍ يَسِيرٍ بِحَيْثُ يَمْتَازُ عَنْهُنَّ.-حَاشِيَةُ الْجَمَلِ.
ഈ സംഭവങ്ങളെല്ലാം ഹാഫിള് ഇബ്നു ഹജർ തൽഖീസുൽ ഹബീറിൽ ഉദ്ധരിച്ചിട്ടുണ്ട്.

قَالَ الْحَافِظ فِي تَلْخِيص الْحَبِير: حَدِيث عَائِشَة أَنَّهَا أَمَّتْ نِسَاءً فَقَامَتْ وَسْطَهنَّ رَوَاهُ عَبْد الرَّزَّاق وَمِنْ طَرِيقه الدَّارَقُطْنِيُّ وَالْبَيْهَقِيُّ مِنْ حَدِيث أَبِي حَازِم عَنْ رَائِطَة الْحَنَفِيَّة عَنْ عَائِشَة أَنَّهَا أَمَّتْهُنَّ فَكَانَتْ بَيْنهنَّ فِي صَلَاة مَكْتُوبَة. وَرَوَى اِبْن أَبِي شَيْبَة ثُمَّ الْحَاكِم مِنْ طَرِيق اِبْن أَبِي لَيْلَى عَنْ عَطَاء عَنْ عَائِشَة أَنَّهَا كَانَتْ تَؤُمّ النِّسَاء فَتَقُوم مَعَهُنَّ فِي الصَّفّ. وَحَدِيث أُمّ سَلَمَة أَنَّهَا أَمَّتْ نِسَاءً فَقَامَتْ وَسْطَهنَّ .- التَّلْخِيصُ الْحَبِيرِ: 597.

Facebook Comments
Related Articles

ഇല്‍യാസ് മൗലവി

1972 മാര്‍ച്ച്4 ന് വയനാട് ജില്ലയിലെ പിണങ്ങോട് ജനനം. പിതാവ്: കുന്നത്ത് കുഞ്ഞബ്ദുല്ല. മതാവ്: പിലാശ്ശേരി ഖദീജ. പിണങ്ങോട് ഗവ: യു.പി. സ്‌കൂള്‍, വയനാട് മുസ്‌ലിം ഓര്‍ഫനേജ് ഹൈസ്‌കൂള്‍, തിരൂര്‍ക്കാട് ഇലാഹിയ്യ കോളേജ്, ഖത്തര്‍ റിലീജിയന്‍സ് ഇന്‍സ്റ്റിറ്റിയൂട്ട്, ഖത്തര്‍ യൂനിവേഴ്‌സിറ്റി എന്നിവിടങ്ങളില്‍ പഠനം. ഇസ്‌ലാമിക ശരീഅത്തിലും ഫിഖ്ഹിലും ഉസ്വൂലുല്‍ ഫിഖ്ഹിലും ബിരുദം. മദ്രാസ് യൂണിവേഴ്സിറ്റിയിൽ നിന്ന് മോഡേൺ അറബിക്കിൽ ബിരുദാനന്തര ബുരുദം- PHD ചെയ്തു കൊണ്ടിരിക്കുന്നു. ഖത്തര്‍ ഔഖാഫ് മന്ത്രാലയത്തിന്റെ കീഴില്‍ ഖുര്‍ആന്‍ തജ്‌വീദില്‍ പ്രത്യേക കോഴ്‌സ് റാങ്കോടെ പാസായി. ഖത്തര്‍ ശരീഅത്ത് കോടതി, ഡോ. യൂസുഫുല്‍ ഖറദാവിയുടെ സെക്രട്ടറിയായി മര്‍കസ് ബുഹൂസുസുന്ന വസ്സീറ, ഖത്തര്‍ റേഡിയോ എന്നിവിടങ്ങളില്‍ ജോലി ചെയ്തു. അല്‍ജാമിഅ അല്‍ഇസ്‌ലാമിയ്യ അസിസ്റ്റന്റ് മുദീര്‍, ഇത്തിഹാദുൽ ഉലമ കേരളയുടെ ഉപാധ്യക്ഷൻ, മജ്‌ലിസുത്തഅ്‌ലീമില്‍ ഇസ്‌ലാമി കമ്മിറ്റിയംഗം, ബൈത്തുസ്സകാത്ത് കേരള അംഗം എന്നീ സ്ഥാനങ്ങള്‍ വഹിക്കുന്നു. ആനുകാലിക പ്രസിദ്ധീകരണങ്ങളില്‍ കര്‍മശാസ്ത്രവിഷയങ്ങള്‍ കൈകാര്യം ചെയ്യുന്നു. കൃതികള്‍: ഇമാം മാലിക്, മയ്യിത്ത് സംസ്‌കരണ മുറകള്‍. ഭാര്യ: സുമയ്യ അബ്ദുര്‍റഹ്മാന്‍ തര്‍വായി. മക്കള്‍: അമ്മാര്‍ സലാമ, ഫൈറൂസ് സലാമ, നവാര്‍ സലാമ.

Check Also

Close
Close
Close