Current Date

Search
Close this search box.
Search
Close this search box.

അമുസ്‌ലിം രാഷ്ട്രഘടനയിലെ മുസ്‌ലിം പങ്കാളിത്തം

ifc.jpg

2007 നവംബര്‍ 3 മുതല്‍ 7 വരെ മക്കയിലെ മുസ്‌ലിം വേള്‍ഡ് ലീഗ് ആസ്ഥാനത്തുവെച്ചു ചേര്‍ന്ന ഇസ്‌ലാമിക് ഫിഖ്ഹ് കൗണ്‍സിലിന്റെ പത്തൊമ്പതാം സെഷനില്‍ അമുസ്‌ലിം രാഷ്ട്രത്തിലെ മുസ്‌ലിം രാഷ്ട്രീയ പങ്കാളിത്തം എന്ന ചര്‍ച്ചയില്‍ രൂപംകൊണ്ട പ്രമേയം.

1. അമുസ്‌ലിം രാഷ്ട്രത്തിലെ മുസ്‌ലിം രാഷ്ട്രീയ പങ്കാളിത്തം എന്നത് ശരീഅത്തധിഷ്ഠിത രാഷ്ട്രീയ പ്രശ്‌നങ്ങളില്‍പെട്ടതാണ്. അതിലെ നേട്ടങ്ങളും കോട്ടങ്ങളും തുലനം ചെയ്തുകൊണ്ടാണ് വിധി രൂപപ്പെടുത്തേണ്ടത്. സ്ഥല കാല പരിതസ്ഥിതികള്‍ക്കനുസൃതമായി ഫത്‌വയില്‍ മാറ്റം വരും എന്ന തത്വം പരിഗണിക്കേണ്ടതാണ്.
2. ഇസ്‌ലാമിനെക്കുറിച്ച് ശരിയായ അവബോധം പകര്‍ന്നു നല്‍കുക, മുസ്‌ലിം പ്രശ്‌നങ്ങളില്‍ ക്രിയാത്മകമായി ഇടപെടുക, ന്യൂനപക്ഷങ്ങളുടെ മതപരവും സാംസ്‌കാരികവുമായ അവകാശങ്ങള്‍ നേടിയെടുക്കുക, അവരെ മുഖ്യധാരയിലേക്കുയര്‍ത്തുക, നീതിക്കും സത്യത്തിനും വേണ്ടി നിലകൊള്ളുന്നവരുമായി പരസ്പരസഹകരണം തുടങ്ങിയ പൊതുനന്മകളും താല്‍പര്യങ്ങളും മുന്‍നിര്‍ത്തിക്കൊണ്ട് അമുസ്‌ലിം രാഷ്ട്രത്തിലെ തദ്ദേശീയമായ അവകാശങ്ങള്‍ അനുഭവിക്കുന്ന മുസ്‌ലിങ്ങള്‍ക്ക് രാഷ്ട്രീയ പങ്കാളിത്തം അനുവദനീയമാണ്. ഇത് രണ്ട് തത്വങ്ങളുടെ അടിസ്ഥാനത്തിലാണ്.
-മുസ്‌ലിങ്ങളുടെ നന്മങ്ങള്‍ നേടിയെടുക്കാനും അവര്‍ക്കെതിരെയുള്ള ഉപദ്രവങ്ങള്‍ തടയുവാനും ഈ പങ്കാളിത്തത്തിലൂടെ ലക്ഷ്യം വെക്കണം.
-ഈ പങ്കാളിത്തത്തിലൂടെ ക്രിയാത്മകമായ ഫലങ്ങള്‍ സംഭാവന ചെയ്യാന്‍ കഴിയും എന്ന ഉത്തമവിശ്വാസം ഉണ്ടായിരിക്കേണ്ടതുണ്ട്. മുസ്‌ലിം സ്ഥാപനങ്ങളുടെ നിലനില്‍പ്, അവരുടെ ആവശ്യങ്ങള്‍ നേടിയെടുക്കുക, അവരുടെ മതപരവും രാഷ്ട്രീയപരവുമായ അവകാശങ്ങള്‍ നേടിയെടുക്കുക തുടങ്ങിയ കാര്യങ്ങള്‍ക്ക് മുന്‍ഗണന നല്‍കണം. ഇത് മുസ്‌ലിങ്ങളുടെ മതപരമായകാര്യങ്ങളില്‍ വീഴ്ചകള്‍ക്ക് വഴിയൊരുക്കരുത്.

വിവ: അബ്ദുല്‍ ബാരി കടിയങ്ങാട്

Related Articles