Vazhivilakk

ജീവിതം എന്താണ്, എന്തിനാണ് ?

ഖുര്‍ആനിന്റെ കൂടെ-11

ജീവിതം എന്താണ്, എന്തിനാണ്, എങ്ങിനെയാണ് എന്നെല്ലാം വളരെ വ്യക്തമായി വിവരിക്കുന്ന വേദഗ്രന്ഥമാണ് വിശുദ്ധ ഖുര്‍ആന്‍. ആസ്വാദനത്തിന്റെ പാരമത്യയിലെത്തിയാല്‍ മനുഷ്യ ജീവിതത്തിന് ലക്ഷ്യമില്ലാതായി മാറും. വരാനിരിക്കുന്ന യഥാര്‍ത്ഥ ജീവിതത്തിന്റെ പരിശീലന കേന്ദ്രമാണ് ഇഹലോക ജീവിതം. അതിനാല്‍ തന്നെ മനുഷ്യ ലക്ഷ്യം മരണത്തോടെ അവസാനിക്കുന്നതല്ല. അനന്തമായി നീളുന്നതാണ്.

അതുകൊണ്ടാണ് ഖുര്‍ആന്‍ ഈ ജീവിതത്തെ ഒരു പരീക്ഷണമായി പരിചയപ്പെടുത്തിയത്. ഭൂമിയിലെ ദൈവത്തിന്റെ പ്രതിനിധാനമാണ് മനുഷ്യന്‍ നിര്‍വഹിക്കേണ്ടത്. അത്‌കൊണ്ട് എല്ലാ മനുഷ്യരും ഇവിടെ ആദരണീയരാണ്.

മനുഷ്യനെ ഏറ്റവും കൂടുതല്‍ ആദരിക്കുന്ന ഗ്രന്ഥമാണ് ഖുര്‍ആന്‍. കേവലം ജന്തു എന്നു പഠിപ്പിക്കുന്ന ഭൗതികതയില്‍ നിന്ന് സവിശേഷമായ ദൈവത്തിന്റെ പ്രതിനിധാനം നിര്‍വഹിക്കുന്ന വിശിഷ്ടമായ സൃഷ്ടി എന്ന ഉന്നതമായ സ്ഥാനമാണ് ഖുര്‍ആന്‍ മനുഷ്യന് നല്‍കുന്നത്. ഇത് ജീവിതത്തിലുടനീളം പകര്‍ത്തുക എന്നത് അവന്റെ ബാധ്യതയാണ്.

Facebook Comments
Show More

ശൈഖ് മുഹമ്മദ് കാരകുന്ന്

1950 ജൂലൈ 15 മഞ്ചേരിക്കടുത്ത കാരകുന്നിലെ പുലത്ത് ഗ്രാമത്തില്‍ ജനിച്ചു. പിതാവ് പുലത്ത് മുഹമ്മദ് ഹാജി . മാതാവ് ആമിന. പുലത്ത് ഗവണ്‍മെന്റ് ലോവര്‍ പ്രൈമറി സ്‌കൂള്‍, കാരകുന്ന് അപ്പര്‍ പ്രൈമറി സ്‌കൂള്‍, മഞ്ചേരി ഗവണ്‍മെന്റ് ഹൈസ്‌കൂള്‍, ഫറോക്ക് റൗദത്തുല്‍ ഉലൂം അറബിക് കോളേജ്, കോഴിക്കോട് എല്‍.ടി.ടി. സെന്റര്‍ എന്നിവിടങ്ങളില്‍ വിദ്യാഭ്യാസം. മൊറയൂര്‍ വി.എച്ച്.എം.ഹൈസ്‌കൂള്‍, എടവണ്ണ ഇസ്ലാഹിയാ ഓറിയന്റല്‍ ഹൈസ്‌കൂള്‍ എന്നിവിടങ്ങളില്‍ അദ്ധ്യാപകനായി ജോലി ചെയ്തു. 1982 മുതല്‍ 2007 വരെ ഇസ്ലാമിക് പബ്ലിഷിംഗ് ഹൗസ് ഡയരക്ടറായി സേവനമനുഷ്ഠിച്ചു. ഇപ്പോള്‍ ജമാഅത്തെ ഇസ്ലാമി കേന്ദ്ര പ്രതിനിധി സഭാംഗം, കേരള സംസ്ഥാന കൂടിയാലോചനാ സമിതി അംഗം ,എന്നീ ചുമതലകള്‍ക്കൊപ്പം സംസ്ഥാന അസിസ്റ്റന്റ് അമീര്‍ കൂടിയാണ്. പ്രബോധനം വാരിക ചീഫ് എഡിറ്റര്‍, ഇസ്ലാമിക് പബ്ലിഷിങ് ഹൗസ് ഡയറക്ടര്‍, ഡി ഫോര്‍ മീഡിയ ചെയര്‍മാന്‍, ഡയലോഗ് സെന്റര്‍ കേരള ഡയറക്ടര്‍, കേരള മുസ്ലിം ഹെറിറ്റേജ് ഫൗണ്ടേഷന്‍ ചെയര്‍മാന്‍ എന്നീ ചുമതലകള്‍ വഹിക്കുന്നു പതിനാല് വിവര്‍ത്തന കൃതികള്‍ ഉള്‍പ്പെടെ എഴുപതിലേറെ ഗ്രന്ഥങ്ങളുടെ കര്‍ത്താവാണ്. അവയില്‍ ആറെണ്ണം ഇംഗ്ലീഷിലേക്കും പതിനൊന്നെണ്ണം കന്നടയിലേക്കും നാലെണ്ണം തമിഴിലേക്കും ഒന്ന് ഗുജറാത്തിയിലേക്കും മൊഴിമാറ്റം ചെയ്യപ്പെട്ടിട്ടുണ്ട് . അഞ്ച് ഗ്രന്ഥങ്ങള്‍ക്ക് വിവിധ പുരസ്‌കാരങ്ങള്‍ ലഭിച്ചു. സാമൂഹിക പ്രവര്‍ത്തകര്‍ക്കുള്ള 2018 ലെ കെ . കരുണാകരന്‍ അവാര്‍ഡിന് അര്‍ഹനായി. സുഊദി അറേബ്യ , യു.എ.ഇ ,ഒമാന്‍ , കുവൈത്ത്, ഖത്തര്‍ , ബഹ്‌റൈന്‍ , സിംഗപ്പൂര്‍, ശ്രീലങ്ക, മലേഷ്യ എന്നീ നാളുകള്‍ സന്ദര്‍ശിച്ചു. ആമിന ഉമ്മു അയ്മനാണ് കുടുംബിനി. അനീസ് മുഹമ്മദ് , ഡോക്ടര്‍ അലീഫ് മുഹമ്മദ് , ഡോക്ടര്‍ ബാസിമ , അയമന്‍ മുഹമ്മദ് എന്നിവര്‍ മക്കളും ഡോക്ടര്‍ അബ്ദുറഹമാന്‍ ദാനി, ഷമിയ്യത് , ആയിഷ നസീബ, ഇബ്തിസാം എന്നിവര്‍ ജാമാതാക്കളുമാണ്.

Related Articles

Close
Close