Vazhivilakk

മദ്യവിമുക്തമായ സമൂഹ സൃഷ്ടിക്ക്

ആറാം നൂറ്റാണ്ടിലെ അറേബ്യന്‍ സമൂഹം മറ്റേതൊരു ജനവിഭാഗത്തെയും പോലെ മദ്യത്തിന് അടിമപ്പെട്ടവരായിരുന്നു. അവരുടെ ജീവിതത്തിന്റെ അവിഭാജ്യ ഘടകമായിരുന്നു മദ്യം. എന്നാല്‍ ഖുര്‍ആന്‍ മദ്യം നിരോധിച്ച് ഉത്തരവിറക്കിയതോടെ ഇവരെല്ലാം മദ്യം പൂര്‍ണമായി ഉപേക്ഷിക്കുകയാണ് ചെയ്തത്. ഇവ്വിധം മദ്യാസക്തമായ സമൂഹത്തെ മാറ്റിയെടുക്കാന്‍ വിശുദ്ധ ഖുര്‍ആനല്ലാതെ മറ്റൊരു ഗ്രന്ഥത്തിനും സാധിച്ചിട്ടില്ല.

ആരെല്ലാം ഈ ഗ്രന്ഥത്തെ അനുദാവനം ചെയ്യുന്നുവോ അവരെല്ലാം പൂര്‍ണമായി മദ്യമുക്ത സമൂഹമായി മാറിയിട്ടുണ്ട്. പല രാജ്യങ്ങളും സമൂഹങ്ങളും മദ്യം നിരോധിക്കാന്‍ ശ്രമിച്ചിട്ടുണ്ട്. ഇതിനായി അവര്‍ കോടിക്കണക്കിന് രൂപ നീക്കി വെച്ചിട്ടുമുണ്ട്. എന്നാല്‍ ഒരു രാജ്യത്തിനും സമൂഹത്തിനും ഇക്കാര്യത്തില്‍ പൂര്‍ണമായി വിജയിക്കാന്‍ കഴിഞ്ഞിട്ടില്ല, ഇസ്‌ലാമിക സമൂഹത്തിനല്ലാതെ. ധാരാളം പണമുണ്ടായിരിക്കെ അതിന് അവസരമുണ്ടായിരിക്കെ ഒരിക്കലും ഒരു വിശ്വാസി മദ്യം കഴിക്കുകയില്ല. ഇത്തരത്തില്‍ മനുഷ്യനെ മാറ്റിയെടുക്കാനും പരിവര്‍ത്തിപ്പിക്കാനും കഴിയുന്ന ഖുര്‍ആനല്ലാത്ത മറ്റൊരു വേദഗ്രന്ഥവും ലോകത്തില്ല.

Facebook Comments
Show More

ശൈഖ് മുഹമ്മദ് കാരകുന്ന്

1950 ജൂലൈ 15 മഞ്ചേരിക്കടുത്ത കാരകുന്നിലെ പുലത്ത് ഗ്രാമത്തില്‍ ജനിച്ചു. പിതാവ് പുലത്ത് മുഹമ്മദ് ഹാജി . മാതാവ് ആമിന. പുലത്ത് ഗവണ്‍മെന്റ് ലോവര്‍ പ്രൈമറി സ്‌കൂള്‍, കാരകുന്ന് അപ്പര്‍ പ്രൈമറി സ്‌കൂള്‍, മഞ്ചേരി ഗവണ്‍മെന്റ് ഹൈസ്‌കൂള്‍, ഫറോക്ക് റൗദത്തുല്‍ ഉലൂം അറബിക് കോളേജ്, കോഴിക്കോട് എല്‍.ടി.ടി. സെന്റര്‍ എന്നിവിടങ്ങളില്‍ വിദ്യാഭ്യാസം. മൊറയൂര്‍ വി.എച്ച്.എം.ഹൈസ്‌കൂള്‍, എടവണ്ണ ഇസ്ലാഹിയാ ഓറിയന്റല്‍ ഹൈസ്‌കൂള്‍ എന്നിവിടങ്ങളില്‍ അദ്ധ്യാപകനായി ജോലി ചെയ്തു. 1982 മുതല്‍ 2007 വരെ ഇസ്ലാമിക് പബ്ലിഷിംഗ് ഹൗസ് ഡയരക്ടറായി സേവനമനുഷ്ഠിച്ചു. ഇപ്പോള്‍ ജമാഅത്തെ ഇസ്ലാമി കേന്ദ്ര പ്രതിനിധി സഭാംഗം, കേരള സംസ്ഥാന കൂടിയാലോചനാ സമിതി അംഗം ,എന്നീ ചുമതലകള്‍ക്കൊപ്പം സംസ്ഥാന അസിസ്റ്റന്റ് അമീര്‍ കൂടിയാണ്. പ്രബോധനം വാരിക ചീഫ് എഡിറ്റര്‍, ഇസ്ലാമിക് പബ്ലിഷിങ് ഹൗസ് ഡയറക്ടര്‍, ഡി ഫോര്‍ മീഡിയ ചെയര്‍മാന്‍, ഡയലോഗ് സെന്റര്‍ കേരള ഡയറക്ടര്‍, കേരള മുസ്ലിം ഹെറിറ്റേജ് ഫൗണ്ടേഷന്‍ ചെയര്‍മാന്‍ എന്നീ ചുമതലകള്‍ വഹിക്കുന്നു പതിനാല് വിവര്‍ത്തന കൃതികള്‍ ഉള്‍പ്പെടെ എഴുപതിലേറെ ഗ്രന്ഥങ്ങളുടെ കര്‍ത്താവാണ്. അവയില്‍ ആറെണ്ണം ഇംഗ്ലീഷിലേക്കും പതിനൊന്നെണ്ണം കന്നടയിലേക്കും നാലെണ്ണം തമിഴിലേക്കും ഒന്ന് ഗുജറാത്തിയിലേക്കും മൊഴിമാറ്റം ചെയ്യപ്പെട്ടിട്ടുണ്ട് . അഞ്ച് ഗ്രന്ഥങ്ങള്‍ക്ക് വിവിധ പുരസ്‌കാരങ്ങള്‍ ലഭിച്ചു. സാമൂഹിക പ്രവര്‍ത്തകര്‍ക്കുള്ള 2018 ലെ കെ . കരുണാകരന്‍ അവാര്‍ഡിന് അര്‍ഹനായി. സുഊദി അറേബ്യ , യു.എ.ഇ ,ഒമാന്‍ , കുവൈത്ത്, ഖത്തര്‍ , ബഹ്‌റൈന്‍ , സിംഗപ്പൂര്‍, ശ്രീലങ്ക, മലേഷ്യ എന്നീ നാളുകള്‍ സന്ദര്‍ശിച്ചു. ആമിന ഉമ്മു അയ്മനാണ് കുടുംബിനി. അനീസ് മുഹമ്മദ് , ഡോക്ടര്‍ അലീഫ് മുഹമ്മദ് , ഡോക്ടര്‍ ബാസിമ , അയമന്‍ മുഹമ്മദ് എന്നിവര്‍ മക്കളും ഡോക്ടര്‍ അബ്ദുറഹമാന്‍ ദാനി, ഷമിയ്യത് , ആയിഷ നസീബ, ഇബ്തിസാം എന്നിവര്‍ ജാമാതാക്കളുമാണ്.

Related Articles

Check Also

Close
Close
Close