Vazhivilakk

ഖുര്‍ആന്‍ സ്ത്രീ വിരുദ്ധമോ ?

ഖുര്‍ആനിന്റെ കൂടെ-6

ഇസ്‌ലാമിന്റെ ശത്രുക്കള്‍ സസ്ഥിരമായി ഉയര്‍ത്തുന്ന ആരോപണമാണ് ഖുര്‍ആനും ഇസ്ലാമും സ്ത്രീ വിരുദ്ധമാണെന്ന്. യഥാര്‍ത്ഥത്തില്‍ ഖുര്‍ആന്‍ സ്ത്രീവിരുദ്ധമാണോ ?.ഇസ്‌ലാമിലെ പുരുഷ മേധാവിത്വത്തെക്കുറിച്ച് പഠിക്കാന്‍ വേണ്ടിയാണ് പ്രശസ്ത മാധ്യമപ്രവര്‍ത്തക യിവോണ്‍ റിഡ്‌ലി അഫ്ഗാനിസ്ഥാനിലെത്തിയിരുന്നത്. വിസയും പാസ്‌പോര്‍ട്ടുമില്ലാതെ വേഷം മാറി പര്‍ദ്ദ ധരിച്ചാണ് അവര്‍ അഫ്ഗാനിലെത്തിയത്.

തുടര്‍ന്ന് പൊലിസ് പിടിയിലായി ജയില്‍വാസമനുഷ്ടിച്ചു. ജയിലില്‍ വെച്ച് ഖുര്‍ആന്‍ പഠിച്ചതാണ് അവര്‍ക്ക് വഴിത്തിരിവായത്. തുടര്‍ന്ന് ഖുര്‍ആന്‍ പരിഭാഷയിലൂടെ ഇസ്‌ലാം സ്ത്രീകള്‍ക്ക് നല്‍കുന്ന ആദരവും പദവിയും അവര്‍ മനസ്സിലാക്കുകയും ഇസ്‌ലാം സ്വീകരിക്കുകയും ചെയ്തു. സ്ത്രീകള്‍ക്ക് ഇസ്‌ലാം നല്‍കുന്ന മാന്യതയും ആദരവും മനസ്സിലാക്കിയാണ് ഇന്നും പടിഞ്ഞാറന്‍ ലോകത്തു നിന്നും ഇസ്ലാമിലേക്ക് കടന്നു വരുന്നതില്‍ കൂടുതലും സ്ത്രീകളാവുന്നതും.

Facebook Comments
Show More

ശൈഖ് മുഹമ്മദ് കാരകുന്ന്

1950 ജൂലൈ 15 മഞ്ചേരിക്കടുത്ത കാരകുന്നിലെ പുലത്ത് ഗ്രാമത്തില്‍ ജനിച്ചു. പിതാവ് പുലത്ത് മുഹമ്മദ് ഹാജി . മാതാവ് ആമിന. പുലത്ത് ഗവണ്‍മെന്റ് ലോവര്‍ പ്രൈമറി സ്‌കൂള്‍, കാരകുന്ന് അപ്പര്‍ പ്രൈമറി സ്‌കൂള്‍, മഞ്ചേരി ഗവണ്‍മെന്റ് ഹൈസ്‌കൂള്‍, ഫറോക്ക് റൗദത്തുല്‍ ഉലൂം അറബിക് കോളേജ്, കോഴിക്കോട് എല്‍.ടി.ടി. സെന്റര്‍ എന്നിവിടങ്ങളില്‍ വിദ്യാഭ്യാസം. മൊറയൂര്‍ വി.എച്ച്.എം.ഹൈസ്‌കൂള്‍, എടവണ്ണ ഇസ്ലാഹിയാ ഓറിയന്റല്‍ ഹൈസ്‌കൂള്‍ എന്നിവിടങ്ങളില്‍ അദ്ധ്യാപകനായി ജോലി ചെയ്തു. 1982 മുതല്‍ 2007 വരെ ഇസ്ലാമിക് പബ്ലിഷിംഗ് ഹൗസ് ഡയരക്ടറായി സേവനമനുഷ്ഠിച്ചു. ഇപ്പോള്‍ ജമാഅത്തെ ഇസ്ലാമി കേന്ദ്ര പ്രതിനിധി സഭാംഗം, കേരള സംസ്ഥാന കൂടിയാലോചനാ സമിതി അംഗം ,എന്നീ ചുമതലകള്‍ക്കൊപ്പം സംസ്ഥാന അസിസ്റ്റന്റ് അമീര്‍ കൂടിയാണ്. പ്രബോധനം വാരിക ചീഫ് എഡിറ്റര്‍, ഇസ്ലാമിക് പബ്ലിഷിങ് ഹൗസ് ഡയറക്ടര്‍, ഡി ഫോര്‍ മീഡിയ ചെയര്‍മാന്‍, ഡയലോഗ് സെന്റര്‍ കേരള ഡയറക്ടര്‍, കേരള മുസ്ലിം ഹെറിറ്റേജ് ഫൗണ്ടേഷന്‍ ചെയര്‍മാന്‍ എന്നീ ചുമതലകള്‍ വഹിക്കുന്നു പതിനാല് വിവര്‍ത്തന കൃതികള്‍ ഉള്‍പ്പെടെ എഴുപതിലേറെ ഗ്രന്ഥങ്ങളുടെ കര്‍ത്താവാണ്. അവയില്‍ ആറെണ്ണം ഇംഗ്ലീഷിലേക്കും പതിനൊന്നെണ്ണം കന്നടയിലേക്കും നാലെണ്ണം തമിഴിലേക്കും ഒന്ന് ഗുജറാത്തിയിലേക്കും മൊഴിമാറ്റം ചെയ്യപ്പെട്ടിട്ടുണ്ട് . അഞ്ച് ഗ്രന്ഥങ്ങള്‍ക്ക് വിവിധ പുരസ്‌കാരങ്ങള്‍ ലഭിച്ചു. സാമൂഹിക പ്രവര്‍ത്തകര്‍ക്കുള്ള 2018 ലെ കെ . കരുണാകരന്‍ അവാര്‍ഡിന് അര്‍ഹനായി. സുഊദി അറേബ്യ , യു.എ.ഇ ,ഒമാന്‍ , കുവൈത്ത്, ഖത്തര്‍ , ബഹ്‌റൈന്‍ , സിംഗപ്പൂര്‍, ശ്രീലങ്ക, മലേഷ്യ എന്നീ നാളുകള്‍ സന്ദര്‍ശിച്ചു. ആമിന ഉമ്മു അയ്മനാണ് കുടുംബിനി. അനീസ് മുഹമ്മദ് , ഡോക്ടര്‍ അലീഫ് മുഹമ്മദ് , ഡോക്ടര്‍ ബാസിമ , അയമന്‍ മുഹമ്മദ് എന്നിവര്‍ മക്കളും ഡോക്ടര്‍ അബ്ദുറഹമാന്‍ ദാനി, ഷമിയ്യത് , ആയിഷ നസീബ, ഇബ്തിസാം എന്നിവര്‍ ജാമാതാക്കളുമാണ്.

Related Articles

Close
Close