അറിയപ്പെടുന്ന പണ്ഡിതനും സംഘാടകനും പ്രഭാഷകനുമാണ്. 2015 മുതല്‍ ജമാഅത്തെ ഇസ്ലാമി കേരളയുടെ സംസ്ഥാന ഉപാധ്യക്ഷനും, 2011 മുതല്‍ ജമാഅത്തെ ഇസ്ലാമി ഹിന്ദ് കേന്ദ്ര പ്രതിനിധി സഭയിലും, സംസ്ഥാന കൂടിയാലോചന സമിതിയിലും അംഗമാണ്.
അന്‍സാര്‍ ഇംഗ്ലീഷ് സ്‌കൂള്‍, അന്‍സാര്‍ ആര്‍ട്സ് ആന്റ് സയന്‍സ് കോളജ്, അന്‍സാര്‍ ട്രൈനിംങ് കോളജ്, അന്‍സാര്‍ ഹോസ്പിറ്റല്‍ എന്നീ സ്ഥാപനങ്ങളുടെ മേല്‍നോട്ടം വഹിക്കുന്ന അന്‍സാര്‍ ചാരിറ്റബ്ള്‍ ട്രസ്റ്റ് അംഗം, വണ്ടൂർ വനിത ഇസ്ലാമിയ കോളേജ് ചെയർമാൻ , ധർമ ധാര ചാരിറ്റബിൾ ട്രസ്റ്റ് ചെയർമാൻ എന്നീ ഉത്തരവാദിത്തങ്ങൾ നിർവഹിച്ചു പോരുന്നു.
2007 മുതല്‍ 2011 വരെ സോളിഡാരിറ്റി യൂത്ത് മൂവ്‌മെന്റ് സംസ്ഥാന പ്രസിഡന്റ്, ജമാഅത്തെ ഇസ്ലാമി കേരള ജനറല്‍ സെക്രട്ടറി, സോളിഡാരിറ്റി യൂത്ത്മുവ്മെന്റ് സംസ്ഥാന ജനറല്‍ സെക്രട്ടറി, എസ്.ഐ.ഒ സംസ്ഥാന സെക്രട്ടറി, എസ്.ഐ.ഒ. സംസ്ഥാന അസി. സെക്രട്ടറി, ജമാഅത്തെ ഇസ്ലാമി ജില്ലാ നാസിം, സോളിഡാരിറ്റി മലപ്പുറം ജില്ലാ പ്രസിഡണ്ട്, എന്നീ ചുമതലകൾ വഹിച്ചിട്ടുണ്ട്.
നിലമ്പൂർ മാനവേദന്‍ ഹൈസ്‌കൂള്‍ നിന്നും സെക്കണ്ടറി പഠനം പൂർത്തിയാക്കിയ ശേഷം ശാന്തപുരം ഇസ്ലാമിയ കോളേജില്‍ ബിരുദ പഠനത്തോടപ്പം ഇസ് ലാമിക വിഷയങ്ങളിലും അവഗാഹം നേടി. തുട‌ർന്ന് കാലിക്കറ്റ് യൂണിവേഴ്സിററിയിൽ നിന്നും ബി എഡും പാസായി. പറപ്പൂര്‍ ഇസ്ലാമിയ കോളജില്‍ അധ്യപകനായി സേവനമനുഷ്ഠിച്ചിരുന്നു.
കിനാലൂര്‍ സമരം, എന്റോസള്‍ഫാന്‍ വിരുദ്ധ പ്രക്ഷോഭം, എന്‍ഡോ സള്‍ഫാന്‍ ദുരിതബാധിതരുടെ പുനരധിവാസം, കൊക്കക്കോള കമ്പനിക്കെതിരായ പ്ലാച്ചിമട സമരം, ദേശീയ പാത വികസനം, മൂലമ്പിള്ളി സമരം, കുത്തകവിരുദ്ധ സമരം തുടങ്ങി ഒട്ടേറെ ജനകീയ പോരാട്ടങ്ങള്‍ക്ക് നേതൃത്വം നല്‍കി ശ്രദ്ധേയമായി. ഭൂമിക്കു വേണ്ടിയുള്ള ചെങ്ങറ സമരത്തില്‍ പോലിസ് മര്‍ദനമേറ്റു.
1972 മാര്‍ച്ച് 5 ന് മലപ്പുറം ജില്ലയിലെ നിലമ്പൂരിനടുത്ത അമരമ്പലം പഞ്ചായത്തിലെ കൂറ്റമ്പാറയിലാണ് ജനനം. പിതാവ് പി.മുഹമ്മദ്, മാതാവ് ഫാത്തിമ സുഹ്‌റ. ജസീലയാണ് ഭാര്യ. അമല്‍ റഹ്‌മാന്‍, അമാന വര്‍ദ, അശ്ഫാഖ് അഹ്‌മദ്, അമീന അഫ്‌റിന്‍ എന്നിവർ മക്കളും.
