ദമസ്കസ്: മുതിര്ന്ന അല്ഖാഇദ നേതാവിനെ സിറിയയില് വെച്ച് നടന്ന ഡ്രോണാക്രമണത്തിലൂടെ യു.എസ് കൊലപ്പെടുത്തി. അബ്ദുല് ഹമീദ് അല് മതാര് ആണ് കൊല്ലപ്പെട്ടതെന്ന് യു.എസ് സെന്ട്രല് കമാന്ഡ് വക്താവ് പറഞ്ഞു. ആക്രണത്തില് മറ്റ് ആളപായമൊന്നും ഉണ്ടായിട്ടില്ല, MQ-9 വിമാനം ഉപയോഗിച്ചാണ് ഇത് നടത്തിയതെന്നും അദ്ദേഹം പറഞ്ഞു.
ഈ അല്-ഖ്വയ്ദയുടെ മുതിര്ന്ന നേതാവിനെ ഇല്ലാതാക്കുന്നത്, യു.എസ് പൗരന്മാരെ ഭീഷണിപ്പെടുത്തുകയും ഞങ്ങളുടെ പങ്കാളികളെയും നിരപരാധികളായ സാധാരണക്കാരെയും കൊലപ്പെടുത്തുന്നതും ആഗോള ആക്രമണങ്ങള് കൂടുതല് ആസൂത്രണം ചെയ്യാനും നടപ്പിലാക്കാനുമുള്ള തീവ്രവാദ സംഘടനയുടെ കഴിവിനെ തടസ്സപ്പെടുത്തുമെന്നും യുഎസ് ആര്മി മേജര് ജോണ് റിഗ്സ്ബി വെള്ളിയാഴ്ച പുറത്തുവിട്ട പ്രസ്താവനയില് പറഞ്ഞു. രണ്ടു ദിവസം മുമ്പ് വടക്കന് സിറിയയിലെ അമേരിക്കന് സൈനിക ഔട്ട് പോസ്റ്റിന് നേരെ ആക്രമണമുണ്ടായിരുന്നു.
ആക്രമണത്തിനുള്ള പ്രതികാരമായാണ് യുഎസ് ഡ്രോണ് ആക്രമണം നടത്തിയതെന്ന് റിഗ്സ്ബി പറഞ്ഞില്ല. സിറിയയിലെ ഏത് പ്രദേശത്താണ് ആക്രമണം നടത്തിയതെന്നും അദ്ദേഹം വ്യക്തമാക്കിയിട്ടില്ല.