സൻആ: യമനിലെ പ്രാധന തുറമുഖമായ ഹുദൈദക്ക് സമീപം ഏറ്റുമുട്ടൽ മൂർച്ഛിച്ചതിനെ തുടർന്ന് യു.എൻ അടിയന്തര വെടിനിർത്തലിന് ആഹ്വാനം ചെയ്തു. മേഖലയിൽ യു.എന്നിന്റെ കാർമികത്വത്തിൽ വെടിനിർത്തലിന് ധാരണയിലെത്തിയിരുന്നെങ്കിലും പോരാട്ടം വീണ്ടും ആരംഭിച്ചിരിക്കുകയാണ്.
2018ൽ കരാർ അംഗീകരിച്ചത് മുതൽ ഹുദൈദ പ്രവിശ്യയിൽ കുറഞ്ഞതും പരിമിതവുമായ പോരാട്ടമാണ് കണ്ടിരുന്നത്. എന്നാൽ, ഈ ആഴ്ചയിൽ ദുരൈഹിമി നഗരത്തിനും അതിനോട് അടുത്തുള്ള ഹൈസ് പട്ടണത്തിനും ചുറ്റുമായി സൗദി പിന്തുണയുള്ള യമൻ സർക്കാറും ഹൂഥി സൈന്യവും രൂക്ഷമായ ഏറ്റുമുട്ടിലിന് വീണ്ടും തുടക്കം കുറിച്ചിരിക്കുകയാണ്. ഏറ്റുമുട്ടലിൽ പത്തിലധികം പേർ കൊല്ലപ്പെട്ടതായി സൈനിക-ആരോഗ്യ വൃത്തങ്ങൾ അറിയിച്ചു.
