കുറ്റ്യാടി: അനീതികള് കൊടികുത്തി വാഴുന്ന കാലത്ത് നീതിക്ക് വേണ്ടി നിരന്തരം സംസാരിച്ചുകൊണ്ടിരിക്കുന്നവരാവണം വിദ്യാര്ഥികളെന്ന് എസ.്ഐ.ഒ അഖിലേന്ത്യാ പ്രസിഡന്റ് നഹാസ് മാള. നീതി ചോദിക്കുന്ന ശബ്ദമാണിത് നന്മ പാലിക്കുന്ന കൂട്ടമാണിത് എന്ന തലക്കെട്ടില് എസ്.ഐ.ഒ – ജി.ഐ.ഒ കോഴിക്കോട് ജില്ലാ കമ്മിറ്റി കുറ്റ്യാടില് സംഘടിപ്പിച്ച ഹയര്സെക്കന്ഡറി കോണ്ഫറന്സ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. നബീജിനെ അപ്രത്യക്ഷ്യമാക്കിയ ഇന്ത്യയിലെ സംഘ്പരിവാര് ഫാസിസ്റ്റുകള് തന്നെയാണ് ഹൈദരബാദിലെ ദളിത് വിദ്യാര്ഥിയായ രോഹിത് വെമുലയുട ജീവത്യാഗത്തിനും കാരണമായത്.
നജീബിനെ കാണാതാക്കിയ വ്യവസ്ഥക്കെതിരെ കലഹിച്ചുകൊണ്ടിരിക്കുന്ന വിദ്യാര്ഥിസമൂഹമായി നാം മാറേണ്ടതുണ്ട്. വിദ്യാഭ്യാസം എന്നത് ധാര്മികമൂല്യങ്ങള്ക്ക് അനുസരിച്ചിട്ടുള്ളതാകണം. ന്മമയില്ലാത്ത അറിവ് സമൂഹത്തില് പ്രശ്നങ്ങള് സൃഷ്ടിക്കുന്നതാണ്. അതുവഴി കുഴപ്പങ്ങള് സൃഷ്ടിക്കുന്ന കുട്ടികളും കുടുംബങ്ങളുമാണ് ഉണ്ടാകുന്നത്. സമൂഹത്തിന്റെ മുന്നോട്ട് പോക്ക് എന്നത് വിദ്യാര്ഥികള് അധികാരപ്പെടുത്തുന്നതാവണം. ഇന്ത്യയില് ഉയര്ന്നുവന്ന നവജനാധിപത്യം വിദ്യാര്ഥികള് സൃഷ്ടിച്ചതാണെന്നും നഹാസ് മാള പറഞ്ഞു.
ജമാഅത്തെ ഇസ്ലാമി സംസ്ഥാന അസിസ്റ്റന്റ് അമീര് ശൈഖ് മുഹമ്മദ് കാരക്കുന്ന് മഖ്യപ്രഭാഷണം നടത്തി. സത്യാനന്തര കാലത്ത് സാമൂഹിക മൂല്യങ്ങള് ഉയര്ത്തിപ്പിടിച്ചുകൊണ്ടാണ് വിദ്യാര്ഥികള് മുന്നോട്ട് പോകേണ്ടതെന്ന് അദ്ദഹം പറഞ്ഞു. എസ്.ഐ.ഒ ജില്ലാ പ്രസിഡന്റ് പി.കെ നുജൈം അധ്യക്ഷത വഹിച്ചു. ജമാഅത്തെ ഇസ്ലാമി വനിതാ വിഭാഗം സംസ്ഥാന സെക്രട്ടറി പി റുക്സാന, ജി ഐ ഒ സംസ്ഥാന പ്രസിഡന്റ് അഫീദ അഹ്മദ്,എസ് ഐ ഒ മുന് സംസ്ഥാന പ്രസിഡന്റ് ആര് യൂസുഫ്, എസ് ഐ ഒ സംസ്ഥാന സെക്രട്ടറി ഷബീര് കൊടുവള്ളി എന്നിവര് സംസാരിച്ചു. ജമാഅത്തെ ഇസ്ലാമി കേരള സെക്രട്ടറി ടി.ശാക്കിര് വേളം, ജമാഅത്തെ ഇസ്ലാമി ജില്ലാ പ്രസിഡന്റ് വി പി ബഷീര്, ജി ഐ ഒ ജില്ലാ പ്രസിഡന്റ് ഷംന, സോളിഡാരിറ്റി ജില്ലാ പ്രസിഡന്റ് കെ സി അന്വര്, ജമാഅത്തെ ഇസ്ലാമി വനിതാ ജില്ലാ പ്രസിഡന്റ് സുലൈഖ പുത്തൂര്, എസ്.ഐ.ഒ ജില്ലാ സെക്രട്ടറി അബ്ദുല് വാഹിദ്, ജി.ഐ.ഒ ജില്ലാ സെക്രട്ടറി ആയിഷ ഗഫൂര് എന്നിവര് സംസാരിച്ചു. സമ്മേളനത്തിന്റെ സമാപനം ജമാഅത്തെ ഇസ്ലാമി ജില്ലാ സെക്രട്ടറി ഫൈസല് പൈങ്ങോട്ടായി നിര്വഹിച്ചു.
പരിപാടിയുടെ ഭാഗമായി രണ്ട് വര്ഷം മുമ്പ് ജെ എന് യു വില് നിന്നും കാണാതായ നജീബ് അഹമ്മദിന് വേണ്ടി നജീബ് സ്ക്വയര് സംഘടിപ്പിച്ചു.നീതി നിഷേധിക്കപ്പെടുന്ന കാലത്ത് അനീതികളെക്കുറിച് നിരന്തരം സംസാരിക്കാന് വിദ്യാര്ത്ഥികള്ക്ക് ഊര്ജ്ജം ഇന്നും നിലനില്ക്കുന്നു എന്നതായിരുന്നു വിദ്യാര്ത്ഥികള് ഉയര്ത്തിയ മുദ്രാവാക്യം. ‘where is najeeb’ എന്ന ബാനറിന് കീഴില് ആയിരക്കണക്കിന് വിദ്യാര്ത്ഥികള് നജീബ് സ്ക്വയറില് അണിനിരന്നു.