കോഴിക്കോട്: മുസ്ലിം സമുദായത്തിനെതിരെ വിദ്വേഷ പ്രസംഗ നടത്തിയ മുന് എം.എല്.എ പി.സി ജോര്ജിനെതിരെ പരാതി നല്കി യൂത്ത് ലീഗ്. ഹിന്ദു മഹാപരിഷത്ത് തിരുവനന്തരപുത്ത് നടത്തുന്ന അനന്തപുരി ഹിന്ദു മഹാസമ്മേളനത്തിന്റെ ഉദ്ഘാടന പ്രസംഗത്തിലാണ് പി.സി ജോര്ജ് വിദ്വേഷ പ്രസംഗം നടത്തിയത്. യൂത്ത് ലീഗ് സംസ്ഥാന ജനറല് സെക്രട്ടറി പി.കെ ഫിറോസാണ് ഡി.ജി.പിക്കും മുഖ്യമന്ത്രിക്കും പരാതി നല്കിയത്.
കച്ചവടം ചെയ്യുന്ന മുസ്ലിംകള് പാനീയങ്ങളില് വന്ധ്യതക്കായുള്ള മരുന്നുകള് ബോധപൂര്വം കലര്ത്തുന്നു, മുസ്ലികംള് ജനസംഖ്യ വര്ധിപ്പിച്ച് ഇന്ത്യയെ മുസ്ലിം രാജ്യമാക്കി മാറ്റാന് ശ്രമിക്കുന്നു, മുസ്ലിം പുരോഹിതര് ഭക്ഷണത്തില് മൂന്ന് പ്രാവശ്യം തുപ്പിയ ശേഷം വിതരണം ചെയ്യുന്നു, മുസ്ലിംകളായ കച്ചവടക്കാര് തങ്ങളുടെ സ്ഥാപനങ്ങള് അമുസ്ലിം മേഖലകളില് സ്ഥാപിച്ച് അവരുടെ സമ്പത്ത് കവരുന്നു തുടങ്ങിയ ഗൗരവതരമായ കള്ള ആരോപണങ്ങളാണ് പി.സി ജോര്ജ് പ്രസംഗത്തില് നടത്തിയെന്ന് പരാതിയില് പറയുന്നു.
????വാട്സാപ് ഗ്രൂപ്പില് അംഗമാകാന്????: https://chat.whatsapp.com/KoVQY3fNYfnHnlNRbeDaCj