കാബൂള്: രാജ്യത്തെ 9.6 ദശലക്ഷം കുട്ടികള് പട്ടിണിയിലെന്ന് സന്നദ്ധ സംഘടനയുടെ റിപ്പോര്ട്ട്. യുക്രെയ്ന് യുദ്ധവും തുടര്ച്ചയായ വരള്ച്ചയും മൂലം പ്രതിദിനം ദശലക്ഷക്കണക്കിന് കുട്ടികളാണ് പട്ടിണിയില് കഴിയുന്നത്. വലിയ സാമ്പത്തിക പ്രതസന്ധിയിലൂടെയാണ് അഫ്ഗാനിസ്ഥാന് കടന്നുപോകുന്നത്.
ഹ്രസ്വകാലത്തേക്ക് ജീവന് രക്ഷിക്കുന്നതിന് അടിയന്തര ഭക്ഷ്യസഹായം ആവശ്യമാണ്. രാജ്യത്തെ കടുത്ത പട്ടിണി നേരിടാന് സഹായം കൊണ്ട് മാത്രം കഴിയില്ലെന്ന് അന്താരാഷട്ര സന്നദ്ധ സംഘടനയായ ‘സേവ് ദ ചില്ഡ്രന്’ ചൊവ്വാഴ്ചയിലെ റിപ്പോര്ട്ടില് വ്യക്തമാക്കി.
ഏതാനും മാസങ്ങളായി കുടുംബങ്ങള്ക്ക് വലിയ തോതില് ഭക്ഷ്യസഹായം ലഭിച്ചെങ്കിലും, 19.7 ദശലക്ഷം കുട്ടികളും മുതിര്ന്നവരും പട്ടിണിയിലാണ്. ജനസംഖ്യയുടെ ഏതാണ്ട് 50 ശതമാനവും ഇപ്പോഴും പട്ടിണിയിലാണ്. അതിജീവിക്കാന് അടിയന്തര സഹായം ആവശ്യമാണ്. കഴിഞ്ഞ രണ്ടോ മൂന്നോ മാസത്തിനിടെ മാത്രം 20000 പേരാണ് പട്ടിണിയിലായതെന്ന് റിപ്പോര്ട്ടില് പറയുന്നു.
ആഗസ്റ്റ് 15ന് താലിബാന് അധികാരത്തിലേറിയതിനെ തുടര്ന്ന് അന്താരാഷ്ട്ര സാമ്പത്തിക സ്ഥാപനങ്ങള് അഫ്ഗാനിസ്ഥാനെ കൈയൊഴിഞ്ഞിരുന്നു. സഹായത്തെ ആശ്രയിച്ച് മുന്നോട്ടുപോകുന്ന രാജ്യം വലിയ പ്രതിസന്ധിയാണ് ഇപ്പോള് നേരിടുന്നത്. അതേസമയം, രാജ്യത്തിന്റെ 10 ബില്യണ് ഡോളര് ആസ്തി യു.എസ് മരവിപ്പിക്കുകയും ചെയ്തു.
????വാട്സാപ് ഗ്രൂപ്പില് അംഗമാകാന്????: https://chat.whatsapp.com/KoVQY3fNYfnHnlNRbeDaCj