Current Date

Search
Close this search box.
Search
Close this search box.

ജമാഅത്തെ ഇസ്ലാമി വനിതാ വിഭാഗം പുതിയ ഭാരവാഹികളെ തെരഞ്ഞെടുത്തു

കോഴിക്കോട്: 2021- 23 പ്രവര്‍ത്തന കാലയളവിലേക്കുള്ള ജമാഅത്തെ ഇസ്ലാമി വനിതാ വിഭാഗം സംസ്ഥാന പ്രസിഡണ്ടായി പി വി റഹ്‌മാബി (കോഴിക്കോട്)യെ തെരഞ്ഞെടുത്തു. പി റുക്സാനയാണ് ജനറല്‍ സെക്രട്ടറി. വൈസ് പ്രസിഡണ്ടുമാരായി സഫിയാ അലി, ഖദീജ റഹ്‌മാന്‍ എന്നിവര്‍ തെരഞ്ഞെടുക്കപ്പെട്ടു.

പി വി റഹ്‌മാബിയും പി റുക്സാനയും നിലവില്‍ ജമാഅത്തെ ഇസ്ലാമി കേന്ദ്ര പ്രതിനിധി സഭ, സംസ്ഥാന കൂടിയാലോചന സമിതി എന്നിവയില്‍ അംഗങ്ങളാണ്. നേരത്തെ ഗേള്‍സ് ഇസ്ലാമിക് ഓര്‍ഗനൈസേഷന്‍ സംസ്ഥാന പ്രസിഡണ്ടുമാരായിരുന്നു. പ്രഭാഷകരാണ്. സെക്രട്ടറിമാരായി ആര്‍ സി സാബിറ, കെ ടി നസീമ എന്നിവരെയും തെരഞ്ഞെടുത്തു.

സംസ്ഥാന സമിതി അംഗങ്ങളായി കെ. കെ ഫാത്തിമത്ത് സുഹ്റ, പി വി റഹ്‌മാബി, പി. റുക്സാന, പി ലൈല ടീച്ചര്‍, കെ ടി നസീമ , സഫിയ ശറഫിയ്യ, അസൂറ അലി, സി വി ജമീല, സഫിയ അലി, വി കെ റംല, എച്ച് മുബീന, കെ കെ റഹീന, പി ടി പി സാജിത, പി സുബൈദ, ഇ എന്‍ നസീറ, ഷരീഫ അമീന്‍, ആര്‍ സി സാബിറ, പി എം ജസീല, കെ കെ സഫിയ, കെ എന്‍ സുലൈഖ, ഖദീജ റഹ്‌മാന്‍, ടി കെ ജമീല, എന്‍ എ ആമിന, സി എച്ച് സാജിദ എന്നിവരെ തെരഞ്ഞെടുത്തു.

കോഴിക്കോട് ഹിറാസെന്ററില്‍ നടന്ന തെരഞ്ഞെടുപ്പ് കണ്‍വെന്‍ഷന് ജമാഅത്തെ ഇസ്ലാമി കേരള അമീര്‍ എം ഐ അബ്ദുല്‍ അസീസ് നേതൃത്വം നല്‍കി. സി വി ജമീല സ്വഗതം പറഞ്ഞു. പി റുക്സാന റിപ്പോര്‍ട്ട് അവതരിപ്പിച്ചു. സാജിത പി ടി പി ഖുര്‍ആന്‍ ക്ലാസെടുത്തു.

Related Articles