തെല് അവീവ്: ഇറാഖില് നിന്നും ഇസ്രായേലിനെ ആക്രമിക്കാന് ഇറാന് ഒരുങ്ങുന്നതായി റിപ്പോര്ട്ട്. ഇസ്രായേല് ആഭ്യന്തര സുരക്ഷ മന്ത്രി ഗിലാദ് എര്ദാനെ ഉദ്ധരിച്ച് ഇസ്രായേല് ഹായം എന്ന പത്രം ആണ് റിപ്പോര്ട്ട് ചെയ്യുന്നത്.
ഇസ്രായേല് അതിര്ത്തിയില് ഇറാനും ഇറാന്റെ സഖ്യകക്ഷികളും സൈനിക സാന്നിധ്യം വര്ധിപ്പിക്കുകയാണെന്നും കഴിഞ്ഞ ദിവസം ഗിലാദ് പറഞ്ഞു. ഇസ്രായേലിന്റെ അതിര്ത്തിക്കു സമീപം ലെബനാനിന്റെ തെക്കുഭാഗത്ത് ഹിസ്ബുല്ലയെ സ്പോണ്സര് ചെയ്യുന്നത് ഇറാനാണെന്നും ഹിസ്ബുല്ലയുടെ ആയുധപ്പുരകളില് ഇന്ന് ഒന്നര ലക്ഷത്തോളം മിസൈലുകളും റോക്കറ്റുകളും ഉണ്ടെന്നും അദ്ദേഹം ആരോപിച്ചു.
ഇതിനായി ഇറാന് ഇറാഖുമായി ശക്തമായ ബന്ധം സ്ഥാപിക്കുന്നുണ്ടെന്നും ഇത് ഭാവിയില് ഇസ്രായേലിനെതിരെ യുദ്ധം ചെയ്യാനിടയാക്കുമെന്നും അദ്ദേഹം പറഞ്ഞു.