കൈറോ: ഈജിപ്തിലും സൗദി അറേബ്യയിലും വ്യവസായ വളർച്ചാ നിരക്ക് പുരോഗതിയാർജിക്കുന്നു. ആറ് വർഷത്തിനിടയിലെ ഏറ്റവും വലിയ വളർച്ചാ നിരക്കാണ് ഈജിപ്ത് വ്യവസായ രംഗത്ത് രേഖപ്പെടുത്തിയിരിക്കുന്നത്. സൗദി അറേബ്യയിൽ നേരിയ നിരക്കലാണ് വ്യാവസായിക വളർച്ച. അതേസമയം, യു.എ.ഇയിൽ എണ്ണ ഇതര സ്വകാര്യ മേഖലയിൽ വളർച്ച നിരക്ക് താഴേക്കാണ് നീങ്ങികൊണ്ടിരിക്കുന്നത്. ഇത് ആഗസ്റ്റിന് ശേഷമുള്ള വളർച്ചാ നിരക്കിലെ കുറവാണ് കാണിക്കുന്നതെന്ന് ഐ.എച്ച്.എസ് മാർക്കിറ്റിന്റെ പർച്ചേസിങ് മാനേജർസ് ഇൻഡക്സ് വ്യക്തമാക്കി.
തൊഴിലില്ലായ്മയെയും, തുടർന്നുകൊണ്ടിരിക്കുന്ന ലോക്ഡൗണിനെയും സംബന്ധിച്ച ആശങ്കകൾ മൂന്ന് പ്രധാന അറബ് സമ്പദ്വ്യവസ്ഥകളിലും പ്രതിസന്ധി സൃഷ്ടിക്കുകയാണെന്ന് സൂചിക വ്യക്തമാക്കുന്നു.