ഈ വർഷം,നോമ്പുകാലം മുമ്പത്തേതു പോലെയല്ല ; മഹാമാരിയെ നേരിട്ടുകൊണ്ടിരിക്കുന്ന സന്ദർഭത്തിൽ പരിശുദ്ധമായ ഈ മാസത്തിൽ നാം പള്ളികൾ അടച്ചു പൂട്ടിയിട്ടിരിക്കുന്നു, ദുരിതങ്ങളുടെ കാലത്തും, റമദാനിലെ നോമ്പനുഷ്‌ടാനങ്ങൾ ചില അപ്രതീക്ഷിത ആരോഗ്യ ഗുണങ്ങളും നൽകുന്നുണ്ടെന്ന് പഠനങ്ങൾ തെളിയിക്കുന്നുണ്ട് .
ഖുർആൻ ആദ്യമായി മുഹമ്മദ് നബിക്ക് വെളിപ്പെടുത്തിയതിനെ അനുസ്മരിപ്പിക്കുന്ന മഹത്തായ പ്രതിഫലനത്തിന്റെയും അല്ലാഹുവോടുള്ള ആരാധനയുടെയും വ്രതത്തിന്റെയും മുപ്പത് ദിവസങ്ങളിൽ ലോകമെമ്പാടുമുള്ള പള്ളികൾ സാധാരണയായി ഏറ്റവും തിരക്കേറിയവയാണ്, എന്നാൽ ഇപ്പോൾ പലതും അടഞ്ഞുകിടക്കുന്നു, കൊറോണ വൈറസ് പടരാതിരിക്കാനുള്ള സാമൂഹിക അകലവും സ്വയം ഒറ്റപ്പെടലും പല രാജ്യങ്ങളിലും നിർബന്ധിതമായിരിക്കുന്നു. കുടുംബങ്ങൾ തമ്മിലും നാട്ടുകാർ തമ്മിലുമെല്ലാം വേർപിരിയുന്നതിനാൽ ലോകമെമ്പാടുമുള്ള ധാരാളം മുസ്‌ലിംകൾക്ക് ഈ വർഷം റമദാൻ വളരെ വ്യത്യസ്തമായിരിക്കും. നീണ്ടു നിൽക്കുന്ന ലോക്കഡോൺ കാലവും മഹാമാരിയുടെ ഈ സമയത്തും നോമ്പ് അനുഷ്ഠിക്കുന്നത് ആരോഗ്യപരമായ പ്രത്യാഘാതങ്ങൾ സൃഷിടിക്കാനോ കൊറോണ വൈറസ് പിടിപെടാനുള്ള ഒരാളുടെ സാധ്യതയെ കൂടുതലായി ബാധിക്കുമോ എന്നെല്ലാം ചോദിക്കുന്നുവരുണ്ട്.
Also read: ആനന്ദത്തിന്റെ രസതന്ത്രം
വാസ്തവത്തിൽ, നമ്മുടെ രോഗപ്രതിരോധ ശേഷി വർദ്ധിപ്പിക്കുന്നതുൾപ്പെടെ നിരവധി മാർഗങ്ങളിലൂടെ നോമ്പ് ശരീരത്തിന് ഗുണം ചെയ്യുമെന്ന് കാണാൻ കഴിയും. റമദാൻ മാസത്തിലെ നോമ്പനുഷ്ട്ടാനം പോലെ തന്നെ ക്രിസ്ത്യാനികൾ ഈസ്റ്ററിനു മുന്നോടിയായി പ്രത്യേക നോമ്പ് ആചരിക്കുന്നു. യോം കിപ്പൂരിന്റെ സമയത്ത് യഹൂദ മതവും പ്രത്യേക നോമ്പ് ആചരിക്കുന്നു. പുരാതന ഈജിപ്തുകാർ തങ്ങളുടെ രോഗങ്ങളെയും രോഗങ്ങളെയും ശുദ്ധീകരിക്കാൻ വളരെക്കാലംവ്രതമനുഷ്ഠിച്ചു എന്നതിന് തെളിവുകളുണ്ട്.പറഞ്ഞു വരുന്നത് വളരെ കാലം മുമ്പ് കാലം മുതൽക്കേ വ്യത്യസ്ത സമൂഹങ്ങൾ പ്രത്യേക വ്രതങ്ങൾ ആചരിച്ചു എന്ന് കാണാൻ കഴിയും.
ശരീരത്തിന് ചുറ്റുമുള്ള കോശങ്ങളിൽ ഉണ്ടാകുന്ന പൊതുവായ വീക്കം കുറയ്ക്കുന്നതിലൂടെ നോമ്പ് യഥാർത്ഥത്തിൽ രോഗപ്രതിരോധവ്യവസ്ഥയിൽ ഗുണം ചെയ്യുമെന്ന് പഠനങ്ങൾ തെളിയിച്ചിട്ടുണ്ട്. പോഷകങ്ങളുടെ കുറവ് ശരീരത്തെ പരമാവധി ഊർജ്ജ സംരക്ഷണ മോഡിലേക്ക് വ്രതമനുഷ്ഠാനം കൊണ്ടെത്തിക്കുന്നു. ഇങ്ങിനയുള്ള ഊർജ്ജം ലാഭിക്കാനുള്ള ശ്രമത്തിൽ, ശരീരം പഴയതോ കേടായതോ ആയ പല രോഗപ്രതിരോധ കോശങ്ങളും റീസൈക്കിൾ ചെയ്യുന്നു. നോമ്പുകാലം അവസാനിക്കുമ്പോയേക്കും ആരോഗ്യകരമായ രോഗപ്രതിരോധ കോശങ്ങൾ ഉണ്ടാവുന്നതിന് ഈ പ്രവർത്തങ്ങൾ കാരണമാവുന്നു. ഈ പുതിയ സെല്ലുകൾ വേഗത്തിലും കാര്യക്ഷമമായും അണുബാധകൾ‌ക്കെതിരെ പോരാടുന്നതിനാൽ ശരീരത്തിന്റെ മൊത്തത്തിലുള്ള പ്രതിരോധശേഷി മെച്ചപ്പെടുന്നു എന്ന് കാണാൻ കഴിയും.
Also read: പകരംവെക്കുന്ന ഇബാദത്തുകൾ!
പഠനങ്ങൾ കാണിക്കുന്നത് റമദാനിലെ മതപരമായ വ്രതത്തിന് പുറമെ മറ്റ് തരത്തിലുള്ള ഭക്ഷണ നിയന്ത്രങ്ങളുമായി താരതമ്യപ്പെടുത്താവുന്ന ആരോഗ്യ ഗുണങ്ങളുണ്ടെന്നാണ്. റമദാനിൽ ആരോഗ്യകരമായ ഭക്ഷണക്രമം പാലിക്കണമെന്നാണ് പഠനങ്ങൾ പറയുന്നത്. നോമ്പിന്റെ ഇടവേളയിൽ എണ്ണക്കടികളും ഫാസ്റ്റ് ഫുഡ് ഭക്ഷണങ്ങളും അമിതമായി കഴിക്കുന്ന പ്രവണതയുണ്ടെന്ന് നമുക്കെല്ലാവർക്കും അറിയാം, ഇത് തീർച്ചയായും ദോഷകരമായാണ് ബാധിക്കുക എന്നുനാംശം തിരിച്ചറിയണം.
ഒരു വ്യക്തി ലോകത്ത് എവിടെ താമസിക്കുന്നുവെന്നും റമദാൻ മാസം ഏത് വർഷമാണ് വരുന്നതെന്നും അനുസരിച്ച് വ്രതങ്ങളുടെ സമയങ്ങളിൽ വ്യത്യാസപ്പെടും, പക്ഷേ തെളിവുകൾ സൂചിപ്പിക്കുന്നത് ഭക്ഷണവും വെള്ളവും പന്തണ്ട് മണിക്കൂർ വരെ ഒഴിവാക്കുന്നത് ഒരാളുടെ രോഗപ്രതിരോധ ശേഷിയിൽ പ്രയോജനകരമായ ഫലമുണ്ടാക്കുമെന്നു തന്നെയാണ്.
ആരോഗ്യമുള്ളവരിൽ നിന്ന് മാത്രമാണ് നോമ്പ് പ്രതീക്ഷിക്കുന്നത് എന്നതു പ്രധാനമാണ്,അവർക്കാണ് ഈ ആരാധന കർമ്മം നിർബന്ധമാവുന്നതും. മാത്രമല്ല രോഗപ്രതിരോധ ശേഷി വർദ്ധിപ്പിക്കുന്നതിനുള്ള മാർഗമായി മാത്രം നോമ്പ് ഉപയോഗിക്കുന്നതും അനുവദനീയമല്ല.
കൊറോണ വൈറസ് പകർച്ചവ്യാധിയുടെ സമയത്ത് ഇത് നമ്മുടെ ആദ്യത്തെ റമദാൻ ആയതിനാൽ, രോഗം വരാതിരിക്കാൻ വ്രതം ഒരു പരിധിവരെ സംരക്ഷണം നൽകുമോ എന്ന് അറിയാൻ കഴിയില്ല, സാമൂഹിക അകലം പാലിച്ചും കൈ കഴുകൽ ശീലമാക്കിയുമെല്ലാം , ശുചിത്വം പാലിച്ചു തന്നെ ഈ കാക്കാലത്തും നമുക്കും ഈ മഹാമാരിയെ പ്രതിരോധിക്കേണ്ടതുണ്ട്.
നല്ല ഉറക്കം അമിതവണ്ണം, ഹൃദ്രോഗം, ഹൃദയാഘാതം എന്നിവ കുറക്കുന്നതിനും മെച്ചപ്പെട്ട ഏകാഗ്രത, മെമ്മറി വർധിപ്പിക്കുന്നതിനും സഹായകരമാണ്. എന്നാൽ ഉറക്കം ആരോഗ്യകരമായ രോഗപ്രതിരോധ സംവിധാനങ്ങളുമായി ബന്ധപ്പെട്ടിരിക്കുന്നു എന്നത് പ്രധാനമായുംശ്രദ്ധിക്കേണ്ടതാണ്.
Also read: മൂസായുടെ വടി, ദൈവത്തിൻ്റെ ദിനങ്ങൾ
ഒരു രോഗപ്രതിരോധ ശേഷി ഫലപ്രദമായി പ്രവർത്തിക്കാൻ, ഒരു വൈറസ് അല്ലെങ്കിൽ ബാക്ടീരിയ പോലുള്ളവ ശരീരത്തിൽ പ്രവേശിക്കുമ്പോൾ തിരിച്ചറിയാൻ അതിന് കഴിയണം. വൈറസിനെ ഉൾക്കൊള്ളുന്നതിനും നശിപ്പിക്കുന്നതിനും വിശാലമായ പ്രതിരോധം സജ്ജമാക്കേണ്ടതുണ്ട് എന്നർത്ഥം. ഈ വൈറസുകളെ തിരിച്ചറിയുകയും രോഗപ്രതിരോധ ശേഷി വർദ്ധിപ്പിക്കുകയും ചെയ്യുന്ന രോഗപ്രതിരോധവ്യവസ്ഥയുടെ ഭാഗമാണ് ടി സെല്ലുകൾ. അക്രമകാരികളായ വൈറസുകളോടെയുള്ള ടി-സെൽ പ്രതികരണങ്ങളുടെ കാര്യക്ഷമത നല്ല ഉറക്കം വർദ്ധിപ്പിച്ചതായി ഒരു പുതിയ പഠനം തെളിയിക്കുന്നു.
സൈറ്റോകൈനുകൾ എന്നറിയപ്പെടുന്ന പ്രോട്ടീനുകളും ശരീരത്തിലെ രോഗപ്രതിരോധ പ്രതികരണത്തിന്റെ ഭാഗമാണ്. ഒരു അണുബാധയെ തിരിച്ചറിയുന്നതിനൊപ്പം സൈറ്റോകൈനുകൾ അണുബാധയില്ലാത്ത സെല്ലുകളിലേക്ക് സന്ദേശങ്ങൾ അയയ്ക്കുകയും ഒരു ആക്രമണത്തിന് സ്വയം തയ്യാറാകുകയും അണുബാധയെ ചെറുക്കാൻ സഹായിക്കുന്ന എൻസൈം ഉത്പാദനത്തിന് സഹായവും ചെയ്യുന്നു.
സൈറ്റോകൈനുകൾ ഉറക്കത്തിൽ മികച്ച രീതിയിൽ പ്രവർത്തിക്കുന്നുവെന്ന് മാത്രമല്ല, ഒരു വ്യക്തി ഉറങ്ങുമ്പോൾ യഥാർത്ഥത്തിൽ അവ ഉത്പാദിപ്പിക്കപ്പെടുമെന്നും പഠനങ്ങൾ തെളിയിച്ചിട്ടുണ്ട്. ആളുകൾക്ക് അസുഖമുള്ളപ്പോൾ വിശ്രമിക്കേണ്ട പുരാതന ഉപദേശങ്ങളിലേക്ക് ഇത് താരതമ്യപ്പെടുത്തുന്നത് അങ്ങനെ ചെയ്യുന്നത് ഊർജ്ജം സംരക്ഷിക്കുക മാത്രമല്ല, അണുബാധയെ ചെറുക്കാൻ ശരീരത്തെ സഹായിക്കുകയും ചെയ്യുന്നു എന്നത് കൊണ്ടുകൂടിയാണ്.
Also read: ഈസാർചരിത്രംസൃഷ്ടിക്കും
തുടർച്ചയായ നല്ല ഉറക്കം നിലനിർത്താൻ റമദാൻ മാസത്തിൽ ഒരു പക്ഷെ ബുദ്ധിമുട്ടായിരിക്കും, റമദാൻ സമയത്ത് രാത്രിയിൽ നമ്മുടെ പതിവ് ഉറക്കം ലഭിക്കുന്നില്ലെങ്കിലും പകൽ സമയങ്ങളിൽ ഉപയോഗപ്പെടുത്തിയും നിർവഹിക്കേണ്ടത് അത്യാവശ്യമായി വരും.. നമ്മൾ കഴിക്കുന്നത് ഉറക്കത്തിന്റെ ഗുണനിലവാരത്തെ ബാധിക്കുമെന്നതിൽ സംശയില്ല. അനാരോഗ്യകരമായ ഭക്ഷണം, അമിതമായി കഴിക്കുന്നതെല്ലാം നമ്മുടെ ഉറക്കത്തിന്റെ ഗുണനിലവാരം കുറയ്ക്കും. അതിനാൽ, എത്രത്തോളം ബുദ്ധിമുട്ടാണെങ്കിലും, ആരോഗ്യകരമായ ബദലുകളുമായി ഇവ സന്തുലിതമാക്കാൻ ശ്രമിക്കുക. ഉറക്കത്തിന് അണുബാധകൾ ഒഴിവാക്കാൻ സഹായിക്കുന്നതുൾപ്പെടെ നിരവധി ഗുണങ്ങളുണ്ടെന്ന പഠനങ്ങൾ നാം പറഞ്ഞുവല്ലോ..
പുതിയ രോഗമായ, കൊറോണ വൈറസിനെതിരായ നമ്മുടെ ശരീരത്തിന്റെ പ്രതിരോധത്തിന് മികച്ച ഉറക്കം സഹായിക്കുമോ എന്നത് ഇതുവരെ വ്യക്തമായി പറയാൻ കഴിയില്ല. എന്നിരുന്നാലും, ഒരു നല്ല ഉറക്കം നിങ്ങളുടെ രോഗപ്രതിരോധ സംവിധാനത്തെ ഏതെങ്കിലും അണുബാധയെ തിരിച്ചറിയാനും പ്രതിരോധിക്കാനും സഹായിക്കുന്നു എന്നതിന് എല്ലാ തെളിവുകളും നൽകിയാൽ ഈ വൈറസിനെതിരെയും സഹായകരമാവതാരിക്കില്ല.
(ബ്രിട്ടനിലെ നാഷണൽ ഹെൽത്ത് സെർവ്വീസ് (NHS) ഡോക്ടറും ലീഡ്സ് യൂണിവേഴ്സിറ്റി ഓഫ് മെഡിസിൻ, യൂണിവേഴ്സിറ്റി ഓഫ് ബ്രാഡ്ഫോർഡ് എന്നിവിടങ്ങളിൽ സീനിയർ ലെക്ചറുമാണ് ലേഖകന്‍)
വിവ. തശ്‌രീഫ് കെ പി
