Literature

പുതിയ താഴ്‌വരകളിലേയ്‌ക്ക്‌ പറന്നുയരുന്ന തേനീച്ചകള്‍ 

എത്ര നിര്‍ദയമായാണ്‌
വൃക്ഷ ശിഖിരവും കൂടും
തീ കൊളുത്തപ്പെട്ടത്‌.

റാണിയെ ഒറ്റപ്പെടുത്തി
പരിചാരകരേയും
പാറാവുകാരേയും
പ്രതിജ്ഞാ ബദ്ധരായ
സേവകരേയും
പന്തം കൊളുത്തി തുരത്തി.

മധു ശേഖരങ്ങള്‍
വേട്ടക്കാര്‍ പങ്കു വച്ചു..
കോപ്പകള്‍ കൂട്ടിമുട്ടി
കുടിച്ചുല്ലസിക്കുന്ന
സംഗീത സദസ്സുകള്‍ ..

എത്ര നെറികേടാണെങ്കിലും
കാഴ്‌ചകള്‍
സര്‍വ്വ സാധാരണമാകുമ്പോള്‍
സമരസപ്പെടാന്‍
നിര്‍ബന്ധിതമാകുന്ന
ലോക ക്രമം…

ഇരകള്‍ വീണ്ടും പുതിയ
താഴ്‌വരകള്‍ തേടി
പറന്നുയരുകയാണ്‌ …

Facebook Comments
Show More

അസീസ് മഞ്ഞിയില്‍

തൃശൂര്‍ ജില്ലയിലെ മുല്ലശ്ശേരി, രായംമരയ്ക്കാര്‍ വീട്ടില്‍ മഞ്ഞിയില്‍ ഖാദര്‍, ഐഷ ദമ്പതികളുടെ പത്ത് മക്കളില്‍ ആറാമത്തവനായി 1959 ലാണ് ജനനം. ബ്ലോഗുകളില്‍ സജീവമായ മഞ്ഞിയിലിന്റെ മാണിക്യച്ചെപ്പ് എന്ന കവിതാ സമാഹാരം 1992-ല്‍ പ്രതീക്ഷ തൃശ്ശൂര്‍ പുറത്തിറക്കിയിട്ടുണ്ട്. പ്രവാസി നാടകക്കാരന്‍ അഡ്വ:ഖാലിദ് അറയ്ക്കല്‍ എഴുതി അവതരിപ്പിച്ച നാടകങ്ങള്‍ക്ക് വേണ്ടി ഗാനരചന നിര്‍വഹിച്ച ഇദ്ദേഹം എ.വി എം ഉണ്ണിയുടെ ഉമറുബ്‌നു അബ്ദുള്‍ അസീസ് എന്ന ചരിത്രാഖ്യായികയ്ക്ക് വേണ്ടിയും ഗാനങ്ങളെഴുതിയിട്ടുണ്ട്.എണ്‍പതുകളില്‍ ബോംബെയില്‍ നിന്നിറങ്ങിയിരുന്ന ഗള്‍ഫ് മലയാളിയില്‍ നിന്നു തുടങ്ങി നിരവധി ഓണ്‍ലൈന്‍ മാഗസിനുകളിലും ആനുകാലികങ്ങളിലും എഴുതുന്നുണ്ട്. തനിമ കലാസാഹിത്യവേദി ഖത്തര്‍ ഘടകം മുന്‍ ഡയറക്ടര്‍ കൂടിയാണ് മഞ്ഞിയില്‍.സുബൈറയാണ് ഭാര്യ. അകാലത്തില്‍ പൊലിഞ്ഞുപോയ ബാലപ്രതിഭ അബ്‌സ്വാര്‍, അന്‍സാര്‍, ഹിബ, ഹമദ്, അമീന എന്നിവരാണ് മക്കള്‍.

Related Articles

Close
Close