ജമാഅത്തെ ഇസ് ലാമി കേരള സംസഥാ ശൂറ അംഗം മലപ്പുറം ജില്ലാ പ്രസിഡൻറ് കേന്ദ്ര പ്രതിനിധിസഭാംഗം എന്നീ ഉത്തരവാദിത്തങ്ങൾ വഹിക്കുന്നു. ഇസ്ലാമിക പണ്ഡിതന്, സംഘാടകന്, അധ്യാപകന്, പ്രഭാഷകന്, ഹാഫിള്. എസ്.ഐ.ഒ സംസ്ഥാന പ്രസിഡന്റ് , എസ്.ഐ.ഒ അഖിലേന്ത്യാ പ്രസിഡന്റ്, സോളിഡാരിറ്റി യൂത്ത് മൂവ്മെന്റ് സംസ്ഥാന പ്രസിഡന്റ് എന്നീ സ്ഥാനങ്ങള് വഹിച്ചിട്ടുണ്ട്. തൃശൂര് ജില്ലയിലെ മാള സ്വദേശിയായ നഹാസ്, ശാന്തപുരം അല്ജാമിഅ അല് ഇസ്ലാമിയ്യയില് നിന്ന് ട്രാന്സ്ലേഷന് ആന്റ് ഫോറിന് ലാംഗ്വേജസില് പി.ജി ഡിപ്ലോമയും കാലിക്കറ്റ് സര്വകലാശാലയില് നിന്ന് അറബി സാഹിത്യത്തില് ബിരുദാനന്തര ബിരുദവും പി എച്ച് ഡിയും നേടിയിട്ടുണ്ട് . 2015 മുതല് 2016 വരെ എസ്.ഐ.ഒ കേരള സംസ്ഥാന അധ്യക്ഷനായിരുന്നു. അല് ജാമിഅ അല് ഇസ്ലാമിയ്യയില് അധ്യാപകനായി സേവനമനുഷ്ടിക്കുന്നു. 2017 ഏപ്രില് 7-9 ന് സുഡാനിലെ ഖാര്ത്തൂം ഇന്റര്നാഷണല് യൂണിവേഴ്സിറ്റി ഓഫ് ആഫ്രിക്കയില് നടന്ന വേള്ഡ് മുസ്ലിം യൂത്ത് സമ്മറ്റില് ഇന്ത്യയില് നിന്നുള്ള പ്രതിനിധിയായി പങ്കെടുത്തു.