Current Date

Search
Close this search box.
Search
Close this search box.

ജെ.എൻ.യു വിലെ സംഘ്പരിവാർ ഭീകരത; എ.ബി.വി.പി ഗുണ്ടകളെ അറസ്റ്റ് ചെയ്യുക : എസ്. ഐ.ഒ

മലപ്പുറം: ജെ.എൻ.യു വിലെ സംഘ്പരിവാർ ഭീകരതയെ എതിർക്കണമെന്നും എ.ബി.വി.പി ഗുണ്ടകളെ അറസ്റ്റ് ചെയ്യണമെന്നും എസ്.ഐ.ഒ മലപ്പുറം നിയുക്ത ജില്ലാ പ്രസിഡന്റ് സൽമാനുൽ ഫാരിസ്. കേന്ദ്രസർക്കാറിന്റെ അനുവാദത്തോടെ ജവഹർലാൽ നെഹ്റു യൂണിവേഴ്സിറ്റിയിൽ അരങ്ങേറിയ എ.ബി.വി.പി  ഗുണ്ടകളുടെ അക്രമത്തിൽ പ്രതിഷേധിച്ച് എസ്.ഐ. ഒ മലപ്പുറം ജില്ലാ കമ്മിറ്റി മലപ്പുറം കുന്നുമ്മലിൽ സംഘടിപ്പിച്ച പ്രതിഷേധ പ്രകടനത്തിൽ സംസാരിക്കുയായിരുന്നു അദ്ധേഹം.

ഹിന്ദുത്വ ഭീകരരായ ആർ.എസ്.എസിന്റെ വിദ്യാർത്ഥി വിഭാഗമായ എ.ബി.വി.പി യെ ക്യാമ്പസുകളിൽ നിന്ന് പുറന്തള്ളമെന്നും ജെ.എൻ.യു വിദ്യാർത്ഥി യൂണിയൻ ചെയർപേഴ്സൺ അടക്കമുള്ളവരെ അക്രമിച്ചതിൽ ശക്തമായ പ്രതിഷേധങ്ങളുയരണമെന്നും  അദ്ധേഹം ആഹ്വാനം ചെയ്തു. ദേശവ്യാപമായി നടക്കുന്ന എൻ.ആർ.സി, സി.എ.എ വിരുദ്ധ പ്രക്ഷോപത്തിന് ഡൽഹി ജുമാ മസ്ജിദിൽ നേതൃത്വം നൽകിയതിന്  അറസ്റ്റു ചെയ്യപ്പെട്ട് ഡൽഹി പോലീസിന്റെ ക്രൂര മർദ്ധനത്തിനിരയായ ഭീം ആർമി നേതാവ് ചന്ദ്രശേഖർ ആസാദിനെ കസ്റ്റടിയിൽ നിന്ന് നിരുപാധികം വിട്ടയക്കണമെന്നും  അദ്ധേഹത്തിന് മികച്ച ചികിത്സ ലഭ്യമാക്കണമെന്നും ജില്ലാ പ്രസിഡന്റ് ആവശ്യപ്പെട്ടു. പ്രതിഷേധ സംഗത്തിന് ജില്ലാ വൈസ് പ്രസിഡന്റ് ബാസിത് താനൂർ അധ്യക്ഷത വഹിച്ചു. പ്രകടത്തിന് ജില്ലാ സെക്രട്ടറിമാരായ ഫവാസ് അമ്പാളി, വാഹിദ് ചുള്ളിപ്പാറ, വലീദ് വി.കെ, റഷാദ് വി.പി എന്നിവർ നേതൃത്വം നൽകി.

Related Articles